اضف شركتك مجانا

مزدحم جداً
مزدحم
معقول
رائع
الطريق

ساقية عبد المنعم الصاوى

ش 26 يوليو, الزمالك, القاهرة امام سنترال الزمالك 4.1
اكتشف الأعمال المشابهة بالقرب منك!
تعرف على شركات أخرى مشابهة!

تعليقات الزائرين

التقييمات العامة

4.1 based on 17 reviews

التقييمات والتعليقات
  • ahmed mohamed 0.0

    23rd February 2012

    من أعطم الأفكار التي تلاقت مع أرض الواقع و حققت نجاحات مهولة, أنا عضو فيها و هي بتقدم حفلات و ندوات ثقافية و تعليمية و محاضرات تعليمية متخصصة و كمثال أنا بحضر درس بيانو كل جمعة الساعة 9 صباحا مع أستاذة وداد حاملة ماجستير في الموسيقي و خريجة تربية موسيقية و بعد كل ده ال 4 حصص ب 100 جنيه بس في حين لو حبيت تحضر درس بيانو بره الحصه الوحدة ب 200 على الأقل.

  • Mohamed Elhusieny 5.0

    1st January 2012

    اشهر اماكن الثقافة فى مصر ساقية الاديب عبد المنعم الصاوى من اشهر الاماكن اللى بيتبادل فيها الاشعار الثقافية والموسيقى الراقية والراب والجاز وانواع اخرى من الموسيقات وبصراحة هى مكان ممتاز جدا وفى اهتمام عالى جدا بالناس اللى موجودة فية والفرق الموسيقية والشعراء وبصراحة مكان يستحق الاحترام جدا جدا لانة بصراحة مكان هايل وكمان اللى نجح فى استمرارها وشهرتها هو الراجل الذى يديرها فى الوقت الحالى وهو المهندس محمد عبد المنعم الصاوى وبصراحة هو نجح جدا جدا فى ادارتها وهو رجل يستحق الاحترام بصراحة ونتمتنى انها تستمر فى النجاح والتألق اللى هى فيها من ساعة ما انشئت لانة بصراحة مكان ممتاز جدا.

  • Ahmed Emad 0.0

    25th December 2011

    ساقية الصاوى هى منارة مصر الحضارية و هى واجهة ممتازة للثقافة المصرية اللتى تدهورت كثيرا فى السنوات القليلة الماضية و لكن ساقية عبد المنعم الصاوى اعادت لها جزء من بريقها وسحرها فهناك هتلاقى العديد من الندوات التثقيفية المفيدة جدا مع العديد من اصحاب الرأى و المثقفين المصريين و العرب و كمان الاجانب كمان بيعملو هناك حفلات و لازم كلنا نعرف ان ساقية عبد المنعم الصاوى هى مؤسسة غير هادفة للربح اسسها المهندس محمد عبد المنعم الصاوى الذى اصبح فيما بعد وزير للثقافة و لكنه استقال و الان هو عضو بمجلس الشعب المصرى و انا كثيرا اذهب هناك لاحضر حفلات و ندوات ثقافية

  • hisham mostafa 1.0

    24th December 2011

    الساقية دى بجد تحفة تعتبر فعلا مركز اشعاع ثقافى فى القاهرة الانشطة هناك جميلة اوى وفيها كورسات كتير زى اليوجا وورش التمثيل والغناء وتعليم اللغة العربية والكتابة للاطفال اجمل حاجة موقعها على النيل والهدوء الموجود فيها خاصة فى وسط الاسبوع كمان لما كانو بيعملو فيها شاشات عرض لكاس الامم الافريقية كانت فكرة جميلة جدا بيعجبنى المهرجانات الفنية اللى بيعملوها سواء الافلام القصيرة او الحفلات الغنائية للفرق الموسيقية الشابة وبيتيحو فرصة للفرق المسرحية تعرض على مسرح الساقية باسعار رمزية او مجانا وفنانين كتير اوى بيحبوها وبيعملوا اجتماعاتهم هناك

  • abdelsalam elwi 4.0

    23rd December 2011

    الساقيه كما نسميها نحن الشباب من افضل مشاريع الثقافيه بجد ولازم كان ياخد جائزه عليها المهندس محمد الصاوي لانها مكان نقدر نحن الشباب نجتمع فيه ونتحاور دة انا ممكن اروح هناك اقابل ناس معرفهومش واتعرف عليهم ونبقى صحاب وافضل ما بها البرامج والندوات المخلتلفه وخاصة ندوات التاريخ وافضل برامجهم هي التبادل الثاقفي والاحتكاك بالاجانب والتحدث معهم وذلك لتعلم اللغه وانا عرفتها من خلال فريق اسمه معا ده من افضل الافكار في الفتره الاخيره واللى غير وجهت شباب كتييير وانا منهم البدايه اني بدات احضر مع الفريق ده محاضرات وكانت في تأهيل الخريجين لسوق العمل وعجبني المكان ومنظر النيل والفريق نفسه حببني في المكان نفسه جدا ومن لحظتها وانا باستمرار اروح هناك واقابل زملائي هناك.

  • muhammed ahmed 0.0

    10th December 2011

    يااه ساقية عبد المنعم الصاوي دي من الاماكن المحببة جدا لقلبي وعند بداية افتتاحها كان في مسابقة رسم كده كنت مشارك فيها ولحسن الحظ انا كسبت في المسابقة دي ولما جاء وقت الجوائز صدمت لأني كنت مستني جائزة قيمة ولقيت الجائزة اشتراك مدى الحياة في ساقية عبد المنعم الصاوي طبعا زعلت جدا وحسيت بيأس بس بدأت مرة في مرة اروح هناك واجرب واشوف ايه بيتقدم هناك وعرفت ان دي جائزة اقيم من الاف الجوائز الاخرى ولقيت عالم تاني من الثقافة ومن العلم والمعرفة وناس نخبة من المثقفين والشباب اللي كله طموح وبيحب مصر بجد ده غير قاعة النهر اللي دائما بيكون فيها حفلات على اعلى مستوى وبيقدمها نجوم المجتمع.

  • Mohammed Lasheen 0.0

    25th November 2011

    اشتغلت في فترة في شركة خاصة متخصصة في مجال مواقع الانترنت والتنمية في المجمتع بس من منظور اسلامي . الشركة حبت في رمضان عام 2009 انها تعمل افطار جماعي لكل العاملية بالشركة كنا تقريب نتخطي 1000 واحد . حجزو ساقية الصاوي كلها للافطار كان يوم تحفة انك تفطر على النيل وتحت كوبري 15 مايو . دي كانت اول مرة اروح الساقية بعد كده تكررت الزيارات ليها حضرت فيها ندوات للشاعر هشام الجخ ومسرحيات صغيرة وندوات ولقاءات لكتاب بالذات بعد الثورة . وفرحت جدا لما عينو م محمد الصاوي وزير للثقافة وحسيت ان البلد دي بقى فيها ناس بتدي فعلا العيش لخبازه بس زعلت قوي لما مشي وجه بداله د عماد ابو غازي.

  • mayar elazhary 0.0

    30th October 2011

    هو مكان اصلا عبارة عن مركز ثقافي تحت كوبري أبو الفدا في الزمالك بس تحفة وفيه جزء منه على النيل مباشرة في كافيه صغير محدود الامكانيات بس الفيو هناك جبااار بمعنى الكلمة ورخيص لأقصى درجة.

  • simo gano 0.0

    29th October 2011

    ساقية الصاوي من اكتر الاماكن اللي تحب هناك تروحه تعمل فيها كل حاجة، اذا كنت رايح تدردش مع اصحابك او رايح لهدف ثقافي او رايح تحضر حفلة تذاكر تحضر معرض فني علشان المكان هناك اصلا حاجة تحفة جدا علشان بيوفر المقر الرئيسى للساقيةخمس قاعات مجهزة علشان يتعمل فيها العروض وهما قاعة النهر، وقاعة الحكمة، وقاعة الحديقة، وقاعة الكلمة وقاعة بستان النيل. القاعات متجهزة بشاشات عرض سينمائية وكمان الصوت هناك رائع والصورة واضحة جداا عالية الجودةوكمان فيه ثلاث قاعات أخرى علشان عقد الاجتماعات وورش العمل والمحاضرات وكمان كل ده واشتراكها السنوي ب 30 جنيه بس يعني مفيش احسن من كدة.

  • mohamed mahmoud 0.0

    23rd October 2011

    تعتبر ساقية الصاوى فى الزمالك مركز لجميع انواع الفنون الراقية وملاذ لجميع الناس لابداء ارائهم والتحدث مع بعض فى مختلف الامور وبقت دلوقتى مكان للمناقشات العالمية والداخلية فى كل الامور السياسيه والغنائية والفكرية. ايضا كفاية انها ساعدت نجوم كبار فى الظهور على مستوى الساحه وكمان بنشوف فيها نجوم كبار ايضا زى بلاك تيما وهشام الجخ. المكان تحفه فى موقعه وفيه كرأى كده على النيل مباشرة تحت الكوبرى مكان هادى جدا الناس بتستغله فى الدراسة والمناقشات الهادئه وهناك صاله مجهزة لعمل جميع الندوات وبقى دلوقتى منبر من المنابر التى تساعد اشخاص كثيرة لتوصيل اصواتهم الى جميع فئات المجتمع ونفسى يتعمل ليها قناه تنقل جميع الحفلات الى فيها مباشرة وكمان نتابع جميع اخبارها اول باول.

  • Mohamed Ali 0.0

    23rd October 2011

    I remember when I was doing my rowing exercises and I was passing by the Culture Wheel in Zamalek under 26 of July bridge. I was surprised about the place and how cool and nice it was. I first thought it was one of those cafeterias on the Cornish line. I decided one day to discover the place. It was pretty cool and nice. I was so surprised it was made for everyone to enjoy. Since that time, I have gotten a membership and spend most of my time there studying and meeting nice educated people. We can share ideas and opinions of our future and how to improve and develop ourselves.

  • michael sadek 0.0

    18th October 2011

    ساقية عبد المنعم الصاوي من اشهر الاماكن الثقافيه في مصر الان وهي فكره ممتازه قام بها محمد الصاوي ابن الاديب عبد المنعم الصاوي وكانت الفكره تحويل مكان مهمل في منطقة الزمالك لمنبر ثقافي وخد الاسم من (خماسية الساقيه) العمل الاشهر لوالده. ودلوقتي الساقيه هي اشهر مكان في القاهره ممكن تحضر فيه حفلات موسيقيه وغنائيه وبتقدم كل انواع الفنون ومن كل دول العالم علشان كده دلوقتي بتنافس دار الاوبرا المصريه وبتتميز الساقيه ان اسعار الحفلات فيها مناسبه للجميع وفيها تقدر تتعلم انشطه كتير جدا زي التصوير والرسم واليوجا وفيها دورات خاصه باالاطفال.

  • Mahmoud Ragab 5.0

    22nd July 2010

    من اجمل واهم وارقى الاماكن الثقافية في مصر واللي بتتميز اولا بمكانها المتميز واللي موجود بالزمالك يعني تقريبا في وسط البلد، واللي من اهم مميزاتها انها بتقدم فن راقي بجد ومختلف عن اي ذوق من الاذواق اللي ممكن تشوفها في اي مكان تاني، وكفاية اني بتابع دايما حفلات الموسيقار العبقري عمر خيرت وبستنى حفلاته هناك باستمرار، وكمان العازف نصير شمة ومواهب تانية كتير ممكن تشوفها هناك. ده غير الانشطة الثقافية الموجودة هناك زي العروض المسرحية والمعارض، ومن الجميل انك غير التنمية الثقافية اللي بتحسها هناك لما بتروح بتلاقي كمان مكان جميل على النيل يخليك تستمتع بزيادة بالانشطة اللي بتقدم وتتعرض هناك.

  • Dina Thakeb 5.0

    10th July 2010

    ساقية عبد المنعم الصاوى بالنسبة لى عبارة عن منتدى لطرح وتناول الافكار والاراء كما انها تعتبر مركز ثقافى شامل فهى بيئة خصبة لاحتواء افكار واراء الشباب والاطفال وايضا توجيه طاقتهم فى اشياء مفيدة وممتعة ومسلية فى نفس الوقت. حضرت مرة فى الساقية من فترة مهرجان للشكولاتة كان ممتع ومسلى جدا . فى بداية الامر تم فرش اكثر من غطاء بلاستيك فى القاعة على الارض وكانت كبيرة وبهاStage وجلسنا علي الارض وتم تسخين الشكولاتة فى اوعية ضخمة حتى اصبحت سائلة ثم تم تبريدها وتوزيعها علينا حتى نقوم بعمل تماثيل او اى اشكال نرغب فى رسمها او رؤيتها. حقيقى كانت تجربة ممتعة بالنسبة لى بجد. يوجد فى ساقية الصاوى بالزمالك خمس قاعات وهم قاعة النهر، والحكمة، والكلمة، وقاعة الحديقة، وقاعة بستان النيل. كما توجد انشطة والعاب رائعة ومفيدة تهتم بعقول وتنمية ملكة التفكير عند الاطفال.

  • abdelrahman gamel 5.0

    30th June 2010

    ساقية الصاوى فعلا من ارقى الاماكن الثقافية فى مصر فى الفترة الحالية وهى فعلا منارة للثقافة والفن الراقى جدا بعيدا عن الاسفاف اللى بنشوفه كل يوم فى مصر عن طريق الفن الهابط وانا حضرت كذا حفلة هناك واستمتعت جدا بالجو اللى هناك وبصراحة معظم الناس اللى بتروح هناك ناس محترمة جدا ومن صفوة المجتمع والفن والندوات اللى بيقدموها هناك بتبقى راقية جدا وحتى لو مش عاملين ندوه او حفلة ممكن تروح تقعد هناك تشرب شاى او قهوه فى الكافيه اللى هناك الجو ممتع وبجد انا بانصح اى حد عايز ينمى معرفته الثقافية والسياسية ويشوف فن بجد انه يروح هناك بدون تردد وطبعا لو عايز تعرف البرامج اللى هما عاملينها ادخل على موقع يلوبيدجز وهتعرف بسهولة ايه اللى بيقدموه وممكن تحجز اون لاين كمان .

  • Ahmed ElGohary Elgohary 4.0

    28th June 2010

    قبل ان اتحدث عن عبد المنعم الصاوي احب ان اذكر انها انشأت علي يد المهندس محمد الصاوي ابن الاديب عبد المنعم الصاوي وكانت في الاصل منطقه فارغه مركز للكثير من الاشياء السيئة ثم حولها المهندس محمد الصاوي الي مركز للفنون و المعرفه و احب ان اضيف بعض المعلومات عن الساقية حيث اني شهدت برنامج يحكي قصة عبد المنعم الصاوي فهو من مواليد محافظة البحيرة بتاريخ 20 فبراير عام 1918 بدء حياته بالعمل في الصحافة وكان نقيبا للصحفين المصريين لدورتين متتاليتين وهو من خريج كلية الاداب قسم لغة عربية من جامعة القاهرة وهو اول من اسس وكالة انباء عربية ( وكالة انباء مصر) اسس اتحاد الصحفيين الافارقة و كان رئيسه حتي وفاته وكان مسئول عن مركز مطبوعات اليونسكو و كان مؤلف لكثير من المؤلفات الروائية و الفكرية و كان اطولها و في مقدمتها خماسية الساقية ( الضحية – الرحيل – النصيب – التوبة – الحساب و لم تكتمل نظرا لوفاته و من الناحية السياسية تولي وزارتى الثقافة والإعلام معاً فى حكومة السيد ممدوح سالم فى عهد الرئيس السادات و كان عضو في مجلس شوري في اولي دوراته و علي المستوي الرياضي كان رئيس جمعية السباحة للمسافات الطويلة. فقط احببت ان اعرفكم بما هي ساقية الصاوي

  • Mohammed Diab 4.0

    26th June 2010

    تعتبر ساقية الصاوى فى الزمالك هى منارة الفنون و الثقافة فى وقتنا الحالى ... ففى الوقت الذى فسد فيه الذوق العام فى الاغانى الشعبية الركيكه المستفزه و الرقصات الهابطه بقت ساقية الصاوى كدليل على ان المصريين لسه فيهم أمل مش كلهم ذوقهم باظ و بقوا بيسمعوا الاغانى الهابطه .... أنا رحت ساقية الصاوى عشارات المرات ... لو حتكلم عنها حقول حفلات الموسيقار العالمى عمر خيرت و حفلات الموسيقار نصير شمة و آداء على الحجار المتميز , المسرحيات و حفلات الموسيقى العربية و الغربية و الفرق الشابة اللي بتعزف روك أو بتعمل مزيج بين الموسيقى الشرقية و الغربية. فيه كمان المعارض و الجاليرى للوحات و المنحوتات و المخططات و حاجات تانيه كتير أوى ..... يمكن كتير مننا بيشتكى ان الركنه صعبة هناك لو ماكنتش مستحيله بس الحل بسيط أركن فى اى شارع جانبي عند الماريوت و أتمشى ... المشي رياضة مفيدة يا ريت ناخد عليها.

ارسل رسالة إلى ساقية عبد المنعم الصاوى للحصول على المزيد من المعلومات

جميع الحقوق محفوظة © 2021 يلوبيدجز مصر المحدودة