اضف شركتك مجانا

مزدحم جداً
مزدحم
معقول
رائع
الطريق
طريق صلاح سالم - الدراسة, الازهر, القاهرة قريب من قلعة صلاح الدين 4.2
اكتشف الأعمال المشابهة بالقرب منك!
تعرف على شركات أخرى مشابهة!

تعليقات الزائرين

التقييمات العامة

4.2 based on 65 reviews

التقييمات والتعليقات
  • Alaa Omar 0.0

    22nd January 2012

    المكان دة بجد تحفة و روعة انا اول مرة روحتة كنت سمعت عنه من اخوى و قعد يشكر لنا فيه جدا و بصراحة قلنا احنا نروح نجربه و نتفسح فيه فى يوم و بصراحة كان يوم من احلى ايامى. انا روحته انا و عائلتى اول مرة لينا و كان اخوى هو المرشد لينا هناك و قعد يورينا المكان هناك و بصراحة المكان هناك تحفة و كنا معجبين بيه جدا و قضينا هناك يوم طويل و حلو . و بصراحة اول لما خطبت قلت لازم اروح مع خطيبتى هناك علشان هى مكنتش سمعت عنه و بصراحة روحنا هناك بس كان يوم صعب شوية لانه كان يوم برد اوى و كنا روحنا هناك بالليل و تلجنا.

  • mohamed elshazly 5.0

    16th January 2012

    besara7a men a7san el el gnayen fy masr 3lshan byta3mel 7agat mo7taramah we 7falat trfyhya we tslya 3lshan el shbab ytl3o feha taket el shbab we el nas bydmno en wladhom ray7een 7afla masalan fy el azhar park we byfra7oo we sa3aat byroo7o m3ahhom 3lshan 3arfeen en el 7flat leeha 3`rd mo7tarem we shareef 3lashan yfr7ooo el nas we sa3at byt3mel 7falat 5yreh 3lshan tesa3ed el mostashfyat we el ytama we we 3yanen webyt3amel feha mo2tamrat lel shabab lhdaythom we el est3anh bel takat ely 3and el shabab

  • Eman Samir 0.0

    14th January 2012

    بجد الازهر بارك دى ماشاء الله حلوة جدا أنا أصلا عمرى ما كنت أتخيل ان فيه مكان بالجمال ده و النضافة دى فى مصر.. أنا أول مرة روحته بجد كنت حاسة انى مش فى مر من نضافته و جمال طبيعته ... هو أكيد مصر فيها أماكن كتير حلوة بس احنا اللى مش بنروحها و لا حتى بنعرف عنها حاجة أبسط مثال على كدة الازهر بارك دى أنا أول مرة أروحها السنة اللى فاتت ..أوحش حاجة هناك بتضايقنى ان الدخول ب 7 جنيه و دى حاجة مش قليلة يعنى أنا عشان أروح أنا و العيلة كلها يبقى هندخل بس ب 100 جنيه غير المصاريف التانية ..لكن أرجع و أقول برضه ان السعر كدة لا يقارن بالنسبة لرسم دخول مدينة الملاهى مثلا لكن برضه احنا لازم نتكلم عن طبقات الشعب الفقيرة اللى من حقها تستمتع ببلادها و الطبيعة بتاعتها و الا الاسر الفقيرة كدة مش هيبقى ليها حق الاستمتاع بالازهر بارك الفوق الرائعة دى...

  • Ahmed Khalil 0.0

    6th January 2012

    الازهر بارك دى قريبة اوى من جامع الازهر احنا كنا بنصلى فى جامع الازهر وقررنا ندخل الازهر بارك وكان يوم جميل لعبنا كتير وجرينا ورا بعض انا واصحابى وكمان اكلنا وشربنا كانز وكنا اشترينا كورة معانا لعبنا بيها كتير اوى وكمان كان فى اطفال كتير وقفو يتفرجو علينا واحنا بنلعب حتى احنا بعض ما خلصنا حسينا انهم عايزين يلعبو معانا فعرضنا عليهم وطبعا وافقو وكمان المناظر الخضراء هناك جميلة اوى وكتير مناظر بجد مريحة للعين وتلاقى الازهر بارك دى دايما زحمة لان الشعل المصرى بطبيعته بيحب المناظر الخضراء لانها بتريح العين

  • Mohamed Elhusieny 4.0

    2nd January 2012

    مكان ممتاز لكن الرقابة فية سيئة جدا واللى بيحصل جوة اسوء بصراحة يعنى اللى بيحصل فيها حاجات مش تمام خالص ودى نتيجة الرقابة السيئة بداخل الحديقة لكن هى كجو ممتاز جدا ومكان رائع جدا جدا بس بصراحة المشكلة اللى هناك كمان ان سعر التذكرة غالى هى بتتراوح تقريبا من 7 جنيه لعشرة جنيه انا مش متذكر اوى بس بصراحة، هى مكان هايل وفيها جو ممتاز وفيها من جوة كافيهات ومطاعم جامدة جدا بس بردو بصراحة كل الكافيهات والمطاعم اللى فيها غالية شوية لكن هى بصراحة حديقة ممتازة بس اتمنى ان الرقابة تزيد فيها شوية والاسعار تنزل شوية لان انا بصراحة مش بروح كتير علشان خاطر الاسعار.

  • Mohamed Esmail 4.0

    28th December 2011

    الازهر بارك لو حكيت عنه هقول ايه ولا ايه ده اجمل مكان في مصر هادئ ومريح بعيد عن الزحمة والدوشة مريح جدا للاعصاب فيه مناظر خلابة وجميلة اوي انا رحته اكتر من مرة مع اصحابي بس مش بحب اروحه اوقات الاعياد لانه بيبقي زحمة اوي ولما بحتاج افصل نفسي عن الشغل والبيت بروحه اقعد فيه لانه بصراحة المكان هايل جدا وممكن يكون مكان جيد للاسترخاء والراحة من ضغوط العمل مش بس كده ده مكان رومانسي جدا والبحيرة اللي فيه جميلة اوي والمطاعم هناك فوق الخيال وكمان اسعار الدخول اسعار رمزية جدا يعني مش مكلفة يعني تتناسب مع محدودي الدخل انا بنصح كل الناس انها تروحه وتفصل عن حياة الشغل شوية علشان نقدر نكمل حياتنا صح

  • abd el rahman mohamed 0.0

    28th December 2011

    الازهر بارك جامد جدا ومريح نفسيا وخصوصا للي لسه مخطوبين جديد او للعرسان برضه .. انا روحتها 3 مرات مرة لعيد ميلاد صاحبتي ومرتين مع اخواتي في الاجازة علشان نجري ونلعب وفعلا بنرجع مبسوطين اوي بس مشكلة ركنة العربية دي مشكلة كبيرة خصوصا ان الطريق قدامها رايح جاي ومافيش مكان مخصوص للركنة اخر مرة روحتها مع خطيبي شربنا 2 فراولة بصراحة كانوا غاليين شوية بس كله يهون علشان نرجع بس مبسوطين اكتر حاجة عجبتني هناك الملاهي بتاعة الاطفال والمكان اللي فيه بحيرة ده مكان ساحر يخلي الواحد يرتاح نفسيا ويرمي كل هموم الدنيا وراه، بجد الحديقة دي فوق الخيال

  • ahmed abdeldayem 0.0

    25th December 2011

    حديقة الازهر دى ياجماعة اقل ما يقال عنها انها احسن حديقة ومكان اجتماعى وعائلى موجود فى القاهرة باكملها فى وجهة نظرى. المكان تحفة جدا تصميمه رائع جدا والخديقة منظرها قمة فى الروعة انا بصراحة كنت بروحها كتير جدا مع اصحابى ايام الكلية. ولما الحمد لله ربنا اكرمنى وخطبت اول مكان حبيت اخرج فيه انا وخطبتى كان الازهر بارك. ودة غير انها فيها مطاعم جميلة واجملها واللى دايما لما بروحها باكل فيها هو ستديو مصر وطبعا مش هتكلم عن رسوم الدخول لانى بعتقد انها رخيصة جدا جدا.

  • Ahmed Emad 0.0

    25th December 2011

    الازهر بارك هى اشهر و اكبر حديقة فى مصر افتتحت حديثا فى منطقة صلاح سالم بالقرب من مشيخة الازهر الشريف فيها العديد من الخدمات اللى بتتقدم لزوار الحديقة زى منطقة المطاعم و الكافيهات المتميزة بالذات مطعم القلعة ده صرح كبير و بناء عملاق بجد لازم تدخلوه و تجربوه كمان المنظر هناك ممكن تشوف منه القاهرة كلها و كمان ممكن تشوف منظر القلعة الشامخة كمان المتميز جدا هناك ان فيه باركينج كبير ممكن تركن فيه عربيتك و انت مش خايف عليها و تذكرة ركنها مش غالية زى ما تذكرة الدخول للافراد كمان مش كبيرة لازم تروح الازهر بارك هتستمتع باليوم ده جدا

  • hisham mostafa 0.0

    23rd December 2011

    من الاماكن الساحرة فى القاهرة وانصح بة العائلات لقضاء يوم ترفيهى والاستمتاع بالمساحات الخضراء الشاسعة والتى يمرح بها الاطفال وموقعها المتميز على مرتفعات المقطم واطلالها على قلعة صلاح الدين الايوبى منظر خلاب كما يوجد بها مطاعم تطل على البحيرة الصناعية مع اسعار متوسطة فى متناول الجميع واماكن انتظار سيارات امن مع وجود حراس للحديقة يطوفون باستمرار لحفظ الامن كل هذا ويعتبر منظر الحديقة ليلا تحفة فنية تغرى الكثير من المصورين لاخذ لقطات فنية هو مكان ممتاز مع وجود قلة اهتمام بة مؤخرا بس فى المجمل مكان متميز.

  • muhammed ahmed 0.0

    10th December 2011

    مكان تحفة بجد ومصمم بطريقة عالمية وسمعت اشاعة كده ان المكان ده كله كان من كام سنة مكب نفايات واتأكدت ان الكلام ده صح وحسيت بالفخر ان الانسان المصري قادر انه يحول مكان بالقبح ده الي جنة بالجمال ده وبجد كل حاجة فيه مبهرة وتشرف سواء النظام او الامن او النظافة او التصميم المعماري العالمي اللي يخليك محتار تتصور فين من كتر ما انت شايف كل ركن في المكان ده جميل وانا عن نفسي بفضل المكان ده جدا في خروجاتي مع العائلة او في المناسبات الخاصة زي اعياد الميلاد او حفلات النجاح وغير كده في هناك اكثر من مطعم بجد روعة وبيقدموا اكلات تحفة و مستوى الخدمة فيها عالي جدا.

  • ali ahmed 4.0

    10th December 2011

    الازهر بارك من افضل الاماكن التى زرتها بالنسبه لجناين مصر وهي جنينه جميله تتميز الازهر بارك بمكانه المتميز فى وسط القاهره وهي اخر شارع الازهر قريبه من الدراسه والقلعه وعلو الاماكن العاليه اللى فيهل التى من خلالها تقدر تشوف مصر من فوق اعلى قمه فى الازهر بارك وبالنسبه للاسعار سعره جميل جدا 7 جنيه للتذكره بمكان فى منتهى الجمال والروعه والفسحه صح وحملات الامن التى تلف فى كل شبر فيها ونظافه المكان ورخص اسعار المطاعم فيها مثل مطعم الشبراوى والاماكن التى تتميز بيها مثل البحيره والجناين والنافورات التى تعطيها جمال وطبيعه المكان هى التى تشد الزائر اليها.

  • محمود ناجى نصرالدين محمد 5.0

    9th December 2011

    الازهر بارك اجمل وافضل بارك فى جمهورية مصر العربية والشرق الاوسط. بجد المكان هناك جميل جدا واكثر من رائع. انا على طول انا واصحابى خروجتنا بتبقى هناك انا بحب اروح هناك كتير وخصوصا فى الصيف والاعياد. المكان هناك عبار عن كتلة من الاراضى الخضراء ومعمولة بمناظر جميلة جدا. غير انها موجودة فى موقع متميز جدا وكمان منطقة سياحية واثارية عريقة. ما اعتقدش ان فى حد فى مصر مارحش الازهر بارك قبل كدة بجد بجد المكان جميل جدا. ده غير سعر تذكرة الدخول رخيص جدا وفى متناول الجميع وكمان المكان هناك بيحتوى على عدد من المرتفعات الخضراء اللى بتكسبه روعة وجمال. بجد اى حد ما رحش الازهر بارك قبل كدة لازم يروح ويجرب بنفسه.

  • Mohamed Rezq 5.0

    8th December 2011

    اجمل حديقه رحتها طول حياتي مناظر خلابه وانت داخلها تحس انك في عالم اخر مختلف عن الطبيعه وترتاح فيه لابعد درجه وتنسى كل مشاكلك وهموم الدنيا خصوصا لما يكون معاك اللي انت بتحبهم اخواتك او اصحابك او العائله بس معظم الناس بيروحوا هناك مع النص التاني بتاعهم يعني الحبيب او الخطيب او الزوج والزوجه ويا سلام لو الدنيا قربت من الغروب وانت في اعلى مكان هناك على الجبلايه بيكون منظر الشمس تحفه وهي بتحضن البيوت من بعيد وممكن تتابعا بشكل احلى من خلال المنظار الموجود فوق في الجبلايه بجنيه واحد لمدة دقيقتين الدخول للحديقه بيتغير سعره كل يوم وفي كل مناسبه بصراحه بتمنى يبقى سعره في الايام العاديه ثابت ويقل عن السبعه جنيه دي لانها كتيره على الناس خصوصا لو واحد معاه اسره كبيره

  • ahmed mohamed 0.0

    1st December 2011

    بجد من اجمل اماكن مصرو التي تحتوي علي مناظر طبيعية رائعة فهي تطل علي مسجد السلطان حسن و قلعة صلاح الدين و الاعظم انها قبل البارك ما تتعمل كانت مكان لالقاء النفايات لعشرات السنوات و الي يجعلها سبب في منع الامراض و الاوبئة عن اهالي الدرب الاحمر و الاضرحة، بالاضافة انها انشئت علي مساحة 30 هكتار و اعتبرت من اعظم 60 مكان حول العالم من بروجكت فور بابلك سبيسيز.

  • akmal ashraf 0.0

    1st December 2011

    بجد الازهر بارك غنية عن التعريف ورائعة جدا ويوجد مساحات خاضرة كبيرة جدا وواسعة وتنظيم الحديقة مميز جدا وعلى مستوي عالى من الجمال وايضا الوان الظهور بجد المنظر يريح الاعصاب جدا وكمان تقدر تقضى وقت جميل مع عيلتك او اصدقائك والغريب ان كان مكان الازهر بارك مخزن زبالة وبصراحة من افضل الحاجات اللى اتعملت هو الازهر بارك لانهم قدروا انهم يستفيدوا بالمكان فى حاجة مفيده ويستفيد بيها ناس كتير وايضا الامن والنظام على اعلى مستوي وعدم السماح بالدخول بالمأكولات والمشروبات للحفاظ على نظافة المكان واسعار الدخول تعتبر مميزة جدا بالنسبة للنظافة وجمال المكان.

  • Ehab Wassily 4.0

    29th November 2011

    Al Azhar park is the first of its kind in Egypt. It’s a place you can go with your family or your group of friends and have a lot of fun and enjoy your time. Once you enter, you face a very beautiful fountain. Then you move forward and you see the beautiful landscape and the green areas spread across the park. With various pergolas spread allover, you can sit anywhere you want and enjoy your time. Also with excellent food shops and outlets, you can go there and find all your needs. Food, great outdoor place, lots of green areas and the all-time beautiful huge lake. The only thing I didn't like is that at the fountains and the water places, there are children who go there and swim and no one says it's forbidden and they just let them, which ruins the scene and the beauty of the place. Just hope they have more security guards or park guards to stop that from happening, other than that. The place is perfect.

  • garat alamar 0.0

    29th November 2011

    الازهر بارك ده مكان رائع بمعني الكلمه وفعلا من اجمل الاماكن للتنزه في القاهره وممكن تقضي اليوم فيه وتتمتع بالطبيعه الساحره والالوان الطبيعيه الخلابه والمياه والبحيرات والمناظر الرائعه المكان ده يعتبر طفره في القاهره بس ياريت الناس تحافظ عليه ويفضل علي المستوي الرائع ده لان لازم يكون في مكان رائع كده يقدر الواحد يهدي اعصابه ويريح نفسه وباله فيه بالمناظر الجميله للورد والخضره والنخيل والنافورات والبحيره وطبعا المطاعم والكافيهات اللي مستواها عالي والمنظر منها رائع وخصوصا مطعم استوديو مصر المكان تحفه والمنظر منه جمييييل جدا

  • Mohammed Lasheen 0.0

    25th November 2011

    السنة اللي فاتت كنت شغال في مكان خاص والمكان وادارته حبو يبقى لينا دور اجتماعي قوي ولو حتى بأقل القليل. فكان اننا جمعنا من بعض مبلغ بسيط كان من 10-20 جنيه ورحنا على دار للايتام وخدنا الاطفال في اتوبيس كبير جهزناه للمهمة دي ورحنا بيهم في فسحة يوم جمعة في الازهر بارك. فعلا كنت اول مرة اروح الازهر بارك لكني متخيلتش ابدا ان ممكن يكون في على ارض مصر جنة زي اللي شفتها دي. الاطفال حسيت فعلا اني مش بس اخوهم لا حسيت كمان اني اب ليهم وكان معانا زميلاتنا في الشغل اللي فعلا قامو بدور امهات ليهم اللي اتحرمو من بابا وماما. وكان يوم جميل والكل استمتع والحمد لله كان يوم رائع.

  • walaa alaa 5.0

    23rd November 2011

    الازهر بارك المكان ده بحبه اوى وليه معايا ذكريات حلوه جداااا كان بقالى كتير مخرجتش انا وعائلتى واقاربى رحنا هنا ولعبنا واكلنا واستمتعنا بالمناظر الجميله مكان فعلا ساحر ومطاعم هناك روعه اول مااتخطبت رحت المكان ده انا فعلا بحبه اوى.

  • lolo khairey 0.0

    18th November 2011

    حديقة الازهر افضل حديقة دخلتها فى حياتى الصراحة جميلة اوى دى تحفة, اجمل حاجة المياه اللى بتنزل على السلالم صوتها بيكون جميل اوى, وانا اعدة هناك كنت حاسة انى فى الجنة لئيت نفسى مش بفكر فى اى حاجة, و الهوا نضيف جدا كمان بيكون فى هناك عائلات كتير بيقضو وقت ممتع سوا, وفى ناس بتعمل عيد ميلادها هناك وبيكون ظريف جدا, عجبنى اوى نظام الامن هناك عند الدخول عشان لو حد معاه حاجة مش لطيفة ميدخلش بيها كمان ممنوع اصطحاب الاكل فى صحون ممكن سندوتشات او حاجات خفيفة عادية, كمان فى شوارع وممرات الجنينة رجال الامن بيفضلو يمشو عشان اى حاجة غير لائقة وكمان البحيرة الصغيرة اللى فيها السمك جميلة جدا, وهيا مش محتاجة تغلى ولا حاجة دى كده كويسة جدا مش معقول هنحرم الناس من انها تشم شوية هوا نضيف, مهو مش كل الناس عندها مقدرة انها تدفع اكتر من5 جنيه, وكمان فى اسعار خاصة للرحلات بجد جنان.

  • محمود توفيق 0.0

    28th October 2011

    أعتقد من أجمل الاماكن فى مصر وتعتبر أحسن حاجة اتعملت فى العصر الحديث اتمنى تفضل على كدا والناس تهتم بيها وبلاش الفوضى بتاعت بعض الاماكن. اسمع عنها انها جميلة جدا ونفسى ف يوم اروح اشوفها بنفسى وكنت بسمع انها فى الاول كانت نضيفة جدا وماكانش مسموح لحد انو يرمى فيها اى قمامة لكن للأسف سمعت انو دلوقت بقت حاجة تانية خالص ومابقوش يهتموا بالنظافة لكن اتمنى انهم يهتموا بيها اكتر من كدا لو عاوزين نحافظ عليها فعلا جميلة وتمثل مصر لابد انها تكون اول حاجة نظيفة ومنظمة فعلا نفسى ازورها اوى وان شاء الله قريب هيحصل واحاول اروح اشوفها عن قرب

  • mark kamel 4.0

    27th October 2011

    الهدوء والجو الجميل مع نظرات من الماضى العريق وحدائق تجعلك فى اجمل حاله كل هذا مش هاتشوفه الا فى الازهر بارك مش كل الاماكن المزدحمه والمكتظه بالزائرين دليل على جمالها ولكن هذا البارك فعلآ متميز حيث المكان الفسيح والجو الممتع بيبقى تحفه لو انت وصحابك او انت وخطيبتك المكان هناك يشجع على الهدوء والمرح. مكان فعلآ تستطيع ان تقضى فيه وقت جميل جدآ لو كنت عايز تستريح من عملك انت واسرتك فالازهر بارك ينفع يكون مكان لكده. المكان جميل فيه ذكريات من العصر الايوبى الجميل فكل مصر مليئه بالاثار والذكريات حقآ مصر ام الدنيا فى كل مكان يوجد ماضى عريق لأجدادنا لنفتخر بهم. مكان جميل فعلآ يستحق التجربه.

  • marium mohamed 5.0

    26th October 2011

    الازهر بارك احسن مكان ممكن تروحه علشان تقضى يوم رائع فعلا، كل حاجة بتفكر فيها هتلاقيها هناك. مجرد ما تروح اول مرة مش هتقدر ما تروحش تانى فعلا مكان رائع مليان بالخضرة للى بيحب المناظر الجميلة اللى بتهدى الاعصاب، اما بالنسبة للناس اللى بتحب الاثارة و روح المغامرة ففى هناك العاب كتيرة اوى للى عايز يغامر. اما بالنسبة لهواة التصوير فده احلى مكان الواحد ممكن يتصور فيه بجد لأن المناظر هناك تحفة وخلابة، هو مكان لكل العيلة علشان تخرجوا مع بعض، وفى الحقيقة ان اللى يشجع الواحد انها مش بعيدة، الواحد ممكن يروح هناك بسهولة ما تفوتوش الفرصة.

  • Motaz Bellah Hesham 3.0

    26th October 2011

    الازهر انترناشيونال بارك كانت تعتبر من افضل الحدائق الدولية اول م فتحت ولكن حاليا انا بعتبرها قلت عن الاول وده بيرجع لكذا سبب زي مثلا: المنطقة وهي صلاح سالم على طول زحمة جدا ف بتاخد وقت كبير اوى لغاية م تروح ولكن برده فيه ميزة ان جوة فيه باركينج ،، عدد الكافيهات اللى جوة قليل الا حد ما بالنسبة لمساحة الحديقة وعدد الزوار ،، ولكن رغم كدة تعتبر من اكبر الحدائق في مصر من حيث المساحة والشكل الجمالى ورخص اسعار التذاكر تقريبا كان 5 جنيه للفرد وده مبلغ بسيط جدا وفي متناول اليد ،، ولكن في النهاية تظل حديقة الازهر متنزه رائع وجميل حيث الاستمتاع بالهواء النقي والمساحات الخضراء ..

  • sara ahmed 4.0

    24th October 2011

    مكان أكثر من رئع مصمم بطريقة معمارية متميزة على مساحة كبيرة ويضم العديد من النباتات النادرة والمناظر الرائعة. بامكانك اقامة حفلات اعياد الميلاد هناك أو تمضية اليوم مع الاسرة أو ممارسة هواياتك اذا كنت من محبي التصوير أو الرسم.

  • mohammed MOSTAFA 0.0

    22nd October 2011

    الازهر بارك فعلا نموذج رائع للتغيير فالمكان ده كان زمان مقلب زبالة لكن طبعا دلوقتى من اجمل الاماكن اللى ممكن تروحها انت والاسرة وتبقى حاسس بجو جميل حتى الذباب مش موجود ولا قطط ذى باقى الحدائق الى تقعد تلاقى الذباب لازق والقطط عماله تلف حواليك وكمان فى موسيقى جميله بيشغلوها وفى انشطة بيعملوها للاطفال يوم الجمعه مثل الرسم على القماش وهناك كمان المسرح الى بتتعمل فى انشطه مختلفه وكل ده شامل التذكره الى بتدخل بيها الحديقه وفى كمان عند البوابه بيكون فى فرقه او افراد يعزفون بعض الاغانى والاضاءة اللى بيشغلوها بالليل بتكون رائعه والمنظر من فوق وانت بتشوف مسجد محمد على والقاهرة بيكون رائع وساحر جداا وبيحب الاولاد انهم يتصوروا عند النافورة قوى والبحيرات الصناعيه الى هناك

  • waleed salah 5.0

    22nd October 2011

    مش موضوع يغلى او يرخص صراحة فى رقابة جوة جيدة جدا ودة مش كلام من غير زيارة، انا رحت المكان مرات كتيرة جداا وصراحة الرقابة اللى فيه جيدة جدا وعمره ما هيكون زى الميريلاند 2.

  • mohamed mahmoud 0.0

    19th October 2011

    بصراحة صرح خيالى ومهدى جدا للأعصاب كفاية انك شايف كل حاجه ادامك خضرا فى خضرا وتقسيم الازهر بارك معمول بشكل احترافى جدا بيناسب جميع الاذواق. بس هو مشكلته فى الاعياد وفى المناسبات بقى مكان غير مناسب انك تروحه بتحس انه بيتحول الى حديقة عامة وبيروح جمال الطبيعه منه. والجميل جدا انك تروح وتلاقى عريس وعروسة فى الزفاف وبيتمشو على الوان الطبيعة. غير البحيرة الاصطناعية الخلابة الى هناك الى بتحسسك انك فى قطعه نادرة فى مصر وكله كوم والفيو الرائع من فوق الهضبة الى بيخليك عن طريق المنظار المكبر الى فوق انك تشوف سحر وجمال طبيعة مصر القديمة والجديدة. مكان رائع ومناسب لكل الاسرة.

  • simo gano 5.0

    19th October 2011

    مكان رائع محترم للعائلات المحترمة حل مشكلة ناس كتير في انهم يروحوا مكان محترم الجو رائع كفاية اني بشوف مصر وجمالها وكمان بجد سعر التزكرة تحفة يعني فيه ناس مش بتبقي قادرة تدفع اكتر من كدة ومش بتروح في حتة عشان مش تبهدل اولادها فبتكتفي بانها تقعد في البيت بس بصراحة الازهر بارك حلتلهم المشكلة ده. بس انا بتمني انهم يزود عدد الاماكن اللي الواحد يقعد فيها بره الكافيهات يعني فيه ناس مش قادرة انها تدفع في مطعم ولا حاجة فمحتاجة انها تقعد علي كراسي زي اللي موجودة بس تزيد شوية وكما تزيد الانوار بالليل عند الحدائق بالذات اللي في اخر الحديقة ويا سلام بقي لو شغلوا مثلا اغاني ولا موسيقي هتبقي حاجة فعلا جميلة وكمان الحفلات تبقي باسعار مخفضة مش غالية يعني حفلة حمزة نمرة الي فاتت كان نفسي اروحها بس استغليت التذاكر لما عرفت سعرها.

  • amira fouad 0.0

    18th October 2011

    مكان الحديقة متميز جدا وتقدر من أعلى منطقة فيه (وهي أجمل منطقة) انك تشوف معالم جميلة وكتيرة جدا زي القلعة بس بالرغم من ان القلعة أعلى في مكانها من الحديقة الا انها متميزة في ارتفاعها. أما بالنسبة للمطعم البحري داخلها رائع جدا ويطل على منظر البحيرة الصناعية الجميلة اللي ياريت انهم يستمروا في الاهتمام بيها وبكل الحديقة لأن أجمل حاجة هناك النظافة .. فعلا الحديقة تعتبر الآن من المعالم السياحية المميزة في القاهرة بالرغم من انها جديدة بالمقارنة بباقي المعالم هي فعلا مكان متميز ورائع ومشرف انه يكون في بلدنا. انا دخلتها مرة واحدة واتفرجت على اكبر جزء ممكن إلا إني معجبة بيها جدا وأنوي الذهاب مرات كثيرة إن أمكن.

  • mohamed ibrahim 0.0

    30th July 2011

    ستوديو مصر داخل الازهر بارك هايل جدا والفيو ملوش حل ممكن تدخل بعربيتك لغاية المطعم جوة .... المكان كله هايل بصراحة

  • ahmed fahmi 0.0

    28th July 2011

    مكان اكثر من رائع والمناظر الطبيعية هناك تحفة بس بيبقى زحمة فى الاعياد ويفضل انك تروح فى يوم غير أيام الاعياد

  • أسامة السلاموني 5.0

    7th July 2011

    مكان ساحر واكثر من ممتاز للتنزه فيه وتمضية الوقت مع الاسرة او مع الاصدقاء. بجد المكان ساحر بمعنى الكلمة لانه في قلب مصر ومن هناك تقدر تشوف القلعة وتشوف ملامح من مصر الجميلة لانه مبني على ربوة عاليه تمكنك من رؤية هذه المعالم. الحديقة فيها مطاعم كتيرة بعضها في قلب الجناين وسط الخضرة والاشجار وبعضها على البحيرة الصناعية الرائعة. الحديقة بالنهار لها سحر وبالليل لها سحر تاني خالص يعني بجد عشان تستمتع بيها لازم تروحها تقضي اليوم كله هناك بس نصيحة بلاش في العطلات الرسمية والاعياد لانها بتكون زحمة موووووت ومن افضل المطاعم هناك مطعم ستوديو مصر رائع بجد وموقعه ممتاز وخصوصا في رمضان بتكون القعده فيه جميله جدا وروح رمضان بتضفي على المكان كله لمسة لا تقاوم.

  • hazem ali 4.0

    7th July 2011

    مكان رائع وجميل يجمع بين الماضى و لحاضر. يضم هذا المكان مجموعة متنوعة من الاماكن المختلفة والتى تناسب جميع الاذواق من حيث المطاعم والملاعب والمساحات الخضراء والشلالات وحديقة الاطفال الواسعة. و لكن تتطلب الحديقة الكثير من اللعب المتنوعة للاطفال التى تضمن لهم السعادة. يوجد جراج للسيارات و تعد هذة النقطة مهمة جدا لان معظم الاماكن لا يوجد لها جراج وتعد هذة مشكلة كبيرة و فى المجمل العام يعد هذا المكان تحفة رائعة للزيارة.

  • mohamed abdelwahab 0.0

    30th June 2011

    المكان دة من اجمل الأماكن اللى فى مصر وبجد لو عاوز تريح اعصابك ممكن تروح هناك وتقعد عند الشلالات وبجد هتنسى نفسك. انا عن نفسى بقول لكل الناس تروح هناك وتشوف الطبيعة والجمال.

  • mohamed azeem 4.0

    27th June 2011

    المكان جميل جدا خصوصا في الصيف نظيف وهادي. وبالنسبه للاسعار الغلابه يقدروا يخرجو فيه. والي يقدر فيه جوه استوديو مصر والمطعم الايطالي وتيريانون يقدر يستمتع فيها بعيد عن الدوشه والزحمه.

  • elewa abd el majed 5.0

    26th February 2011

    الأزهر بارك او حديقة الأزهر... البوابه السحريه مابين عالمين؛ عالم اثري قديم وطراز قديم تستطيع ان تستنشق سحر الماضي به وعالم حديث مواكب لصراع التكنولوجيا الحديثه... مكان يستحق أن يسحر عيون الزائرين وان يخطف فلوب العاشقين... اما عن الخدمات الملحقه به فتستحق الإشادة بها فهي لاتقل عن خدمة الفنادق ذات الخمس نجوم. انصح الباحثين عن الجمال ومحبي الطبيعه الخلابة بالذهاب الى منتجع الأزهر بارك السياحي المعتدل الأسعار.

  • newtocairo newtocairo 0.0

    13th February 2011

    This inner city manmade oasis boasts four five-star restaurants offering spectacular views and excellent cuisine. The Lakeside Café, overlooking Mohamed Ali's mosque, offers light meals, snacks, desserts and coffee. The Ayubid Cafe takes in the entire expanse of foliage and greenery serving café-style food. Alain LeNotre lives up to its Parisian tradition of fine pastries, adding an oriental touch of Lebanese dishes and the panorama of Old Cairo. The more formal Citadel View Restaurant specializes in Oriental cuisine served ala carte or buffet style. Service in all venues is polite and professional.

  • mark nabil 0.0

    16th January 2011

    الازهر بارك من أحلى الاماكن الي روحتها من نحية المناظر الطبيعية زي الخضرة والأشجار وطبعا شكل القلعة لأن المكان عالي وكمان المكان نضيف. دخول التذكرة بـ5 جنيه وده سعر مناسب لكل الناس. لو حد مش غني ممكن يدخل يتمشى في مكان جميل ويستمتع بـالمناظر الجميلة وفيه كمان مطاعم كتيرة حلوة بـكل الاسعار يعني فيه كافيهات اسعارها مناسب وفيه مطاعم فخمة بـاسعار غالية شوية عشان بتعمل أوبن بوفيه وكمان أوقات بتعمل فيها حفلات وأكتر حاجة حبيتها لما رحت الصور الي تصورتها أنا واصحابي هناك لأن المناظر جميلة هناك والمكان في صلاح سالم

  • asmaa soliman 0.0

    3rd July 2010

    مكان رائع جدا جدا.. فى مساحات خضراء واسعة ومطاعم ذات مستوى جيد وممكن تقيم هناك اى مناسبة تحب تحتفل بها وتقضى وقت ممتع

  • rasha aladl 0.0

    2nd July 2010

    مكان وهمى والميزة الى فية انة واسع ممكن تعقد فى اى كافية او تقعد على الخضرة. والميزة ان الكافيهات هناك كتير واسعارها كويسة جدا، ممكن تتغدى هناك وتقعد طول النهار. والمكان حتى مش بعيد ومن الافضل لما يكون فى رمضان بيبقى يجنن قبل الفطار وبعد الفطار كمان.

  • abdelrahman gamel 4.0

    30th June 2010

    حديقة الازهر بجد دى حاجة جامدة جدا لو الواحد نفسيتو تعبانة شوية تروح هناك وتهدى اعصابك من هموم الدنيا والاضاءة هناك تحفة بجد بالليل حاجة جامدة جدا. المهندس اللى عمل الاضاءة بجد بيفهم علشان هما عملنها كدة علشان تريح الاعصاب شوية واحلى حاجة انها كبيرة شوية وواسعة جدا يعنى ماتحسش فيها بالخنقة تروح وتلف براحتك وخاصة المطاعم اللى هناك فى كام مطعم هناك حلو اوى وهما اصلا هايلين والاشجار هناك حلوة بجد ومتناسقة بشكل يهدى الاعصاب حاجة جميلة ونضيفة اوى وهما كمان محافظين على نضافة المكان علشان بفضل نضيف. اجمد حاجة هناك ان فى ركن فيها بيطل على مساجد مصر القديمة وبتشوف المكان كلو وانت فى الحديقة من فوق بس بجد منظر جامد وقت الغروب.

  • mohamed kamal 0.0

    30th June 2010

    كنت في حديقة الأزهر بالأمس .. وانتهزت الفرصة والتقطت بنفسي بعض الصور منها أسعار الدخول تختلف باختلاف الأيام ، كنت هناك يوم الأربعاء وكان سعر التذكرة 3 جنيهات للفرد وأحياناً يكون 5 جنيها الهضبة اذا صعدتها سترى القاهرة التاريخية بكاملها .. مثل القلعة ومساجدها ... كما سترى القاهرة الحديثة من بعيد .. كبرج القاهرة ومبنى الإذاعة والتليفزيون

  • Fady George 0.0

    25th June 2010

    البارك رائع جدا ومكانة في قلب القاهرة في حد ذاتة ممتاز وشوفت راي ناس ان سعر الدخول يغلي شوية وناس بتعارض المبدء دة المهم في الاخر انك لما بتروح تروح مع ناس تكون فعلا مبسوط معاهم مش مشكلة سعر المهم المتعه وتكون مبسوط. في رايي المكان رائع وخصوصا البحيرة الصناعية منظر ارئع جدا جدا وبجد لما بتروح شلة بيبقي يوم لطيف بس المشكلة عندي في وقت الرجوع بتبقي عامل مجهود كبير جدا ومش بتعرف تسوق حتي 100 متر المكان بياخد كل الطاقة المخزونة وترجع فارغ الطاقة ههههههه اللي يروح هناك لازم تاني يوم يكون اجازه علشان تعرف تشحن ههههههههه بجد المكان رائع جدا جدا وبيكون يوم في ذكري كل واحد ممتاز

  • sarah magdy 0.0

    18th June 2010

    مكان فى منتهى الروعة بمجرد الدخول بتقابلك نافورة فى الأرض جميلة جداً لو بدأنا من اليمين هنمشى فى ممر و على الجانبين خضرة بعديها هتلاقى سلالم و فى نافورة على السلالم دى فى منتهى الروعة و بعديها هتلاقى مساحه جميلة من الخضرة و بعديها مطعم و منطقة للعب الأطفال لو من عند المدخل مشينا شمال هنلاقى نافورة و تتدرج فى الأرض و فى الآخر بنلاقى مطعم البحيرة اللى بيطل على بحيرة صغيرة أكثر من رائعة و هنلاقى منظر تحفة و هو مجموعة من المأذن الإسلامية مع القلعة نقدر نبص عليها من الحديقة و الحديقة كمان فيها مرتفع فيه منظار نقدر نشوف بيه الأماكن البعيدة و فيها كافية فـ نفس المكان دا طبعاً غير المسطحات الخضراء الواسعة اللى فيها و كثرة النافورات اللى بتقلل درجة الحرارة و فى ميزة كمان إن أسعار الدخول فـ متناول الجميع و الأسعار بداخل المكان بردو فى متناول الأغلبية

  • Manar El Kady 4.0

    18th June 2010

    المكان في غاية الجمال وكل مايحتاج له هو التنظيم والادارة الجيدة ففي بعض الاحيان عندما اذهب اجدها منظمة وجميلة وتتمتع بالهدوء ولكن في ايام العطلات الرسمية والاجازات تكون مزدحمة بشكل سيئ وينقصها التنظيم تماما ولكن المطاعم الموجودة بها في غاية الجمال ولقد ذهبت في شهر رمضان الماضي الى مطعم استوديو مصر هناك وكان الجو العام حلو اوي والمنظر كان رائع فتستطيع ان ترى القلعة من هناك وهي مزينة بشكل بديع ففي رمضان تكون مختلفة تماما وهي فعلا تناسب جميع الطبقات واكثر مايميزها انها مكان امن للعائلات والاصدقاء فمساحتها الكبيرة تتيح للجميع قضاء اليوم باكمله هناك ولكن لا يوجد اماكن مظللة بها في فترة الصباح

  • medo medo 0.0

    17th June 2010

    it has a great view you can see most of old cairo you can see salah el den castle , old mosques and if you go at night you will see a horrible view it will be with spcial light you will feel as if you are in el moqttam. and it is so cheep to go there you have to pay only a ticket for 5 L.E and i think it is just to keep their services such cleaning and this is the most thing i like there anyway if you want to get rest and have something to eat or drink there are many cafe shops and a wonderful restuarant with a view as if you are inside a lake it is an artificial lake and by the way their food is great . but i think it has something missing i wish to find it an amusement park for the kids as i have a daughter now :) and i like about al azhar park too the security there they help you anytime because the park is wide and keeping eyes on children too i think they have a great management their.

  • Hany Fathy 3.0

    16th June 2010

    المكان فعلا ساحر جدا خصوصا فى الصيف لو لحقت غروب الشمس وعلى رأى الفنان عادل إمام البلد دى اللى يشوفها من فوق غير اللى يشوفها من تحت. على فكرة رسم الدخول 5 جنيه دا لو انت من غير عربية انا فاكر تقريبا لما بروح ستديو مصر بدفع 13ج عشان العربية وتقريبا برضه فى رسم دخول تانى لمطعم البحيرة بس الكلام دا كان من سنة عشان انا من السنة اللى فاتت مرحتش هناك. على فكرة الاكل ف ستديو مصر حلو جدا والاسعار مناسبة انا دايما باطلب شواية لفردين ويا ريت محدش يسالنى بتروح مع مين عشان اكيد مش هقول. بس انا ممكن اقول انى كنت عايز ف رمضان اللى فات افطر مع عائلتى بس لقيت ان الافطار بوفيه مفتوح ومن رأى ان الصيام مش عايز بوفيه مفتوح فصرفت نظر. وفعلا زى معظم الاراء االمكان محتاج رقابة شوية عشان تقدر تستمتع بوقتك من غير مضايقات لكن لو رسم الدخول زاد عن 5ج العائلات تعمل ايه.

  • sarah magdy 0.0

    16th June 2010

    تقريبا انسب مكان لكل الطبقات ف مصر .. مش انسب ده المكان الوحيد الاخضر فى مصر .. مش عارفة ده ازاى .. بس بجد المنظر من فوق رهيب حلو اوووى .. والمية والاضاءة .. وياما غرقت ف النافورة اللى ف المدخل دى .. وكمان فيه هناك ستوديو مصر اكله خرافه

ارسل رسالة إلى الازهر بارك للحصول على المزيد من المعلومات

جميع الحقوق محفوظة © 2021 يلوبيدجز مصر المحدودة