Fares Seafood

محمود ناجى نصرالدين محمد

مطعم فارس للمكاولات البحرية من احسن وافضل المطاعم اللى بتقدم ماكولات بحرية واسماك فى شرم الشيخ. بجد المحل ده جامد اخر حاجة. الاكل بتاعه ليه طعم مختلف. انا كل مابروح شرم لازم اكل من عنده . هناك بقى بيعمل مجموعة متنوعة من الماكولات البحرية وبطرق مختلفة والاسماك بتبقى طازة وطعمها جامد انا اكتر سمك بحب اكله عنده الجمبرى والبلطى. اما بقى عن الاسعار فالاسعار مش غاليه اوى بس بتتناسب مع جودة المحل. اما بقى عن الخدمة فالخدمة هناك متميزة جدا . وكمان المحل نظيف جدا وديه اهم حاجة وخصوصا فى المناطق السياحية . بجد اى حد بيروح شرم الشيخ لازم يجرب المحل ده.

Laila Mohsen

لازم كل ما اطلع شرم اكل فى مطعم فارس احلى والذ طعم فى جميع انواع الأسماك بجانب طبعا السلطات اللى بيقدمها المطعم بتبقى خطيرة جدا وبجد بتبقى زى فاتح شهيه ولا كمان النظام والنظافه فى المطعم ولا يوجد رائحة كريهة لا بالعكس احنا لما ندخل بنشم رائحة عطريه بجانب رائحة السمك الجميلة وكمان الخدمة فوق الممتازة بجد الواحد بيفضل قاعد فترة طويلة جدا فى المطعم بسبب طعامة الاكل والخدمة الممتازة والكل بيبقى مبسوط جدا من الاكل وطريقة تقديم الاكل فى الاطباق مختلف جدا بشكل جميل والأهم ان السعر مش غالى اوى زى المطاعم التانية خالص دة يعنى اسعار مناسبة شويه بجد نفسى اكل سمك عنده تانى.

Mark Kamel

مطعم فارس للمأكولات البحريه بيقدم اكلات لذيذة جدآ، فعلا طعمها لذيذ يمكن اغلب المطاعم بتعمل كده لكن انا شايف ان فارس بيقوم بعمل ممتاز مش بس فى نوعية الاكل وكمان الطعم الممتاز، لكن المحل نفسه جميل بمعنى ان الموقع والعمال هناك فى قمه المعامله الجيدة بحيث انك لما تروح هناك مستحيل تطلع متضايق، السلطات بيعملوها بشكل وطعم لذيذ وكمان جميع الاكل البحرى ليه طعم جميل وتتبيله مميزه، وبما انى ليا خبره متوسطة في الاكلات اقدر اقول انهم بيعملوا اكل ممتاز، الاسعار كمان هناك كويسه بحيث انك مش هتدفع كتير وفى نفس الوقت هتتبسط قوي من الاكل، يستحق التجربه فعلآ مش هتتندم.

Mohammed MOSTAFA

انا روحته مرة كنا فى رحلة لشرم الشيخ انا والمدام بتاعتى وبصراحه ولاننا من هواة السمك فمش اى حاجه بتعجبنا لكن بصراحه مطعم فارس من ساعتها بقة من مزارات شرم كل لما نروح لازم نروح ناكل فيه السمك هناك حكايه بجد له طعم مختلف وبتبله تتبيله معينه كده بتديله طعم مش ممكن وكمان سهل قوى تروحله ومش بعيد ورا قهوة او كافيه فى السوق المصرى القديم اسمه سبورتس وكمان اسعاره عاديه هى بس شويه اكتر بس الفرق مش كبير خالص.

Nader Atwa

مينفعش اروح شرم الشيخ الا لما اروح مطعم فارس للسمك اكله صابح واسعاره ممتازه وكمان الموقع داخل السوف القديم مميز بجوه المصرى الجميل.