Tom And Basal

Mohamed Elshazly

ana marah kont fy el madrsa we kont ga3an ro7t 3la tool tom & basel 3lshan a2kol men 3andoo we bysara7ah ana tohet fy el menu beta3too fehaa kol 7agh enta btkoon 3ayzhha y3ny ana ma3reftesh a2kol ah wla ah fy koshary we pizza we sandwetshat we kol 7agh we gambeeh fy bta3 3aseer 3lshan tebala3 men 3ando el akl ely aklto we el koshary bta3o dy akter 7agh ana ba7ebha 3andoo y3ny el 7agat btkoon ndefah we so5naah we lazezah t5lyyk t2kol men 3andoo tany we talet we rab3 we 5ames we ana kol lma akoon 5arg we ala2y far3 leeh baroo7 2akol men 3andoo

Hany Afify

انا مدمن كشرى واكلت تقريبا فى اغلب محلات الكشرى اللى فى مصر ومحل توم اند بصل من المحلات الممتازة وكفاية ان اسمه لوحده مختلف عن باقى اسامى مطاعم الكشرى وعلى فكرة هو ليه فروع كتير فى القاهرة بس انا اول مرة اشوفه كان فى مدينة نصر ودخلت هناك ولقيت الجودة هناك زى الفل والا الصلصة والشطة مع دقة التوم ده كله بقى على طبق الكشرى بيبقى حكاية وما ينفعش يتوصف لازم تجربه وانت تعرف، غير ان اسعاره كويسة ومعقولة زى اغلب المحلات . انا اول مرة دخلت كنت رايح اعمل مقابلة لشغل فى مدينة نصر وبعد المقابلة لقيت المطعم قدامى وببصراحة كنت جعان ودخلت وبصراحة الخدمة جوة كويسة .

Ahmad Abdelwahab

انا لسه واكل كشرى من عند نوم اند بصل هو انا مش بحب الكشرى بس بصراحه عجبنى جدا انا جربته فى اكتر من مكان بس ده عجبنى المره دى ول هاكل كشرى تانى هاجيب من عند توم أند بصل اكلة الكشرى اكله جميله ومفيده وبتشبع كويس وكمان رخيصه على فكره انا طلبته ديليفرى وصل بسرعه بصراحه والأكل جاى ملفوف كويس وسخن والكشرى معاه كل حاجه الشطه والدقه والصالصه جميل جدا بصراحه اعرف ان له فروع كتيره وفى اماكن مناسبه وقريبه لأى حد وبعدين اكبر دليل على انع مطعم كويس ومتميز الإقبال الكبير عليه من الناس لو حبيت تاكل كشرى هات من توم أمد بصل وانت عمرك ما هتندم

Motaz Bellah Hesham

انا بعتبر توم اند بصل من افضل محلات الكشري في مصر وده طبعا بيرجع لكذا سبب زي مثلا : جودة الاكل غير عادية وطبق الكشري احلى طبق كشري ممكن تاكله في حياتك، نظافة المطعم لا يعلى عليها يعني ممكن تاكل جوة المطعم وممكن تاخد تيك اواى مش زي معظم محلات الكشري بيبقى صعب تاكل جوة عشان النظافة وكدة، الستاف اللى جوة محترمين جدا جدا متفاهمين، الدعايا والاعلان اللى معمولة للمحل هايلة جدا والمحل نفسه كسب شهرة كبيرة في مصر في وقت ضيق، الدليفري سريع جدا والاوردر مش بيتأخر عن نص ساعة، الفروع منتشرة في كل مكان وان كان فرع مدينة نصر هو الافضل لانه الاكثر حيوية، صراحة محل لا ينقصه شيء وانا بعتبره من رواد محلات الكشري في مصر.

Mark Kamel

الاسم بجد يلفت الانتباه بشكل جميل، توم اند بصل توليفه من العربى الانجليزى جميل وفكره جميله توم اند بصل من المحلات اللى فعلآ جميله وبسيطه بشكل روعه، كشرى مالهوش حل وخدمه متميزه من القائمين هناك، الفكر الجميل هو الاختلاف والتميز بمعنى يمكن يكون هناك محلات كتير بتبيع كشرى لكن مش مهم كام واحد لكن الاهم مين المتميز مين اللى فعلآ يستحق أن تذهب اليه ويكون عندك ثقه فى كل اكل بيعمله انا شخصيآ بحب توم اند بصل واشجع اى شخص أن يجرب هذا الكشرى فعلآ زى مابيقولوا خلطه سحريه متميزه يرجع لشيفات ابدعوا فى هذا الطعام نظافه ومعامله جميله وكمان الاسعار كويسه جدآ.

Sara Ahmed

لو زهقت من محلات الكشري التقليدية يبقى الحل توم اند بصل. محل جديد في كل شيء في النظافة والديكورات والتصميم. لكن الشيء الوحيد اللي مش جديد هو طعم الكشري المصري الاصيل غير كده مكانه قريب من كل الناس و المعاملة هناك ممتازة.

Marium Mohamed

الصلصة بتاعتكو رائعة و إبداع. انا لما بحب آكل كشرى بجد بعرف على طول إنى لازم أروح عند توم أند بصل وبس، انا كنت مرة خارجة مع أصحابى و أكلت من فرع السادات بجد اللوجو بتاع المحل رائع والخدمة أكتر من ممتازة والمياه كانت ساقعة فى يوم حر يعنى المياه المناسبة فى اليوم المناسب. لما بكون عندى درس أو يوم دراسى طويل و بحب أكافأ نفسى بعد يوم شاق أول حاجة بتيجى على بالى أنى أروح توم أند بصل و حاجة تانية عجبتنى أوى أن سعركم ممتاز جداااااااااااا يعنى خدمة و أكل خمس نجوم والسعر بسيط يعنى الى مياكلش من عندكوا يبقى فاته نص عمره و ملوش أى عذر.

Manar El Kady

من اجمد محلات الكشري الموجودة في مصر , دايما انا واصحابي في الشغل لما بنحب نطلب كشري بنطلب من توم اند بصل لان طعم الاكل عنده فعلا حلو جدا واسعاره كمان معقولة انا بصراحة ماجربتش ولا فرع من فروعه فمعرفش الخدمة اخبارها ايه في الفروع انا دايما بطلب منه ديليفري بس المشكلة ان خدمة التوصيل عنده مش حلوة يعني بيأخر الاكل اوي وساعات كمان بيلخبط في الاوردر المطلوب او بيجيب الاوردر ناقص

Medo Medo

انا لما بيكون عندي شغل في مدينه نصر لازم اعدي علي توم اند بصل و اكل طبق الكشري المتين و بعد كده احلي بالفطير بالسكر و انا في راي ان اجمد فرع عند توم اند بصل هو فرع مدينه نصر لان ده كمان هو اكبر فرع عندهم و كمان اول فرع و الكشري بتاعهم بجد طعمه غريب شويه و تحس انك بتاكل كشري معمول بطريقه مختلفه و ليه طعم مميز و جميل بيختلف به عن باقي محلات الكشري التانيه و اظن السر في ده انه بيكتر الرز اكتر من المكرونة و المحل عنده نظيف جدا والخدمه ممتازه و الحاجه اللي بجد بيعملها حلوه اوي ولازم تجربوها الفطير سواء كان الحلو او الحادق و كمان عنده رز بلبن بالمكسرات جامد اوي اوي بس هو تقيل شويه و الحاجه الي مش كويسه هناك ان التوصيل للطلبات بيتاخر اوي لدرجه ممكن تخليك تلغي الطلب