Marciano Restaurant & Cafe

Eman Mokabel

عن جدارة كافيه ماركيانو من اكثر الكافيهات شهرة بالاسكندرية وذلك للخدمة المتميزة والمشروبات المتنوعة والمتميزة وكذلك الاطباق الفريدة اللذيذة، بالاضافة الى المكان المميز بديكوراته وطاقم خدمته، وينقسم الكافيه لاكثر من منطقة لتلبية كافة اذواق واحتياجات رواده، حيث به منطقة داخل الكافيه لمن يفضل الاجواء الدافئة وكذلك لغير المدخنين ومنطقة خارج الكافيه لمن يريد الجلوس بالهواء الطلق للاستمتاع بجو الاسكندرية الممتع وكذلك للمدخنين، بالاضافة الى اتساعه وانقسامه لطابقين مما يتيح لرواده اقامة الحفلات والمناسبات المختلفة

Mark Kamel

ماركيانو رستوران من المطاعم اللى فى محرم بك اللى الاكل ممتاز جدآ يعنى مستوى الخدمه كويس وكمان مذاق الاكل مش وحش، من الجميل لو حاولوا يغيروا ويجددوا من نفسهم، بس الاسعار كويسه هناك، مفيش نجاح بدون تعب يعنى انا شايف ان المطعم عليه ان يبذل مجهود اكتر من كده فى تنوع الاكل، يجيب شيفات ليهم باع طويل فى موضوع الاكل ده، انا شايف ان المطعم بيتجه للأحسن وفى فتره قريبه هيكون اجمل من كده بكتير، يعنى المطعم ذو شهره عاليه، لو فكر انه يعمل تسويق صح لنفسه انا شايف انه هينجح وهيلاقى اقبال كتير وخاصه فى المنطقه اللى هو موجود فيه.

Motaz Bellah Hesham

ماركيانو مكان رائع ومنظم في كل شىء ،، ومن افضل المطاعم اللى موجودة في محرم بك واسكندرية عموما ،، الاكل نضيف جدا جدا واحلى حاجة تاكلها هناك هي البيتزا الايطالية بمعنى الكلمة ،، المطعم من جوة واسع جدا ونضيف جدا وهادي وعلى انغام الموسيقى الرومانسية الهادئة ،، والهوا هناك تحفة وفي ساحة انتظار للسيارات ف مش بلاقي اى مشكلة هناك لانه جمب الحديقة الدولية ،، المطعم ينقسم لقسمين كافيه ومطعم وفيه وايرلس ممتاز ،، الاسعار تعتبر غالية شوية ولكن صراحة المطعم يستحق لذلك انا بنصح كل الناس انها تجرب مطعم ماركيانو لانه ممتاز ..

Sara Ahmed

مكان في منتهى الرقي كفاية انه في اكبر وأكتر مولات اسكندرية رقي وكفاية المنظر اللي بتشوفه من هناك ياريت أقدر أوصفه بس صعب جدا حاجة زي كدة تتوصف وبجد تجربة ما تتنسيش لأن صعب جدا تلاقي مكان في مصر بالرقي والنظافة والمعاملة والخدمة دي. عيبه الوحيد بالنسبة لي ان سعره مبالغ فيه أوي بس أعتقد ان السعر ده بيحدد مدى رقي المكان والناس اللي بتتردد عليه بس بجد مكان عمري ما شوفت في رقيه ولا جودة كل حاجة فيه من طقم بيشتغل الي أنواع بيقدموها الي موسيقى كلاسيك روعة تناسب كل الاذواق أنصح اي حد عايز يعزم عزومة متتنسيش بالمكان ده لأنه بجد حاجة خيالية

Kooooka Mohamed

مكان فعلا حلو وهادى اوى تقدر تقول عليه فعلا مكان رومانسى رغم ان اصحابى مش بيوافقونى الراى لان بالنسبالهم المكان الجامد لازم يكون زحمه ودوشه. لكن انا بحب حاجه تانيه خالص انا شايف ان الهدوء من الاشياء المهمه جدا فى المكان الراقى.