Head Office
4.8 based on 13 reviews
22nd January 2012
من اوائل البنوك ذات المعاملات الاسلامية وهو انتهج اسلوب اثبت ان المعاملات ذات الصيغة الاسلامية ناجحة دون الاضرار بالطرفين البنك والعميل ويقدم البنك اداء مصرفى راقى ولقد ساهم فى مشاريع كثيرة فى مصر وساهم فى مشاريع خيرية ولقد اصر والدى ان يودع مدخراته فى هذا البنك الاسلامى وهو راضى تماما على الاداء المحترم لموظفيه بالاضافه لمشاركته البنك فى الاعمال الخيرية ومنها تحفيظ القران والتدريب المهنى مثل تعليم التفصيل والخياطة والتريكو ومهارات الحاسب الالى وذلك لغير القادرين والاهم منح المحتاجين قروض حسنة بدون زيادة على قيمتها
20th January 2012
بنك فيصل الإسلامى البنك الوحيد فى مصر ذات مصداقية فى التعاملات الأسلاميه. لأنه لايتعامل بالقروض الربويه الذى نها عنها الله عز وجل . وانا من عملاء هذا البنك واعرف مايميزه عن غيره لآنى حاولت ان أخذ منه قرض رغم انى لايوجد لى حاجه له فرفض وعرضو عليه انى لو عايز اعمل مشروع ممكن ان يوفرو لى ما احتاجه من اجهزه ومعدات وخامات بعد دراسة مشروعى ومن المكسب يستردو ما انفقوه. وهذا ما شجعنى ان اسحب اموالى من البنك الاخر وافتح حساب فى البنك حتى اكون عونا للشباب من يحتاج اقامة مشروع. ويعرض البنك استسماراته فى المشاريع التى تساعد فى زيادت الإستثمار وفرص العمل ويتوافد على البنك اعداد كبيره مما يجعل العملاء يستغرقو وقت كبير حتى يتم عملية الايداع او السحب وممكن حل هذه المشكله بزيادة عدد في الأماكن التى لا يوجد فيها فروع.
30th December 2011
لازم وانت رايح الدقي وانت جي من التحرير هتلاقي في اول شارع التحرير مبنى عملاق جدا مبني بالطراز الاسلامي ومطرز بالايات القرأنيه المصنوعه من النحاس بشكل خيالي ياخذ العقل وبالنسبه للتعامل فيه الواحد سال كتير عن البنك وتعاملاته وهل فعلا هو اسلامي ولا لأ وحلال ولا حرام بس كانت معظم الاجابات بتقول انه الواحد يدور على اللي بيقول انه تعاملاته سليمه وانت ونيتك مع ربنا واتوكل على الله واودع فيه بس بصراحه التعامل هناك رائع وسلس وتحس براحه بسبب كلمة اسلامي وانا اعتقد انه مفيش بنك اسلامي غيره في مصر وده غير ان القروض فيه ميسره ومش بفوائد عاليه زي غيره
29th December 2011
بنك فيصل الاسلامى ده بنك متميز جدا و بنك مميز بمعاملاته البنكية و المصرفية الممتازة و اللى بتحبب الناس فيه اكتر بنك فيصل بيتميز ان معاملاته كلها على الطريقة الاسلاميو على عكس البنوك الاخرى و اللى الناس بتسميها الربوية لكن عموما تتفق او تختلف مع ده ف بنك فصل ليه نظام مختلف تماما عن اى بنك فى مصر و ده بيبان لما تفتح حساب عندهم اولا الفائدة اللى بيدوهالك فائدة ليست ثابتة و لكنها متغيرة مع تغير المكسب او الخسارة بالنسبة للمبلغ اللى حضرتك بتحطه فى البنك عندهم و البنك المعاملة بداخله محترمة جدا و متميزة لما تحط فلوسك فى بنك فيصل انت بتحط فلوسك فى مكان مضمون
10th December 2011
بجد بنك محترم جدا واجمل ما فيه انه اسلامي والمعاملات فيه متوافقة مع مباديء الشريعة الاسلامية وده يخلي الواحد قلبه متطمن لأن كترت الاقاويل والفتاوى اللي بتحرم الربا وأظن افضل طريق ان الواحد يريح عقله وقلبه انه يتقي الشبهات وده اللي بيقدمه بنك فيصل الاسلامي ومش بس كده البنك بيقدم خدمات كتير اوي تناسب كل الناس وتواكب العصر زي حسابات توفير الشباب وزي بطاقات الفيزا الكترون وبطاقات الشراء عبر الانترنت ومن اجمل ما يميزه ايضا خدمة العملاء اللي بجد قمة في الذوق وبيخدموك على قد ما يقدروا جزا الله خيرا كل القائمين على هذا الصرح العملاق.
27th November 2011
جميل جدا ان يكون فى بنك اسلامى بس الاهم انه يقدم الخدمات للطبقة المتوسطة التى طالما لم تنل اى قسط من الاهتمام. انا شايف بجد ان كل البنوك اللى موجودة فى مصر سياستها واحدة وهى "اللى معهوش ميلزموش" يعنى لو رايح تاخد قرض وانت معندكش رصيد فى البنك او مرتبك مش واصل لألفين تلاتة يبقى كل سنة وانت طيب. نفسى اعرف هوا لو انا عندى رصيد او مرتبى بالشكل دا هاخد قرض ليه؟. تعرفوا لو بطلوا يدوا قروض للشركات المالتى ناشيونال (الكبيرة) اللى هيا اصلا مش محتاجة القرض بس هيا بتاخدوا اصلا علشان تقلل المخاطرة على فلوسها الشخصية واتوزعت القروض دى على الشباب فى صورة قروض بمشروعات ليها دراسات جدوى مسبقة اكيد هيتقلص نسبة الفقر والجهل اللى احنا فيه.
26th November 2011
بنك فيصل الأسلامى بالنسبة لى احسن بنك لأنو بيعمل طبقا للشريعة الأسلامية ده بنك محترم جدا وكمان بيتارجت فئه ليست بالقليله وخدماته متنوعه وحاجه تطمنك في التعامل معاهم بدون قلق والبنك عضو في اشياء كثير مثل مجلس الخدمات الاسلايه بماليزيا، وخدماته المصرفيه على الانترنت منها اصدار البطاقات الفيزا والماستر على طووول وكمان حاجه اسلاميه يعني مفيش فوائد ولا حرمانية، وله مشاريع استثماريه جاده وشهادت الادخار الخاصه به مميزه جدا، انا لدى حساب فى البنك وهو فعلا بنك محترم وبه مميزات عديده منها خدمه اصدار بطاقه فيزا الكترونيك، حاجة جميلة اوى ان يكون فى بنك اسلامى.
25th November 2011
بنك فيصل الاسلامي صرح مصرفي رهيب . مكانه في شارع التحرير جنب قسم الدقي على طول . دايما كنت بعدي عليه وانا رايح شغلي . البنك مش بس بنك دا ملحق بيه برج سكني البنك بيطبق نظام المعاملات الاسلامية ودا اول بنك في مصر بيعمل كده حتى ان البنوك الاخرى بقت بتطبق ده ذي بنك مصر مثلا بدأ يبعمل فروع للمعاملات الاسلامية خاصة بعد ما كثر الكلام عن حرمة وحلة الفلوس والارباح اللي بتقدمها البنوك . البنك بيقدم قروض ميسرة جدا وبدون فوائد كبيرة على غير العادة ذي البنوك التانية وكمان ممكن تعمل حساب على المكسب والخسارة يعني تتحمل جزء من الخسارة في حالة خسران الفلوس من قبل البنك.
22nd November 2011
mamy bt7b t7ot flosha f bank faisal eleslamy, 3ashan eslamy y3ny w dar el efta a7lto, bs ana bsm3 en hwa bidy nfs elfayda elsanawya ely bideha ay bank tany, f allaho a3lam en kan hwa eslamy f nzamo 7a2e2y wlal2. bs mamy 3momn mrta7a m3 elbank gdn sawa2 fe 5edmet 3omala w anzma w kol 7aga, bs hwa moshkelto en fro3o f alexandria msh keter, f mamy bttdr tro7lo f a5r alex w bib2a meshwar s3b 3leha w kaman btb2a 5aifa la elflos ttsr2 f eltare2 wla 7aga l2nha bttdr trkb mwaslat keter.
17th November 2011
انا لدى حساب فى البنك وهو فعلا بنك محترم وبه مميزات عديده منها خدمه اصدار بطاقه فيزا الكترون ومصاريف اصدار هذه البطاقه هى 10 جنيها فقط وهى بطافه دفع مباشره وتقوم من خلالها بالشراء ولها قبول محلى وعالمى ويمكن استخدامها فى اى مكان فى العالم سواء بالسحب او الشراء ولديهم ايضا خدمه اصدار بطاقه الصارف الالى ومصاريف اصدار البطاقه 20 جنيها وبها العديد من الخدمات وانا معى هذه البطاقه فعلا رائعه اقوم من خلالها بالسحب النقدى والايداع فى حسابى وايداع الشيكات وكمبيلات التحصيل والاستفسار عن ارصده الحسابات وطلب كشف الحساب ودفاتر الشيكات.
8th November 2011
بنك فيصل الأسلامى بالنسبالى احسن بنك لأنو بيعمل طبقا للشريعة الأسلامية, بيعجبنى كمان هناك نظام حلو اوى اى حد عندو رصيد فى البنك هناك5000 جنيه او اكتر سواء كان ايداع او شهادات بيدخلوه سحب على حج وعمرة وبيفوز فيها كذا شخص وبتكون على حساب البنك, الأنظمة عندهم كتيرة وجميلة لأستثمار الفلوس, اقل حاجة هناك تشترى شهادة ب500 جنيه وتاخد ربحها كل3 سنين ده بيعجبنى اوى صراحة, شكل البنك كمان جميل اوى فرع وسط البلد تحس انك داخل مشيخة مش بنك والله, والخدمة جوا جميلة وتحس بالأمان لأنو بيطبق الشريعة والدين, ده حتى دلوئتى فى دول اوروبا بيطالبو بتطبيق الشريعة فى البنوك زى ما عرفنا فى اخر فترة, ان شاء الله هيكون للبنك ده مستقبل اعظم كمان وكمان.
27th October 2011
حاجة جميلة اوى ان يكون فى بنك اسلامى... جزا الله القائمين عليه خيرا
23rd October 2011
بنك على مسمى كتير منا بيخاف يتعامل مع البنوك نظرا لمدى حرمانيتها من شرعيتها ومن هنا نجد بنك فيصل الاسلامى من خدمة عملاء محترمه جدا وبشوشه طووال الوقت وامكانيات وتسهيلات وطرق مشروعه لإستثمار اموالك بنظام يريح بالك ويخليك مطمن. انا معايا الفيزا من هناك وبصراحه معامله وخدمة على احسن مستوى. وطبعا زى اى بنك اخر فى شهادات ادخار ومعاملاته ولكن نظامه الشهير هوا الى جذب ليه معظم الشعب ونحسبه على خير باذن الله. ولكن اكثر ما يميز هذا البنك بالنسبالى هو الكاست الى جوه كله ساعه الصلاه بيقفل شبابيكه مما يوصل لك روح الايمان والمحبه فى هذا المكان ويدفع لك الثقه مره عن اخرى للتعامل معهم.
Branches
Send an email to Faisal Islamic Bank Of Egypt for more information
© 2021 Egypt Yellow Pages Ltd. All Rights Reserved.
