El Montaza Palace

Mark Kamel

مكان فوق الروعه وفوق الوصف يتميز بالهدوء والمناظر الخلابه، فعلا تسحر العيون، الاكتر من كده ان منظر البحر المتوسط هناك روعه، كل ما اروح المنتزه فعلآ انبهر من شده وروعه المكان، محمد على باشا فعلآ قائد ورجل فعلآ عظيم قدر يسيب فعلآ فى البلد بصمته ولحد النهارده لسه انجازاته بتحكى عنه وعن تاريخه، من الجميل ان فى مصر نلاقى الحاجات دى وكمان بالروعه والجمال ده، القصر فى موقع يحسد عليه طبعآ من البديهى يكون فى المكان ده والجمال ده والتصميم الفوق الممتاز لانى مش اى حد كان فيه دا محمد على واسرته كمان اللى فعلآ لسه مازارش قصر المنتزه يفكر تانى المكان يستحق الزياره وكمان الخدمه جميله هناك للاستمتاع.

Marium Mohamed

You are a fantastic place where one can go to have fun and entertain. When one goes there, you can get a lot of historical information about his past and the history of our country. The monuments there are very impressive and fantastic and looks great. When one goes there, he will never forget the time and keeps going and going. It is a really wonderful place to visit with family, especially your kids in order to give them the chance to discover their history in an exciting way. You are very easy to get to and one can find you easily.

Manar El Kady

قصر المنتزه يعتبر واحد من رموز الجمال النادر في العالم. محمد علي باشا بنى القصر ده عشان يكون مصيف لاسرته. والسر في جمال المكان هناك هو موقعه الفريد علي شاطئ الإسكندرية لانه اتبنى فوق هضبة مرتفعة وبتحيط بيه الجناين الرائعة على مساحة 370 فدان، ده غير انه اتبنى على الطراز الفرنسي والطراز العثماني الإسلامي، وتشمل الجناين دي أحواض للزهور والنباتات والأشجار وملاعب للأطفال ومركز للرياضيات البحرية. ومن المعالم الأثرية هناك برج الساعة الشهير وكشك الشاي اللي اتبنى على الطراز الروماني والمطل على الشاطئ عشان يشرب فيه الملك وحاشيته (شاي العصاري) ويناقشوا أمور الحكم، ده غير سينما الأميرات اللي جنب قصر الملك، وهي عبارة عن جنينة ليها سور وفيها حيطة كبيرة مجهزة لعرض أفلام السينما العالمية لتسلية الأميرات. هتلاقي كمان قصرين تانيين شبه قصر المنتزه في الشكل والهيئة الرائعة أولهم قصر الحرملك اللي كان بيقيم فيه حريم الملك ونساء الحاشية التابعة للأسرة الملكية، ودلوقتي اتحول الى فندق فاخر وكازينو ممتاز , اتبني القصر ده في جنينة كبيرة فريدة في تنسيقها وبيبص على البحر الرائع, أما القصر التاني هو قصر السلاملك وكان الغرض منه هو اقامة الرجال من حاشية الملك، ودلوقتي برضو اصبح فندق فخم جدا. داخل المنتزه فيه كمية مهولة من الحدائق والشواطئ الرائعة والمريحة للاعصاب وكانت مخصصة للترفيه عن الملك ونسائه وحاشيته وتمشية الأميرات. دلوقتي المنتزه اصبح مكان سياحي من الدرجة الاولى لانه بيتمتع بالعديد من وسائل الترفيه من شواطئ وملاعب وجناين، ده غير الفنادق الشيك الموجودة فيه وهم فندق السلاملك والحرملك وفندق فلسطين كمان. انا عن نفسي كل مرة اروح فيها اسكندرية لازم ادخل المنتزه اقضي يوم هناك لاني بحس فيها براحة وهدوء وفعلا بستمتع بالمناظر الجميلة الخلابة وبالجو الرائع وبمنظر البحر اللي مالهوش حل.

Rehab Mohammed

من الأماكن التاريخية المهمة اللى لازم تزورها فى إسكندرية، من اجمل القصور الملكيه فى عصر اسرة محمد على باشا عشان كده الظباط الاحرار بعد الثورة اخدوه على طول و متحولش لمتحف لانه قصر فخم جداا زى قصور باريس و روما اتبنى عشان العيلة المالكه تصيف فيه و هو فعلا فى احلى مكان فى اسكندريه محاط ب 300 فدان من الاشجار و النباتات اللى جبها محمد على خصيصا من اوربا عشان يزرعها فى حديقته الخاصه حولين القصر .حولين القصر فى قصيرين واحد للرجال و اسمه السلامليك وواحد للحريم و اسمه الحرملك زمان كان ممنوع الاختلاط عندهم .قصر السلامليك اتحول دلوقتى لفندق خمس نجوم و فيه صور جميله جداا للملك فاروق هو مع اخواته و و صور تانيه و هو عريس ببدله الفرح و معاه عروسته صور جميله اووى و جوه المطعم تتفرج على عده الدخان الخاصه بيه و شويه اطباق ممضيين من نابليون . منظر البحر هناك فوق الروعه و خاصا كبرى الملك فاروق و تقدر تاخد صور حلوة جداا لقصر المنتزه من هناك عشان محدش يقدر يدخل القصر لانه تابع لرئاسه الجمهوريه