Koshary Zizo

Sameh Samir

زيزو صاحب التاج الملكى كما يطلق علي نفسه وصورة التاج اللى بيحطه فى كل المطبوعات والاعلانات وعلى جدران وثلاجات العرض فى فروعه فى الجيزة وروكسى. زيزو احلى كشرى ممكن تأكله فى حياتك طعمه قريب قوى من الكشرى اللى ممكن تاكله فى البيت بس على احلى واجمد وزيزو كمان بيعمل رز بلبن جامد اوى اوى اوى وعنده شيف مخصوص بيعمله .. زيزو بدأ زمان بفرع الجيزة والفرع ده يعتبر من اقوى واجمد محلات الكشرى فى الجيزة موقعه متميز لانه فى قلب الجيزة وادام محطة قطارالجيزة يعنى كل اللى من الجيزة او خارج منها هياكل كشرى من عند زيزو. اما فرع روكسى فهو حاجة تانية خالص بالاضافة للكشرى بيقدم بيتزا وفطائر شرقية وشاورما والشاورما ديه مش عارف اوصفها.. هاقول ايه ولا ايه؟؟ شاورما عالمية جدا جدا والفرع ده فى مكان رائع جدا فى ميدان روكسى يعنى موقع مميز جدا وزيزو هناك مشهور جدا ومسمع لحد المطار لان مافيش حد بيعمل كشرى هناك حلو غير زيزو. زيزو دايما بيطور من نفسه وكل شهر رمضان من كل سنة بيبا ميعاد التجديدات والصيانة السنوية لمحلاته كلها وبيهتم جدا فى كل محلاته بالنظافة والتنظيم وحسن استقبال الزبائن وان شاء الله قريب هاروح ازور الفرع الجديد اللى اتفتح من شهرين فى المنيب واكيد هيكون حلو زى كل الفروع.