Maritim Jolie Ville Resort & Casino Sharm El Sheikh

Mark Kamel

فندق وكازينو ماريتيم جولى مكان روعه، فعلآ اسم جميل وان كان فريد من نوعه لكن فعلآ جذاب انا من اول مره لما قريت الاسم مش قادر انساه خالص، جميل المكان بكل اشكاله ويتمتع باقبال عالى من قبل الزوار لانه فعلآ شغل ممتاز نال احترام وقبول وتقدير جميع زواره، المكان تحفه فى كل شئ فالمكان يتميز بالتكامل، فتجد هناك جميع وسائل الترفيه التى تجعلك فى قمه الاستمتاع، فندق سياحى فعلآ يستحق ان تذهب اليه ان كنت من عشاق السياحه والاستمتاع الخدمه هناك متميزه جدآ والقائمين على العمل مرحبين وودودين الى ابعد درجه، التصميم نفسه متميز جدآ خدمه غرف وطعام مالهوش مثيل الاسعار تناسب مستوى الخدمه تمامآ يستحق التقدير والثقه.

Laila Mohsen

اجمل ايام حياتى قضتها فى الفندق ده بجد رائع وجميل فى كل شئ وعلى اعلى مستوى من الكفاءة فى جميع الخدمات والمعاملة كويسة جدا من جميع الموظفين انا بجد قضيت الصيف هناك اكثر من 15 مرة وكل مرة مش ببقى عاوزة امشى من جمال الطبيعة هناك ده غير ان كمان موقع الفندق مناسب جدا وقريب جدا من البحر واى حاجة نحتاجها متاحة دائما والرحلات اللى بيقدمها الفندق فى غايت الجمال بجد بنستمتع جدا زى رحلات البدو وتسلق الجبال وركوب البيتش باجى ورحلات بحرية الغوص وركوب الالعاب المائية كل دة بجد تحفة ده غير اننا كمان بنركب مركب دسكافرى القاع اللى فيها زجاج يعنى بنشوف جميع الاسماك والشعب المرجانية والاجمل اننا نقضى النهار على الشاطئ بجد حلوة قوى والليل فى الممشى والكازينو والحفلات هناك جميلة اوى بس المشكلة فى الاسعار هناك ودى مشكله كبيرة يعنى فى ناس كتير ما تعرفش حاجة عن بلدها انها فيها الجمال شرم دى جنة الله على الارض يعنى عاوزين ننشط السياحة الداخلية وتكون فى متناول الطبقة المتوسطة على الاقل وى لها حلول كتير انا بجد نفسى يبقى عندى مشروع كبير وضخم هناك.

Engy George

بجد انا باموت فى الاوتيل دة عشان ليا فية ذكريات جميلة، اول مرة رحتة كان فى (honey moon) وانا متعودة اصيف فية كل سنة ولو في سنة مارحتش هناك بجد بحس ان انا ماصيفتش حتى ولو رحت اماكن اجمل, انا بحب تصميم شاليهاتة وال(view) بتاعها كمان الشط بتاعه حلو موت وفريق الأنيمشن بتاع الأوتيل جامد مووت، و كل ال(staff) هناك فى منتهى الذوق وكمان المطعم بتاعة حلو او.ى واكتر حاجة بتعجبنى فية ركن الاطفال بنتى بتنبسط فية جدا وبتعرف تاكل من غير ماقعد اتخانق معاها. كمان الكازينو بتاعه بيقدم سهرات وفقرات جامدة مووت. موقعة كمان حلو جدا لان كل ابوابة بتخرج على (الممشى) ودة طبعا بالنسبة لى مهم جدا لان احيانا كتير بعد ما بنخرج ببقة عاوزة ارجع عشان محتاجة اى حاجة لبنتى فالموضوع ما بيكونش متعب خالص بالعكس.