Hend Koshary & Pastry

Abdelsalam Elwi

كشري روعه جدا وله خلطة مسحورة على أخر حاجه من افضل المحلات اللى باكل فيها ويتميز برونق المحل والتصميم الرائع الذي يشجع على الاكل وكمان التحلية ومن الاخر بحب اقعد في المحل ده كتييير علشان اتفرج على مستوى خدمته وكمان طريقة تعامل الناس مع الزباين والعملاء والافضل انه بيقدم خدمات كتيير منها مكان للاسر والعائلات وتقدر تاكل بره في الهواء الطلق والشارع وكمان التوصيل للمنازل باسرع وقت ويبقى الاكل سخن كانه لسه طالع من الفرن او البوتاجاز وانا الصراحه بفضله احب اكل عنده وكمان لما اعزم صحابي بعزمهم عنده لانى عارف انهم هيدعولي

Mohamed Rezq

انبسطت جدا لما عرفت انهم افتتحوا فرع في امبابه عندنا في منطقة المنيره الغربيه قدام موقف الاتوبيسات ياريت الموقع يكتب المكان ده عشان مش موجود في الاختيارات بصراحه انا مش عارف رقم المحل بس العنوان زي ما كتبته وطبعا كشري هند غني عن التعريف لانه من المحلات اللي بتشد انتباهك الفرع الجديد عباره عن جوهرة وسط السوق لانه كله رخام وشاشه تلفزيون كبيره يديك احساس انك مش في امبابه لكن في الاسعار تعرف انك في امبابه الشعبيه لانه اسعاره مش غاليه خالص وكمان الكشري تحس انه بيتي فعلا غير كمان الطاجن الروعه اللي ملوش حل

Mark Kamel

كشرى هند من محلات الكشرى المشهوره خالص فى مدينه نصر بصراحه كدة الخلطه اللى بيقدمها مطعم هند جميله خالص برغم ان الكشرى بقة انت وماشى كدة فى اى شارع تلاقى مطاعم كتيره بتبيعه لكن اللى انا شايفه ان هند بتقدم الكشري فعلآ بطريقه جميله مش بس كده لكن المطعم موقعه متميز وجميل والاسعار عنده مش عاليه ولا حاجه لكن هو صراحة مميز فى كل حاجه الشئ كمان اللى بيعجبنى فى هند انهم بيوفروا خدمه التوصيل للمنازل يعنى دى بتريح خالص وكمان الاكل بيبقى سخن ومش بيتأخروا لكن فعلآ يستحقوا الثقه اشجعك خالص انك تروح تجرب هند هتتبسط خالص.

محمود ناجى نصرالدين محمد

كشرى هند هو من اشهر واكبر محلات الكشرى فى مدينة نصر. وهو طبعا لى فروع كتير بس بصراحة انا ما رحتش غير فرع مدينة نصر الموجود فى الشارع الخليفة القاهر. بصراحة الكشرى بتاعه لا يعلى عليه. انا كل لما انزل مدينة نصر باكل من عنده وكمان طواجن المكرونة بتاعته لا تقاوم. وكمان اسعاره رخيصة جدا وفى متناول الجميع. وكمان الخدمة هناك متميزة جدا والمعاملة كويسة جدا بين الموظفيين والزبائن. وما اقولكوش على نظافة المحل بقة دى احسن حاجة فيه وبجد لازم كلكوا تجربوا وهتتبسطوا اوى.