روزا كافيه

Mohamed Osman

روزا كافيه، موجود فى اول شارع يمين فى شمال وانت داخل مكرم عبيد من الاوتوستراد بعد كاريبيانو عبارة عن دور واحد هو دور ارضى بس بيطلع له بسلم، حجمه كبير والقعدات هناك نظام انتريهات مريحة جدا بدل الكراسى والترابيزات، نضافته معقولة، لحد الساعة 8 مساء كافيه عادى بعد كده بيقلب دى جى اغانى عربى واجنبى وفيه استاج للرقص للى عايز يقوم يرقص، اسعاره غالية شوية هو اساسا بمينيمم 25 جنيه بس المينيمم ده غالبا مش حيجيبلك غير حاجة واحدة، المكان ليه عيب واحد وهو الستف اللى هناك هما على الرغم من ان معاملتهم معقولة الا ان شكلهم غريب شوية، لكن المكان بوجه عام لذيذ او حابب تخرج تقعد قعدة كويسة انت واصحابك، انا بنقل الصورة بامانة من غير ما ازود ولا انقص ويارب اكون افدتكم.