Wadi Degla Holding

محمود ناجى نصرالدين محمد

نادى وادى دجلة من اجمل وافضل النوادى فى مصر. هو طبعا لى اكتر من فرع بس انا بحب فرع المعادى يقع نادى وادى دجلة فى المنطقة الصناعية الرابعة, المعادى, القاهرة وكمان لى فرع تانى فى التجمع. يضم نادى وادى دجلة عدد كبير من الاعضاء والمشتركيين. ويحتوى على عدد كبير من الانشطة الرياضية والالعاب المختلفة. مثلا زى التنس. بيضم عدد كبير من ملاعب التنس واكبر وافضل المدارس لتدريب التنس. انا بصراحة مش عضو فى النادى بس بروح النادى مع خالى عشان هو مدرب تنس هناك. بصراحة النادى جميل ونظيف جدا وكل الناس بتشكر فيه وبتتكلم عنه. يعتبر نادى وادى دجلة من افضل النوادى على مستوى جمهورية مصر العربية. انا بصراحة بنصح اى حد عايز يزور نادى او يشترك فى نادى انه لازم يجرب نادى وادى دجلة وبجد هيتبسط اوى.

Abdelrahman Gamel

النادى دة الحقيقة حلو اوى وحتى الناس اللى مشتركة فية ناس نضيفة جدا مش شعبى خالص الحقيقة كنا بنروح نلعب فيه كرة قدم انا وصحابى والحقيقة عجبنا جدا وعندهم الملاعب نضيفة جدا والكافتريات بردو الحقيقة قوية جدا وجامدة ونضيفة جدا. الحقيقة كل ما بروح هناك ببئا مش عايز امشى. وباردو حمامات السباحة جامدة جدا وواسعة وحلوة اوى. بس احلى حاجة انا ممكن اشكر فيها لانى جربتها هى ملاعب كرة القدم الارضية مستوية جدا ونضيفة اوى بجد والمكان بصراحة حلو اوى انا عجبنى جدا الصراحة والنجيلة بتاعت الملعب حلوة ونضيفة شوية الصراحة وبسمع ان كل ملاعب الهوايات المختلفة جامدة جدا من صحابى

Engy George

ان نادى وادي دجلة من اجمل النوادى الموجودة حاليا. ففى وقت قصير جدا تطور بمعدل سريع جدا ويشهد تطورات انشائية واسعة جدا ويقدم خدمات كثيرة ومتنوعة رياضية وترفيهية وثقافية لجميع الاعمار. ويمتلك ادارة ذو فكر مختلف ومتطور ومتطلع وطموحة استطاعت ان تضع النادى على الخريطة الرياضية في مصر فى زمن قصير جدا والدليل على ذلك صعود النادى للدورى الممتاز لكرة القدم. الي جانب استثماراتة فى اللاعبين وربط النادى بنادى بلجيكى تحت ادارة مشتركة مما يساهم فى دعم النادى بالاموال اللازمة لتطويرة باستمرار وتقديمة خدمات انشائية جديدة مثل بناء قرى سياحية فى العين السخنة ومارينا الي جانب بداية انشاء مدينة سكنية. الأمر الذى يعود على اعضائة بخدمات مميزة. الى جانب ان بة الكثير من الانشطة المختلفة والمتنوعة التى تعطى لك مساحة من التنوع لتقضية اوقات ممتعة لكل افراد الاسرة حتى الصغار .

Dalia Fakhry

بجد نادى جامد قوى النادى يحتوى على جميع الألعاب الرياضيه بما فيها رياضه الخيل هذه الرياضه غير موجوده فى بعض الأنديه الكبرى و كما يوجد به مدرسه البرلسى للاسكواش الذى تعطى شهادات دوليه معتمده و كمان السنه دى دخل النادى الدورى الممتاز لكره القدم.فيه كمان خمس حمامات للسباحه و يتم تخصيص أوقات لنزول السيدات فقط و يحتوى النادى على صاله جيمانزيوم و غرفه للبخار.و فيه مطاعم رائعه تقدم وجبات متنوعه شهيه و فيه أماكن كثيره لألعاب الأطفال و تراك للمشى وركوب الدراجات و فيه صالات مكيفه يوجد بها شاشات تليفزيونيه لعرض مبارايات كره القدم و فى رمضان تقام خيم رمضانيه كبيره فيها تخت شرقى و مشروبات رمضانيه و سحور . و النادى ليه عدده أفرع (المعادى –القاهره الجديده-اكتوبر) و اشتراكك فى فرع يدخلك كل الفروع و الاشتراك يمكن أن يكون بالتقسيط.