Galaxy Cinema

Hytham Hamada

سينما هادئه وجميله ومساحتها كبيره يوجد بها سته قاعات لذلك تمتلىء باكبر عدد من الافلام الجديده وموقعها مميز وكل الطرق مؤديه ليها من اكتر من اتجاه ويوجد بجوارها افضل المطاعم وافضل الكافيهات تتمتع بصوت نقى وممتاز بخدمه جيده نظيفه من الداخل كراسيها مريحه جدا يوجد بها كافتريا جميله كل شىء تحتاجه هتلاقيه موجود فيها لكن عيبها الوحيد انها غاليه شويه بالنسبه لموقعها لان كل المناطق الى تجاورها تملك مواطنين عاديين منطقه حى المنيل الذين يتمتعون بالثراء العيب التانى ايضا الخروج من الباب الخلفى امامه المنطقه لا تمكلك نفس النظافه الذى يمتلكها الباب الرئيسى.

محمود ناجى نصرالدين محمد

سينما جلاكسى المنيل هى من افضل السينمات فى القاهرة وافلامها دايما جديدة. انا دايما لما انزل المنيل لازم ادخل سينما جلاكسى. الخدمة هناك متميزة جدا والمعامل الكويسة والجيدة بين الموظفيين والناس بتجذب عدد كبير من الناس لزيارة السينما غير انها تضم قاعات مكيفة ومريحة وشاشتها شديدة الوضوح والمكان هادى تماما. وكمان فى كافتريات هناك عشان لو حابب تنتظر لغاية ما الفيلم يبدا. بجد بجد هى من اجمد السينمات فى القاهرة وانا بحبها جدا. وانا بقول لاى حد نفسه يدخل سينما وساكن قريب من المنيل انه لازم يروح سينما جلاكسى وبجد هينبسط جدا.

Ehab Wassily

Cinema Galaxy is the real home of the best movies ever... with a great price for the 10 am and 1 am sessions and 30 L.E for other sessions, with sessions up till 1:00 am. It's a great place to enjoy your favorite new movies once they are released in Egypt. The cinema itself is organized, with a great cafeteria where you can buy your favorite snack for the movie... POPCORN and other products. The Cinema halls itself are very clean and very comfortable and the staff are very friendly and they are always happy to help you with any problem you may have. The sound isolation is very well designed (since I am an architecture student, I pay attention to these things) so you don’t feel echo or sounds from another movie next to you. One of the best Cinema places in Egypt.

Rehab Mohammed

سينما ممتازة وراقية جدا. فيها 6 قاعات فبيبقى معروض فيها معظم الأفلام اللى نازلة أجنبى وعربى. والقاعات بتاعتها واسعة ونظيفة جدا.. والكراسى لسة جديدة :-) أسعار تذاكرها كويسة جدا بالنسبة لموقعها و شكلها حفلة 10:00 صباحا و 1:00 ظهرا بـ 15 جنية، والحفلات المسائية 4:00 و7:00 بـ 25 جنية. وأنا دايما بروح حفلة 10 صباحا أعتقد إنها مناسبة جدا للبنات لأن تقريبا معظمها بتبقى عائلات أو مجموعات أصحاب من البنات. عيبها الوحيد هى الكافيتيريا بتاعتها، أخر فيلم رحته فى الإستراحة بتاعة الفيلم جربت أشترى حاجة منها لقيت الناس إللى بتبيع واقفين مش فهمين حاجة وطلبت الطلب بتاعى أكتر من 20 مرة عشان يجيبهولى. بس الحمامات بتاعتها نظيفة جدا.

Mai Talaat

بحب السينما دى جدا نضيفه وكمان الصوت فيها واضح قوى ورأيى انها من اجمد السينمات اللى تتعد على الصوابع فى مصر