El Gezirah Sporting Club

Mohamed Rezq

نادي الجزيره الرياضي في الزمالك نبع ومنجم لاستخراج الموهوبين في كل الالعاب خصوصا كرة القدم لان اللي يروح في اي يوم للنادي هيلاقي الاف الاطفال والشباب اللي بيلعبوا في كل حته في النادي سواء على النجيل او على البلاط وحتى على الاسفلت في كل حتة كورة ومواهب جميله لو اهتم بعض المسؤولين بيها هنلاقي منتخب ينافس في كل البطولات ان شاء الله وننهض باقتصاد مصر من خلال الانديه الرياضيه بس برضه في اهمال في صيانة الملاعب بشكل دوري في النادي وقصور في غرف تغيير الملابس شويه وكمان الاتساع الكبير للنادي بيخلي التسلل سهل من خلال الاسوار الصغيره المتهالكه.

Motaz Bellah Hesham

باختصار نادي الجزيرة هو اشيك نوادي القاهرة على الاطلاق مناصفة مع نادي الصيد، نادي الجزيرة انا بحبه جدا من وانا صغير وليا ذكريات حلوة جدا فيه، وكنت بتمرن فيه سلة وانا عندي 12 سنة، واختى كانت بتتمرن تنس، بجد احلى ذكريات وانا شايف ان نادي الجزيرة نادي متكامل من كل حاجة رياضيا او اجتماعيا يعنى مثلا فيه احسن مدربين سباحة وسلة في مصر وكذلك مليان بالكافيتريات والجناين اللى بره ومطاعم كبيرة وكتيرة اوى واخدة توكيلات ده غير المكان اللى بيقع فيه النادي مفيش اشيك من الزمالك، هو يمكن يكون اشتراكه غالى شوية بس بصراحة انا شايف ان النادي يستاهل اكتر من اشتراكه.