Salah El Din El Aiouby Castle

Ali Ahmed

قلعه القاهره من من اقدم الاماكن الاثريه فى مصر وهيا قلعه صلاح الدين وبجانبها مسجد السلطان حسن التى يجى ليها السواح من جميع دول العالم العربي منهم والاجنبى كمان ليتفرجه على اثار مصر وعظمه قاديها وهيا مكان تاريخى وشاهد على جزء كبير اوى من تاريخ مصر من ايام صلاح الدين حتى محمد على باشا وهيا تضم كثير من المعلومات عن التريخ القديم بالنسبه اصلاحالدين ومحمد على وريه وسكينه وبعض ادوات الحروب التى كانو يستعملونها فى الحروب والمخابئ كمان وهيا من اول الاماكن اللى انا زورتها فى مصر وانه لسا فى المدرسه التى كانت تنظمها المدارس اثناء الاجزات الصيفيه والاسبوعيه كمان وهيا لها ذكرى جميله فى حياتى

Mohamed Elhusieny

مكان اثرى لا نقاش علية حيث ان قلعه صلاح الدين الايوبى تشغل فى مصر اهم الاماكن السياحية والتى يقبل عليها الكثير من السياح من جميع دول العالم وايضا يقبل عليها الكثيرين من المصريين الذين يريدون ان يعرفو اكثر عن اثار بلدهم وبصراحة هو مكان مبهر وكمان فية العديد من الاثار المصرية زى مسجد محمد على والمتحف الحربى والكثير والعديد من الاثار الاخرى وبصراحة هو مكان يشرف جدا جدا اى مصرى والمصريين كلهم وسعر التذكرة 2 جنيه مصرى ودى رسوم الدول للمصرين وبصراحة هو مكان هايل جدا لاكتساب بعض المعلومات عن اثار بلدك واتشرف كمصرى ان عندنا مكان زى دة فى مصر.

Mahmoud Ragab

القلعة دي من الاماكن التاريخية الجميلة اللي الواحد بيحس بقوة مصر وجيشها على مر العصور لما بيدخلها، ده لإن كل حتة فيها بتحكي عن تاريخ مصر الحديث من اول العصر الايوبي لغاية حرب اكتوبر 1973. والقلعة بتضم مجموعة كبيرة من المتاحف اللي كل متحف فيها بيحكي قصة عصر مختلف، زي المتحف الحربي ومتحف الشرطة اللي موجود فيه الملابس والادوات الخاصة بالشرطة على مر العصور والاسلحة اللي كانوا بيستخدموها. ده غير قصر الجوهرة ومسجد محمد علي المشهور بالقبة بتاعته واللي كتير من الناس بيفتكروا ان شكل القلعة هو القبة دي، ولكن شكل القلعة اللي احنا متعودين عليه فهو في الحقيقة مسجد محمد علي، اما القلعة فهي الاسوار والحصون نفسها. ومن الاماكن المشهورة كمان الساحة اللي حصل فيها مدبحة المماليك اللي عملها محمد علي عشان يقضي عليهم ويمسك الحكم واللي فضل الدم يسيل لغاية مكان بعيد من القلعة واللي اتسمى دلوقتي بالدرب الاحمر. ومن مميزات القلعة انها بتغذي الواحد بمعلومات عن كل العصور وبالذات حرب اكتوبر، واللي بتلاقي لوحات فيها معلومات عن الاسلحة المستخدمة والملابس والرتب العسكرية والقادة العسكريين اللي شاركوا في الحرب والحروب التانية كمان. وده من الحاجات اللي بتخليني احب اروح القلعة كتير عشان منساش تاريخنا العظيم اللي لازم نفضل نفتخر بيه دايما.

Abdelrahman Gamel

انا رحت القلعة مرة واحدة بس وكان يوم فى منتهى الروعة عمرى ما هنساه انا فعلا استفدت كتير جدا اليوم ده وعرفت معلومات ما كنتش اعرفها قبل كده والمكان هناك بيحسسك ان انت عايش ايام المماليك والعصور اللى بعد كدة وعجبنى قوى المتحف بتاع الرئيس الراحل جمال عبد الناصر وكمان متحف الشرطة والاعلام بتاعت مصر على مر العصور. بس بجد لازم اللى يروح هناك يتصور كتير قوى لانه لما يتفرج على الصور دى بعد كده هيفتكر الساعات الجميلة اللى هو قضاها هناك

Ahmed ElGohary Elgohary

وكمان احب اضيف بجانب مسجد محمد علي احب التحدث عن روعة ترتيب الاحداث في القسم الحربي فكل دور تجد انه يركز علي فترة معينة من تاريخ مصر وفي دور مجلس قيادة الثورة تجد كل المعلومات عن ثورة 23 يوليو تجد تماثيل لرؤوس كل اعضاء مجلس قيادة الثورة الذي سمعت بهم والذي لم يتحدث عنهم التاريخ كثيرا و ايضا بعض الرسائل بخط جمال عبد الناصر وخطة الثورة مكتوبة بخط اليد ومشروحة تفصيليا و ايضا من الاقسام التي تستحق الزيارة قسم الشرطة حيث تجد فيه القصة الحقيقية لادهم الشرقاوي و عصايته و صور خاصة به و ايضا قصة ريا وسكينة و تفاصيلها و صورهم و صور شنقهم فبتالي فعلا هيا من الأماكن التي تستحق الزيارة في مصر

Rehab Mohammed

من احلى الاماكن التاريخية اللى زرتها لأنها من اكبر و اقوى القلاع الى بناها الفاتح العظيم صلاح الدين الايوبى و انت داخل تتفرج على السور و مدى سمكه تحس بالعظمه و اذاى كل ده اتبنى فى عصور مكنش فيها روافع او اوناش او كمبيوتر فالسور من الداخل فيه ممرات سريه عشان الجنود تعيش جواه و يراقبوا الموقع الحصين و يحموا القاهره من الغزوات الخارجيه و اى شغب من الداخل و كمان السور متصل بابراج حصينه كل برج تلت ادوار و فتحات لنزول الزيت المغلى و تصويب السهام حاجه بجد مهيبه . لما تدخل جوه احلى حاجه هناك جامع محمد على باشا من افخم الجوامع فى مصر اتبنى فى 18 سنه على نفس طراز جامع السلطان احمد بتركيا بالمآذن الشاهقة فى شكل القلم الرصاص المبرى اللى ارتفاعها 82 متر و القباب المتغطيه بالرصاص عشان يحميها من العوامل الجويه بجد مهندسين زمان كانوا عباقره من جوه تتفرج على احلى و اكبر نجف و اجمل سجاد تركى ... زى ما كل السياح اللى شافوها بينبهروا بيها.نفسى كل اللى مزرهاش من المصريين يزروها ويستمتعوا بالحاجات الحلوة الموجودة فى مصر

Mohamed Diab Diab

الحقيقة أنا ساعات بتلخبط هى قلعة صلاح الدين ولا قلعة محمد على ... السبب أن كل واحد فيها عمل حاجة جواها... أنا حبدأ الأول بنبذة تاريخية عنها ناقل بعض محتواها من موسوعة ويكيبديا - قلعة صلاح الدين الأيوبي بالقاهرة، مصر. بناها صلاح الدين الأيوبي في الفترة 1176 حتى 1183، باستخدام أسرى نورمان. أضاف إليها محمد علي مسجده. كانت مقراً لحكم مصر منذ عهد صلاح الدين الأيوبي (1183) حتى نقل الخديوي إسماعيل مقر الحكم إلى قصر عابدين، الذي بناه لهذا الغرض في عقد 1860. قلعة صلاح الدين الأيوبي تقع في حي القلعة - قسم الخليفة - وقد أقيمت على إحدى الربى المنفصلة عن جبل المقطم على مشارف مدينة القاهرة. طبعاً كده عرفنا أيه سبب اللخبطه بين صلاح الدين و محمد على. تعتبر قلعة صلاح الدين الأيوبى بالقاهرة من أفخم القلاع الحربية التي شيدت في العصور الوسطى فموقعها استراتيجي من الدرجة الأولى بما يوفره هذا الموقع من أهمية دفاعية لأنه يسيطر على مدينتى القاهرة والفسطاط، كما أنه يشكل حاجزا طبيعيا مرتفعا بين المدينتين كما أنه بهذا الموقع يمكن توفير الاتصال بين القلعة والمدينة في حالة الحصار كما أنها سوف تصبح المعقل الأخير للاعتصام بها في حالة إذا ما سقطت المدينة بيد العدو. تجربتى الشخصية معى القلعة زيارتان واحدة بالنهار و واحدة باليل .... بالنهار رحت مع أصحابى و كانت تجربة فريدة و ممتازه... سعر تذكرة الدخول 2 جنيه للمصريين و 75 جنيه للأجانب. التذكرة لا تشمل كل المتاحف فى الداخل بعضها لازم تدفع فيهم تانى. المهم لو رحت هتقضى يوم حلو و مفيد. الزيارة التانية باليل كانت فى حفلة اس أو أس اللي بيعملوها كل سنة هناك و كانت حلوة أوى.

Ahmed ElGohary Elgohary

كميت المعلومات الي ممكن تحصل عليها في نهاية الزيارة كتير جدا كل حاجة متوضحة و الاقسام كتير احلي قسم اوعي يفوتك قسم الثورة و القسم الحربي وطبعا قسم الشرطة علشان تعرف القصص الحقيقية و الصور لمعظم حوادث التاريخ المنظر من فوق جامد جدا