رويال هاوس

Mohammed MOSTAFA

رويال هاوس اكتر مكان المدام بتحب تشترى منه الادوات المنزليه بالذات وانا كمان مبحسش بالملل وانا معاها فيه لانه اكتر من رائع مكان منظم وفى كل حاجه ادوات منزليه ودى اول لما تدخل على ايدك اليمين وفى لعب اطفال وكريستال وهدايا تابلوهات وقطع اثاث ديكوريه واباجورات وفازات يعنى لو عاوز تجيب هديه لحد ممكن تجيبها من هناك اما القسم اللى على الشمال ففى المنتجات الغذائيه والعطارة وقسم اللحوم والالبان والجبن وغيرها بصراحه كله زى الفل انا نفسى يكون له فرع فى التجمع الخامس.

Mark Kamel

من الجميل انك تلاقى سوبر ماركت متنوع فى منتجاته، بمعنى انه بيضم العديد من الاقسام اللى فعلآ تقدر تسد احتياجات الزبائن، سوبر ماركت رويال هاروس من السوبرماركتس اللى ناجحه جدآ فى المجال ده مش بس فى المواد الغذائيه كلها متوفره، لكن كمان فيه اقسام تانيه يمكن تكون غريبه ان فى سوبر ماركت بيبيع المنتجات دى زى الادوات المنزليه ،ومش هقول انه مش ناجح ولاتخصصه الادوات المنزليه، لكن قدر من خلال فكر ادارى جيد انه يسوق لنفسه تسويق صح، لما تروح تشترى حاجه من رويال هاوس فعلآ الخدمه هناك ممتازه جدآ وكل يوم فى تطوير وتحديث سوبر ماركت يستحق الثقه فعلا.

Manar El Kady

من اجمد السوبر ماركتس اللي موجودة في مصر، بجد رائع وكبير اوي وشامل 3 اقسام, فيه قسم للادوات المنزليه من اجهزة كهربائية وادوات منزلية، وحاجات تانية كتير لكل مايتعلق باحتياجات البيت المصري, وفيه قسم تاني للاثاث والديكورات المنزلية جميل جدا وفي منتهى الذوق والاناقة, واخر قسم هو قسم المنتجات الغذائية من لحوم ودواجن والبان وخضروات وفاكهة واغذية محفوظة. بجد القسم الاخير ده اكتر من رائع لان مافيش حاجة مش موجودة فيه، بجد شامل كل حاجة وفيه جميع انواع المنتجات الغذائية اللي ممكن تخطر على بالك باسعار هايلة ومناسبة لكل بيت مصري. كمان رويال هاوس دايما بيعمل عروض رائعة على كتير من منتجاته، وخصوصا في المناسبات بتكون العروض والخصومات عنده كبيرة اوي. العاملين هناك متعاونين ومحترمين جدا ودايما بيحافظوا على مستوى المكان ونظافته وبيحاولوا انهم يظهروا باحسن وافضل صورة، وده بخدمتهم الرائعة للناس وتنظيمهم للمنتجات المعروضة بشكل رائع وجميل، وده كله طبعا بيدل على الادارة المحترمة للمكان واللي بتبذل اقصى مافي وسعها عشان تقدم كل حاجة بشكل ممتاز وتخدم الناس باقصى مافي وسعها.

Hany Fathy

مكان فعلا حكاية. أى حاجة بتدور عليها أكيد هتلاقيها . هما عاملين حاجة جامدة جدا قاسمين المكان جزئين الجزء اللى على اليمين كل مستلزمات البيت من أدوات منزلية و ادوات كهربائية ولعب أطفال وهدايا وعلى فكرة المكان منظم جدا وكمان فى كل قسم بتلاقى موظف مسئول لو إحتاجت تسأل عن اى حاجة حيساعدك. وكمان ركن الهدايا عندهم حد مميز جدا فى لف الهدايا وكمان مش غالى انت بتدفع بس سعر الحاجة اللى هتستعمل فى اللف سواء كان ورق او كريشة اما الشخص اللى حيلف الهدية فدى ترجع لك انت عايز تدفع كام. اما الجزء الثانى من السوبر ماركت فده مخصص لباقى لوازم البيت من بقالة وعلبات ومجمدات وخلافه بس الميزة كمان إن فى محلات زى راديو شاك وموبايل شوب موجودة فى نفس المكان وفى كمان مونجينى ودايما بيعمل تخفيضات على اامنتجات بتاعته. حقيقى فعلاالمكان يستحق الزيارة لن دى ميزة جامدة جدا إنك تلاقى كل ده فى مكان واحد. هما كمان عنهم ميزة كويسة قوى إن ممكن بعد ما تشترى اللى انت عايزه تسيب ليهم الطلبات وهما يوصلوها بس مش عارف اذا كانت الحدمة دى مجانا ولا لأ.

Medo Medo

my wife is crazy about royal house more than carrfour and spineys she said that the most thing about royal house super market that they have a hight taste in their products espcially in the home staff like the kitchen staff , decoration staff and they have many shops there they have a book shop , flower shop, cinnabon, comfort and this shop is for every thing related to the bedroom and a section for gifts and presents too and a section for toys. also they deliver to your house if you called them but personnly i like to go there and shop by myself with my wife , and in their meat section they can give separte parts of the turkey and i didnt find that thing anywhere else beside carrfour . they also have a wide section for the modren furniture and espcilly the chairs of lazyboy hope to enjoy it thanks.