Metro Cinema

Ahmad Ali

يعرض في سينما مترو الافلام العربيه والافلام الاجنبيه فور نزولها فهي من اشهر دور السبنما الموجوده في وسط البلد. تعرض السينما عدة افلام حيث يوجد بها صالات عرض متوسطة الحجم وحالة الصالات جيده و تستطيع متابعة الفيلم بسهوله مع جودة الصوت و وضوح الصوره. سعر التذكره فهو في متناول الجميع فالتذكره ب 15 جنيه ، و تتميز السينما بالنظافه و حسن معاملة الناس، و ايضا هي توجد امام محل ماكدونالدز حيث يمكنك الاكل وانت في انتظار بدء الحفله او تستطيع ان تنتظر في الكافيتريا بداخل السينما، و لقد استمتعت عند دخولي هذه السينما.

Ali Ahmed

سينما مترو من اقل السينمات الموجوده فى وسط البلد لانه تقع فى مكان مميز جدا سهل الوصول اليها من اى مكان فى مصر وانها تتميز بانها تعرض كل الافلام الجديده اللى فى السوق لانها فى اكثر من صاله عرض وانها تتميز بجمال شاشات العرض فى جميع الصالات ونقاء الصوت وهدوء المكان ونظافه المكان والسيستم اللى ماشيه عليه السينما وهي تتميز ايضا برجال الامن الموجودين بالسينما والمحترمين مع كل زائرى السينما والدخول والخروج منها بكل بساطه وعدم التكدس فى المكان لان نظامها من الداخل رائع جدا وانا من المعجبين بهذه السينما.

احمد ابوالقاسم

لو اتكلمنا عن سينما مترو يبقى هنتكلم على الذوق الرفيع فى اختيار الافلام يبقى هنتكلم على نظافه المكان يبقى هنتكلم على كل الحاجات الجميله اللى بتتميز بيها سينما مترو انا من وجهه نظرى شايف انها من اجمل السينيمات اللى موجوده فى وسط البلد لانها دائما فيها الجديد ودايما بتتميز بالتطور فى اختيار العروض اللى بتنزل فيها علشان كده انا بنصح اى حد عايز يشوف اى عرض جديد او فيلم جديد يروح سينما مترو لان المكان بيتميز بالنظافه والهدوء والخدمه المتميزه فى كل حاجه انا واحد من الناس اللى مش بغير المكان اللى بحب اتفرج فيه على احدث الافلام وبنصح اى حد نفسو يتفرج على سينيما يروح سينما مترو ودايما.

يوسف سيد عبد القدر محمد السمطي

بصراحة هي سينما جامدو اوي واكتر سينما بحب ادخلها انا واصحابي، لان المكان هناك نظيف وحلو والمعاملة كويسة جدا، بس ارخم حاجة فيها ان الواحد بيتدعك علشان يجيب تذاكر منها D:علشان كده بحب اروح بدري انا واصحابي نجيب التذاكر قبل الفيلم اقلها بساعتين تلاتة ونخرج نتمشي في اي مكان لحد لما العرض يبتدي قبليها بربع ساعة كده ونروح ندخل بيبقي مكان الدخول اينعم زحمة بس بنقدر ندخل ومبيكونش زحمة اكتر من شباك التذاكر لان شباك التذاكر ساعتها بيبقي عليه ناس كتييييير اوي واالواحد مبيعرفش يدخل اصلا يجيب حتي تذكرة واحدة منهم وارخم حاجة برده في ايام الاعياد بتبقي زحمة موت.

محمود ناجى نصرالدين محمد

سينما مترو من اهم وافضل السينيمات فى جمهورية مصر العربية. بصراحة الافلام فيها بتنزل قبل اى مكان اخر. هى مشكلتها الوحيدة انها على طول زحمة. وبصراحة انا معرفش اذا كان ليها اى فرع اخر ولا لأ انا اللى اعرفه بس السينما الموجودة فى وسط البلد فى شارع طلعت حرب. بصراحة الخدمة هناك متميزة جدا جدا والموظفيين هناك بيتعاملوا مع الناس بشكل جيد وكويس جدا. والقاعات اللى فى السينما مكيفة والشاشات واضحة. ده غير ان السينما بتحتوى على كافيتريا ممكن تقعد فيها لغاية ما الفيلم يبدأ. والتذاكر هناك اسعارها رخيصة ومواعيد عرض الافلام متميزة. انا بنصح اى حد بيحب يروح سينما انه يروح سينما مترو.

Mohamed Elhusieny

طبعا مش محتاجة كلام لان السينما دى من اشهر السينمات فى مصر وكمان مكان ممتاز ومتميز جدا والافلام بتاعتها جودتها ممتازة وكمان الخدمه فيها هايلة جدا وكويسة جدا وهدوء تام بصراحة يخليك تستمتع وانت بتتفرج على الفيلم وبالنسبة لافلامها ممتازة جدا وجودتها ممتازة واحدث الافلام بتكون موجودة فى سينما مترو وطبعا اسم سينيمات مترو متميز جدا لانها على اسم اشهر واكبر شركة انتاج فى امريكا وطبعا السينما دى من غير كلام شغاله زى الفل والناس هناك كلهم محترمين وبيحترمو الكل والسينما مكيفة وجامدة جدا والتذاكر بتاعتها لو فى فيلم وعليها كمية كبيرة من الناس بتشترى التذاكر بردة تروح تلاقى لسة موجود تذاكر.

Mohamed Rezq

سينما محترمه جدا وفي تطور مستمر وطبعا بنلاقي ده في التنظيم والتطوير اللي حولها من سينما بشاشه واحده الى اربع شاشات وطبعا التنظيم في الدخول والخروج شيء جميل وجمال وصفاء شاشاتها وصوتها النقي والعالي وتواجد الامن والمنظمين في الداخل من اسباب ترددي عليها دائما في معظم الاوقات بس المشكله في الاعياد بيبقى الزحام رهيب. واهني السينما على ادخال خاصيه الثلاثي الابعاد الرائعه في الافلام الجديده.

مصطفي محمود

طبعا سينما مترو هي السينما رقم واحد فى مصر من حيث احدث الافلام اللي بتعرض اجنبية وعربيه وكمان من حيث قاعة المشاهده المريحه جدا, وكمان من حيث الكافيه نضيف وجميل جدا وفيه كل حاجه, بس اجمل ما فى سينما مترو هو ان دايما قائمة الافلام محدثه باستمرار مكان مناسب جدا لقضاء سهره او عطلة او مناسبه سواء كنت لوحدك او مع اسرتك او مع مراتك او خطيبتك انا مش شايف ان في اسعار التذاكر او اسعار الكافيه اي مبالغه بالعكس مكان كويس جدا واسعار جميلة جدا ان شاء الله هقضي فيها الاجازة القادمة, ومن الافلام اللى بحب اتفرج عليها فى سينما مترو الافلام الاجنبية.

Kooooka Mohamed

مش عارف ليه اسم مترو مرتبط بالافلام العالميه يمكن علشان شركه مترو العالميه بس بجد سينما مترو جميله اوى وحتى تصميمها بجد تصميم فريد وفعلا تحس ان اجانب هما مصصممنها زى وسط البلد بالظبط وده مخليها مميزه اوى

Mohamed Ragab

اكتر سينما فى وسط البلد بحب ادخلها لانها فى منطقه جميله جدا ودايما بلاقى فيها الفيلم اللى عاوز ادخله وبتعرض اجنبى كمان