دار المركبات

Mohamed Osman

الدار مخصص لضباط القوات المسلحة واسرهم لكن بيسمح بدخول المدنيين بمقابل مادى الدار كمان عامل اتفاقية مع وزارة التربية والتعليم بتسمح للمعلمين بعمل عضوية فى الدار ليهم ولاسرهم وبسعر قليل جدا وده بيفيد الناس اللى ساكنة قريب من الدار وغير مشتركين فى اى نادى الدار نظيف جدا وفيه مطعم على مستوى عالى اوى اتسحرت فيه فى رمضان وكان السحور رائع والسعر حلو كمان، كمان الدار فيه مكان جوه تركن فيها عربيتك وفيه حمام سباحة وفندق، ده غير ان الدار فيه عدد من قاعات الافراح واحجامهم مختلفة عشان كل المناسبات انا لسه حاضر فرح واحد صاحبى هناك وبصراحة كان جميل جدا والزفة كانت لذيذة عالاخر والضيافة والسرفسة كانوا تمام بس العيب ان الكسوة بتاعة الكراسى اللى فى القاعة كانت سيئة للغاية وما تلقشى بمكانة الدار.