Dar El Marasem In Gezirah

Rasha Osama

نادى الشرطة هو واحد من اجمد الاماكن اللى بحب اقعد فيه. مكان لطيف جدا وتصميمة حلو, ده غير الديكوريشن اللى عملها فى المكان والاضاء كمان. لما تدخل النادى من الباب هتلاقى فى وجهك المبنى الرئيسى اللى موجود فيه فى الدور الاول المطعم (بجد بيقدم اكل شهى جدا واسعارة جامده جدا), بعد متعدى المبنى وتخرج من الناحيه التانية هتلاقى كذا مكان رائع ممكن تقعد فيه ممكن تقعد فى التراس اللى امام المبنى او فى الجنينة الصغيرة اللى امامه وكمان ممكن تقعد امام حمام السباحة او فى التراس الكبير اللى امام حمام السباحة, مكان مريح للاعصاب جدا. كمان النادى عنده كذا قاعة افراح مصممين على اعلى مستوى, كنت بسمع عنهم كتيير ولكنى عمرى مزرتهم لحد من وقت قريب حضرت فرح حد من اصحابى هناك وبجد عجبتنى القاعات اوى. وعجبنى النظام هناك وكمان عجبتنى اوى وسائل التصوير اللى ادخلوها للقاعات, ده غير ان الخدمة بتعتهم هناك كانت جيدة جدا. اجمد حاجة فى نادى الشرطة انك مش هتدوخ على ركنة لان النادى بيوفرلك جراشين, واحد امام االنادى والاخرى بداخلة.