Tre's Bien Restaurant

Hytham Hamada

الاكل تحفه والاسعار وهميه ورخيصه بالنسبه للمذاق وموقعه رائع وانه كان يمتلك فى الاول فرع بجوار فرغلى للفواكه والان فرعه اخر الكوبرى لكن انا اتوقع موقعه الاولانى اميز بسبب تواجد بجوار العملاق فرغلى لكن كمطعم من حيث المذاق فى جميع ساندوتشاته رائع لكن ينقصه تجديد للمكان ونقص فى عدد الطاولات والكراسى ونقص فى عمال النظافه لصاله المطعم والحمام ويعيب له عيب خطير فى الاكل فى وجبه البطاطس لانها دائما بارده وليست فريش اتمنى ان اسم ترى بيان ينتشر مثل جاد وومبى زمان لانه لو انتشر انتشار على نفس المذاق سوف يستقبل عدد هائل من العملاء احباء اكل التيك واى.

Marium Mohamed

بالرغم أن المحل ده مش مشهور و ممكن تعدى من جمبه و متلاحظهوش الا انه فى الواقع من أحسن محلات الاكل الجاهز الى جربتها المحل موجود فى شارع جامعة الدول وهادىء جدا لما تدخله و مافيهوش ناس كتير موجودة. المنيو بتاعه عبارة عن سندوتشات فراخ ولحوم وجمبرى وكمان فيه وجبات أرز ومعاه بطاطس وفراخ. سندوتش الشيش طاووق كان حدوته الفراخ كانت كتير أوى فى السندوتش وكانت مستوية كويس جدا وكمان كان ليها طعم مميز جدا عمرى ما شوفته فى مكان تانى وكمان شاورمة الدجاج كانت حلوة بردو جدا. أحلى حاجة فعلا مش ممكن انساها سندوتش الجمبرى الجامبو كان خرافة الجمبرى كان مقلى ومقرمش وكان معاه المايونيز حدوته حبيته اوى والاسعار كانت حلوة جدا والسندوتش ب 21 جنيه و الشيش طاووق كان ب 12 الوسط.