Faculty Of Commerce - Cairo University

Mohamed Rezq

من كليات الشعب لان معظم الطلاب بيفضلوها عن باقي الكليات لان ليها مجالات شغل كتير بعد التخرج لكن الدراسه فيها صعبه شويه لانها عايزه تركيز دائم في كل نقطه لانها حسابات بقى والمعروف ان الحسابات ذي السبحه لو فكت منها عقده يبقى فرط العقد كلية تجارة جامعة القاهره تعتبر اكبر كليه في مصر من حيث المباني وعدد المدرجات حتى انه فيها مبنى كامل منفصل كبير لمدرج واحد وهو مدرج الدكتور العيوطي واللي بيتسع لحوالي 6 الاف طالب وكمان ثلاث مباني فيها مدرجات مسماه بالترتيب الابجدي 1ش ب ج د ه و ده غير مبنى لتجاره انجلش اللي هو انضف مبنى في الكليه

Motaz Bellah Hesham

انا في اولى كلية تجارة جامعة القاهرة وشايف ان كلية التجارة كلية مفيدة جدا وبندرس مواد كتيرة جدا والدكاترة اللى جوة محترمين اوى وعلى درجة عالية جدا من العلم والكفاءة، مصاريف الجامعة رخيصة جدا سواء مصاريف اساسية 180 جنيه او مصاريف كتب 25 جنيه وهي تعتبر ارخص جامعة حكومية في مصر، العيب اللى شايفه في الكلية واللى انا شايفه في اي مؤسسة حكومية هو الزحام الشديد وعدم التنظيم والزحام بقة في تجارة ليه قصة تانية خالص لان الدفعة اصلا اكبر من العدد اللى بيشيله المدرج، لكن ربنا يسهل واعدي السنين دي على خير و ان شاء الله تجارة مجالها مفتوح واقدر اشتغل في اي مكان كويس لو قدرت اثبت كفاءتي.

Laila Mohsen

كلية تجارة انا لما دخلتها كنت خايفة منها لان الكل بيقول صعبة جدا وقليل جدا اللى بيعدى منها لكن لما ابتديت احضر واذاكر واسمع نصائح الدكاترة اكتشفت ان مفيش حاجة صعبة وكمان معظم الدكاترة طريقتهم فى وصول المعلومة جميلة جدا بس عاوزين اللى يلتزم بجد انا قضيت احلى ايام دراستى فى الكلية دى وكمان بجانب الدراسة الانشطة اللى بجد بتحفز الطالب اكتر على الوصول لاعلى مستوى ثقافى واجتماعى ورياضى ده بجانب الرحلات احلى رحلات تلاقيها فى تجارة ودى عن تجربة.

Mohamed Farghaly Yaseen

فى الاول انا كنت فاكر انه هيجبلى كل مايتعلق عن كليه التجاره بجامعه القاهره واسف لانى مخدتش بالى انه دليل فقط وعلى العموم متشكر للمعلومات دى. وفى الحقيقه انا متشكر جدا جدا جدا عن هذا البحث وانا كنت فاكر بصراحه انه بحث أى كلام يعنى هيجينى اسم الكليه وبس لكن جابلى اسم الكليه وده الاكيد منه والشارع ورقم التيلفون كمان يعنى حاجه جميله آخر حاجه يعنى الموقع ده موقع دليلى العربى المصرى اتضحلى انه موقع جميل جدا.. وبجد بجد أتمنى انه يكون على قمه المواقع العربيه والعالميه واكثرهم شهره وعلى العموم أسف لهذا التقييم لانى ضغطت غلط المفروض خمس نجوم مش نجمه واحده وجزاكم الله خيرا وشكرا جزيلا.