معادى سيتى سنتر

Mohamed Elhusieny

روعة .. بصراحة مكان هايل جدا وممتاز وروعة ودة اقل حاجة الواحد يقدر يقولها على مكان وصرح تجارى ضخم زى مول المعادى سيتى سنتر لانة بصراحة من احسن واكبر المولات الموجودة فى مصر واى حاجة تعوزها هاتلاقيها فية ومليان منتجات ممتازة جدا وبأسعار جامدة وهايلة وكمان العروض هناك ليها وضعها ملهاش حل ممتازة وفوق الوصف وعروض مغرية كلها وكمان الخدمه هناك ممتازة وبيقبل جميع انواع كروت الائتمان ودى صعب انك تلاقيها فى اى مكان ولكن هو بصراحة مكان رائع جدا والواحد كمان بيحب يروحه حتى لو مش هايشترى حاجة من هناك يعنى انا بصراحة لازم اروحه على الاقل مرتين فى الاسبوع .

محمود ناجى نصرالدين محمد

المعادى سيتى سنتر هو من اشهر واكبر وافضل المولات فى مصر والشرق الاوسط. انا دايما بحب اروح هناك انا واصحابى. موجود فيه مجموعة كبيرة من الكافيهات والمطاعم المشهورة بقضى فيها وقت لطيف جدا. كمان بيضم ركن ترفيهى للاطفال وده بيجعله حلو جدا للعائلات. كمان بيضم مجموعة كبيرة من المحلات زى الملابس والادوات المنزلية والكهربائية والكمبيوترات والموبيلات. انا بشترى منه حاجات كتير وخصوصا الالكترونيات. انا حتى لسة مشترى كاميرا ديجيتال وموبايل من فترة قريبة. وكمان بيضم اكبر واشهر هايبر ماركت وهو كارفور. انا بنصح اى حد ما رحش سيتى سنتر قبل كدة انه يروح وبجد هيقضى وقت لطيف جدا وخصوصا لو كان مع الاصحاب او العائلة.

Samar Salem

معادى سيتى سنتر موجود فى مدينة المعراج على الطريق الدائرى عشان كده هو سهل الوصول اليه ومكان محبوب ومفضل لدى كل الناس خصوصاً انه بيضم أكبر وأشهر هايبر ماركت فى مصر وهو كارفور. السنتر بيضم محلات كثيرة وكبيرة زى زارا وسبلاش وتوب شوب ده على سبيل المثال. هناك تقدر تلاقى اى حاجة انت عايزها ومش كده وبس، ده السنتر كمان بيضم مجموعة كبيرة من الكافيهات والمطاعم المشهورة بالاضافة الى ماجيك بلانيت. الباركينج هناك سهل وانا نفسى بستمتع لما بأكون هناك لان فعلاً كل حاجة بحتاجها بلاقيها. الحاجة الوحيدة اللى نفسى تكون موجودة هى السينما لكن غير كده المكان رائع وجميل وفعلا فيه كل حاجه ممكن الواحد يحتاجها.. حتى بوكيه الورد.

Rasha Osama

معادى سيتى سنتر يعتبر من اجمد الاماكن اللى ممكن تقضى وقت لطيف فيها سواء كنت خارج لمجرد الفسحة او عايز تاكل او تشترى اى حاجة. هو عبارة عن سنتر منشأ على مساحة فعلا كبيرة وله جراج خاص بيه ( يعنى مش هتدوخ على ركنة ). يحتوى سيتى سنتر على العديد والعديد من المحلات. كان فى السابق يتكون من بعض محلات الاكل والملابس والجزء الاكبر لكارفور ماركت, اما الان فهو منقسم الى جزئين تقريبا متساووين, جزء الى كارفور وهو عبارة عن سوبر ماكت كبير به تقريبا كل ما قد تحتاجه والجزء الاخر او كما يسمونه الاكستنشن الجديد هو عبارة عن مكان يضم العديد من محلات الملابس والاحذية والشنط والادوات الكهربائية والمفروشات, يمكنك ان تجد العديد من المحلات الرائعة هناك. كما ان بجانب هذة المحلات يوجد الفود كوورت والذى يحتوى على العديد من المطاعم الرائعة. من الاخر يعنى لو حبيت تشترى طلبات للبيت او احتياجات شخصية ليك وفى نفس الوقت تقضى وقت لطيف وتتغذا او تتعشى يبقى لازم تروح سيتى سنتر المعادى. اه نسيت اقول ان بداخل سيتى سنتر المعادى يوجد ملاهى صغيرة للاطفال, يعنى لو عندك اطفال يبقى هتفسحهم وهتشترى طلباتك من مكان واحد.