هارديز

Mohamed Esmail

هارديز من المطاعم الجميلة اوي اللي بحب اكل منها وكمان من المطاعم الغنية عن التعريف حيث انها من افضل المطاعم التى تقدم وجبات على درجة عالية من الجوده وبجد احلى وجبات واحلى اكل باكلو فى هارديز، وذلك يرجع الى الطباخين والاصناف المستخدمة العالية الجوده والاسعار تعتبر اسعار معقولة بالنسبة للمنتجات والانواع المقدمة، وايضا من الاشياء التى تجعلنى اتناول من عند هارديز هى النظافة العالية التى الى ابعد الحدود وهذا ما يميز هذه السلسلة العملاقة، و ايضا ما يعجبنى هو السيستم او النظام المتبع فى الاوردرات وتقديم الطلبات حيث ان هذا السيستم فى جميع الفروع على مستوي العالم واري ان ذلك يعتبر سبب من اسباب النجاح.

Mohamed Elhusieny

من اجمد المطاعم الموجودة فى مصر هو مطعم هارديز وهى عبارة عن سلسلة مطاعم وجبات سريعة بيقع معظم مطاعم هارديز فى الجنوب ومناطق الغرب الاوسط فى الولايات المتحدة وبالنسبة للمؤسس بتاع سلسلة المطاعم دى اسمة ويليز هارديز وكان افتتح اول مطعم فى غرينفيل فى كارولاينا الشمالية كان بتاريخ 9 سبتمبر عام 1960 ومن اشهر منتجاته هو البرغر والبطاطا المقلية الممتازة والميلك والقايمه بتاعتة اكلاتها هايلة ومن اهم ماتحتوية القائمة تونة راب وبرجر راب ودجاج راب وتشيكن تندرز والاسعار طبعا حكاية وكمان فى وجبات عائلية ممتازة والاكل بتاعة بيشبع جدا وفى مصر ليه فروع فى كل مكان.

Mohamed Osama

أحلى مطعم ممكن تروحة بجد الأكل عندهم طعمه خرافة وتحس أنه غير ماك وكنتاكى تحس أن البرجر هما اللى عاملينوا مش متاخد من ثرى شيفس أو امريكانا وعندهم بطاطس بالجبنة الشيدر انصحكم تجربوها والمكان هادى والكراسى مش عالية ومريحة جدا.

مصطفي شريف

فى يوم كنت متضايق من المذاكرة وكدا فقولت اما انزل اتمشى شوية لقيت رجلى موديانى عند سيتى سنتر ولقيت نفسى قدام هارديز بصراحة كنت جعان ونفسى اكل برجر فدخلت وطلبت واستمتعت جدا بصراحة وخرجت وانا مبسوط ومبقتش متضايق ولا حاجة.

Mark Kamel

من الجميل انك تلاقى مطعم زى هارديز، فى كل فروعه الخدمه مميزه وفى كل فروعه الطعام جميل، هارديز من المطاعم اللى فعلآ تستحق التقدير والاحترام، القائمين على العمل هناك ناس كفاءة جدآ والشيفات كمان بيقدموا اكل فى قمه الروعه، مش بس كده لكن كمان الاسعار كويسه مش عاليه ولا حاجه، والاجمل من دة كله السرعه فى تجهيز الاكل يعنى مش معقوله هروح محل وانا جعان واستنى كتير، هارديز بيقدموا الاكل سخن وجميل مش بس كده لكن كمان الدليفرى سريع مريح، لو فعلآ نفسك تروح مكان نضيف وجميل وكمان يتميز بالهدوء انصحك تروح هارديز واكيد مش هتندم لان هارديز هو هاديز.

Sara Ahmed

هارديز يعني البساطة والجمال والمكان اللي بحس اني أول ما ادخله اني في اوروبا والديكوات اكتر حاجة بتبهرني فيه ده جنب الطعم الرائع اللي مش بلاقيه في اي مكان تاني.

Manar El Kady

من احلى المطاعم اللي بحبها والخدمة فيه حلوة جدا جدا وكل فروعه احلى من بعض طعم البرجر عنده جامد جدا وكمان حلقات البصل عنده تجنن بحبها اوي ودايما بطلبها مع وجبة كومبو وسعره كمان معقول