باركى للبصريات

Ehab Wassily

انا بأستعمل نظارة النظر من حوالي أربعين سنة وطبعا أتعاملت مع دكاترة عيون كتير جدا وبالطبع أتعاملت مع محلات نظارات كثير على أساس إن الكشف يعاد كل 3 سنوات في حالتي وبعد الكشف إما أغير العدسات أو أغير النظارة بالكامل حسب حالتها وأخر محل أتعاملت معاة بعد الكشف هو محلات نصيف وهو موجود في شارع شهاب قريبا من شارع جامعة الدول العربية وكنت هأغير العدسات وشراء شنبر جديد , المهم دخلت المحل وأعطيت البائع الموجود الكشف وبدأت أنا وهو نختار الشنابر المناسبة لوجهي مع اخذ السعر فى الاعتبار وفى هذه الأثناء لقيت البائع اخذ النظارة القديمة وفحصها باهتمام وقالي إن النظارة وهى كانت ماركة كويسة وكانت غالية لما اشتريتها انها سليمة وكل المطلوب أعادة طلاء عند حد كويس مع تغير العدسات وبلاستيك الذراعين وقلى انة ممكن يرسلها من المحل لأحدى الورش اللى بيتعامل المحل معاهم ودة ها يكون بمبلغ صغير جدا جدا بالقياس للأسعار الحالية وأنة لما ترجع من الورشة هايركب لها بلاستيك الذراعات وهاتكون كالجديدة تماما بصراحة ان لقيتها حاجة موفرة مع أنى مش واثق في هذا الكلام لحد ما قلى أنة لو معجبتنيش مش هأدفع حاجة وساعتها أشترى واحدة جديدة وطبعا دة كان حل يرضى جميع الأطراف , فعلا بعد أربع أيام رحت استلمت النظارة وفعلا كانت في جودة الجديدة تماما جزاة الله كل خير