Wang Fu

Sara Ahmed

انا وخطيبتي اتفقنا نعمل حاجة جديدة فقررنا ناكل اكل صيني والمشكلة في المكان انه زحمة اوي والطريق بيكون واقف لما بنروح هناك بس اكتر حاجة عجبت خطيبتي الديكور وشكل التنانين اللي مرسومة علي الحيطة وطعم الاكل هو كان غالي شوية بس الفكرة كانت جديدة وحلوة الخدمة علي قد ما هي سريعة الي حد ما لازم تبقي افضل من كده عجبني جدا ان اول ما دخلت لاقيت الويتر بيديني المينييو علشان اختار فاختارنا تشاينيز فود علشان نجرب الاكل الصيني بس طعم الاكل مش كان زي توقعاتنا بس الفكرة والمكان كانوا احلي مشكلته انه في الهرم والزحمة وكده وانه مش فيه زباين كتير.

Marium Mohamed

بجد بجد ده من اجمد و احسن مطاعم الاكل الصينى فى مصر لما بنعوز ناكل اكل صينى بنروح هناك صحيح اول مرة رحت هناك حسيت ان المكان مهجور لما شوفته من الخارج بس اول ما دخلت المطعم كان حاجة تانية خالص كان واسع جدا و الديكور كان عبارة عن رسوم تنانين صينى بجد كان تحفه حاجة رائعة بالنسبة للاكل احنا طلبنا الزالبية المقلية وكان اللحم جواها طرى وطعمه حلو اوى وبالنسبة للطبق الرئيسى طلبنا الدجاج بالفلفل الحار والثوم النشف بجد طعمه كان حكاية و الحاجة الجميلة ان الاكل عندهم طعمه مختلف عن الاكل المصرى بتاعنا هو المطعم ممكن يكون غالى شوية بس بجد يستاهل التجربة.

Sara Ahmed

قعدت فترة متردد برغم ان كل أصحابي كانوا بيشكرو في الاكل الصيني بس في الآخر قررت أجرب و بجد بدون مبالغة ألذ طعم أكل ممكن تدوقه في حياتك و تجربة جديدة بس بجد لازم تتشجع وتجربها.