Island View Resort

Rasha Osama

صن رايز ايلاند فيو يعتبر من اجمل واجمد الاماكن اللى ممكن تقضى فيها وقت ممتع وجميل فى شرم. فعلا ريزورت تحفة لان تصميمة رائع كل الغرف بتطل على فيو رائع وكمان توضيب المكان هناك جميل اوى سواء كانت المساحات الخضراء او حمامات السباحة .... ده غير ان الاصطف بتاعة ممتاز وفوق الممتاز ابتداء من مدير الفندق الى اصغر عامل هناك مبيميزوش بين مصرى واجنبى بالعكس خلال المدة اللى قعدتها هناك كانوا بيعملونا بطريقة جمبلة جدا. حاجة تانية الريزورت فى خدمات كتيرة اوى يعنى مش هتحتاج انك تروح اى مكان تانى لو حبيت, هتلاقى هناك كل حاجة ابتداء من الووتر سبورتس او الرياضات المائية مثل البنانا بوت, الجلاس بوت او البراسيلينج وغيره وكمان هناك فى انيميشن تيم رائع جدا بيعمل شغل عالى من اول اليوم الى اخرة (يقدمولك برامج رائعة كل يوم), كمان بالليل على السويمنج بول هتلاقى فى واحد يعزف ويغنى من الاخر هتستمتع فعلا بكل لحظة هتقديها هناك. تصميم الغرف هناك لطيف جدا بمعنى لو حبيت انك تاخد غرفتين مع بعض هتلاقى ولو حبيت غرفة واحدة او سويت هتلاقى كل اللى انت عايزة او بتفكر فية هتلاقية هناك. ده غير ان المطاعم بتاعتهم سواء المطعم الرئيسى او اللى على حمام السباحة او اللى على البحر يقدموا اكل وهمى اكلهم حلو جدا. بالاضافة الى كل ده الريزورت موقعة متميز وقريب من كل حاجة, جانبة ممكن تلاقى ال SOHO SQUARE والعديد من الكافيهات والمطاعم ولو حبيت تنزل مثلا خليج نعمة فى اقل من ربع ساعة هتكون هناك. لو قلولى تحبى تنزلى فين فى شرم, اقولهم فى صن رايز ايلاند فيو

Sameh Samir

اذا اردت ان تستمتع بشرم الشيخ فلا تتردد ان يكون هذا الريزورت الرائع هو اختيارك، ففيه كل ما هو جميل فى شرم الشيخ بداية من الغرف المريحة التى تطل على حمام السباحة او البحر، والتنسيق الداخلى للريزورت فاذا اردت ان ترى الخضرة تجول داخل الريزورت فسوف تجد واذا اردت ان تجلس على جسر صغير اعلى بحيرة صغيرة والمياه تتحرك من حولك لكى تلتقط صورة جميلة فسوف تجد. وهناك اكثر من حمام للسباحة والالعاب المائية موجودة تناسب الكبار والصغار. ناهيك عن المطعم وعن الماكولات التى يقدمونها فى البوفيه المفتوح انواع عديدة متنوعة ومختلفة من الطعام ترضى كل الاذواق حتى النباتين او الذين يتبعون انظمة الحمية، بالاضافة للمخبوزات والحلوبات الشرقية والغربية والبوفيه المفتوح على حمام السباحة يقدم عشاء رائع من البيتزا والمشويات والعصائر. كما ان الفندق يقدم برنامج ترفيهى للنزلاء " فريق الانيمشين " والبرنامج اكثر من رائع متجدد من يوم لاخر حيث الكاريوكى وعرض الماجيك. وكل العاملين فى الفندق متعاونين هدفهم رضائك، فعلا الريزروت اكثر من رائع. واعتذر لشيف الحلويات فقد ارهقته بصنع كميات كبيرة من كيك البلح لاننى اعتقد اننى تناولت كل كيك البلح الموجود فى الفندق لانه كان لذيذ واكثر من رائع.

Asmaa Moawad

الريزورت ده من وجهة نظري حلو جدا لانى فعلا قضيت وقت حلو اوي لما رحت يونيو 2009 مع زملائى واصحابى في الشغل كان وقت لطيف جدا. أولا من ناحية الغرف فهي كثيرة ومتنوعة تناسب الافراد و الاسر انا ساعتها كنت نازلة في السويت اللى بيطل على البيسين الكبير وكان بجد حلو قوي اما ثانيا بالنسبة للمطاعم فأغلب الوقت كنت بقضيه على مطعم البول او المطعم الرئيسي كان الاكل بجد حلو قوي وكنت بفضل الفطار بيعملوا اومليت بأي اضافات تحفة بجد ولا الوافل بالشيكولاتة يجنن اما ستف المطعم بجد زوق جدا جدا وخصوصا السوبرفايزر على المطعم كان بروفيشنال جدا انا مش هنسى موقف كان ساعتها موضوع انفلونزا الخنازير وشفت بنت اجنبية بتدوق السلطة من نفس المعلقة اللي في الطبق ولما قلت للسوبرفايزر في التو واللحظة امر ان يشيل الطبق مع انه كان لسه مليان ولسه حطينه وده كان موقف احترمته جدااااا وكان بيهتم دايما يشوفنا اذا كنا محتاجين اي حاجة او في اي مشكلة ثالثا الترفيه هناك حلو اوي طبعا الصبح من الساعة 8:30 تقدر تروح البيتش وبما ان البيتش بعيد شوية فهما موفرين وسيلة توصلك لحد هناك الفيو حلو اوي ومنظر الاسماك في البحر تحفة.. وفي انشطة كتيرة تقدر تعملها سواء البانانا بوت او الباراسيلنج حلو اوي كان نفسي اعمله :( او الساب مارين بالليل تقدر تجلس على البول مع اصحابك او تلعب بلياردو في صالة الالعاب هناك او تروح المسرح لان بجد الانيماشن تيم فوق الرائع لذاذ جدا سواء بالليل في المسرح او الصبح في البول ودايما بيقدموا فقرات في المسرح مضحكة جدا ومتنوعة ومش هنسى الاستقبال ناس فوق الرائعين ذوق جدا ومتعاونين ودايما بيحلو اي شكوى او مشكلة بجد بنصح اي حد يروح بس روحوا من شهر 10 كده لحد شهر 3 لان الوقت هناك شمس جدا واخيرا المكان بجد كله حلو اوي والتعامل محترم جدا جدا

Heba Tullah Azzam

ريزورت جميل جدا - قريب من ال Soho Square و هناك هتشوف النافورة الراقصة و فى مجموعة مطاعم و كافيهات لطيفة _ الريزورت نفسة جميل جدا فية ووتر سبورتس و animation team كل يوم عندهم برنامج مميز وشيق - كل العاملين بالفندق من مدير المكان الى اصغر واحد ناس زوق جدا و متعاونين - المطعم الرئيسى البوفية فيه مستواه كويس جدا و الفطار عندهم مميز جدا- بيعملو وافل بالشيكولاتة رائع - الفندق كمان فية مطعم سى فوود على البحر على طول موقعة تحفة بجد - مستوى النظافة ممتاز الريزورت كلة مفيش تعليق علية غير انة رائع

Ahmed ElGohary Elgohary

من الفنادق الجميلة جدا في شرم الشيخ المطعم نظيف جدا الاكل متنوع كل يوم حمام السباحة كبير و فريق الانميشن هناك لذيذ الغرف كويسة هو بس الوصول ليها بيكون صعب شويه لانه متاهة شوية