Citystars

Hany Afify

من افخم واروع المولات فى مصر فهو يعتبر من اكبر المولات الموجودة فى مصر ده غير ان كل حاجة هتحتاجها هتلاقيه هناك فى هناك مجمع سينمات وكافيهات ومطاعم ومحلات ملابس ومحلات تحف وانتيكات ومحلات برفانات ومحلات احذية. انا بصراحة اول مرة اروح سيتى ستارز كان من قريب من كام شهر كدة كان واحد صاحبى رايح يشترى لبس من هناك المهم رحت معاه اتوهمت من المنظر بصراحة منظر المول تحفة وتصميمه جميل اوى والنظام هناك جميل برضه مشكلته بس ان اسعاره غالية حبتين بس فخامة المكان بتعوض ده ودخلت هناك السينما كان فيلم اجنبى بتقنية الثرى دى بصراحة عيشت الفيلم من روعة السينما هناك

Mohamed Rezq

مول عالمي على ارض مصريه فيه كل اللي تحلم بيه من محلات وماركات عالميه وطبعا معظم اهل مصر المحروسه راحوا المكان الجميل ده بس في مشكله بالرغم من كل الميزات اللي فيه وهو انه صعب انك تحفظ اماكن المحلات او المطاعم اللي انت بتفضلها عشان هو فيه اكتر من مجمع والوصلات اللي بينهم كلها متشابهة والخرايط الموجوده مش واضحه بالشكل الكافي بس بصراحه مكان تحفه وانا عن نفسي بروحوا كتير عشان بيغنيك عن بهدلة الشوارع ووسط البلد يعني تلاقي فيه الكل اللي انت عايزه واللي انت عايز تشتريه كمان ده غير السينما الروعه بقاعاتها المكيفه وشاشاتها الحديثه وتقنية الثري دي اللي فيها يعني من الاخر تروح تقضي يومك كله هناك ومتخرجش الا على النوم بس يكون معاك خريطه.

Pola Adel

من الحاجات اللي ممكن تصبرك علي خروجات البلد اللي بقت مملة جدا جدا جدا. هو سيتي ستارز. اللي بجد انا كمصري بفخر ان لسه بلدي فيها صرح عظيم زي ده. لو عايز تعرف معني خروجة جميلة روح هناك، عايز مكان سحر في وسعه وجماله روح هناك، عايز تتسوق وتجيب من اغلي وافخم واعلي ماركات العالم كله روح هناك. سيتي ستارز مش مجرد مول سيتي ستارز تحفة معمارية بتضم كل ما تتمناه جواه، مجمع سينيمات، فنادق، مركز تجاري، مركز بولينج، ساحتين اكل لجميع المطاعم الاجنبية والمصرية في الدور التالت والخامس فيه كنتاكي وماك ومؤمن وهارديز وكوك دور وبيتزا هت ودومينوز بيتزا وبرجر كينج وصالات للبلياردو وإنترنت كافيه.

Suzan Sbhey

افضل مول فى القاهره زرته كان ستى ستارز لانى بجد قضيت انا وصحابى فيه افضل اوقات واللى استحاله تتنسى واخدنا صور تذكار فيه دايما كنا بعد كل امتحان نخرج نتفسح نروح ستى ستارز وطبعا المنظر تحفه هناك اكلنا كتير فى المطعم اللى هناك واشترينا لبس من الفريدة وحاجات للبيت من سبينس وصلينا فى المسجد بجد مكان نظيف جدا جدا. اما انا شخصيا اشتريت اللاب توب بتاعى من هناك من محل سبينس بصراحه المول دا يحتوى على كل حاجه ممكن الانسان يستخدمها طبعا دا كله بجانب المعامله الطيبه والخدمات المقدمه فيه دا غير طبعا السينما والعاب الاطفال بجد مكان تحفه.

Mark Kamel

ستارز سنتر من المولات اللى فعلا ليها بريق واسم مشهور، لان المول جميل بحيث انه بيضم الكثير والكثير من المنتجات، وكمان المطاعم هناك جميله والاكل ممتاز، انك تروح مول بالفخامه دى وبالشكل ده بيدى للتسوق شكل تانى، المول كبير جدآ وينفع تتسوق فيه اليوم كله من غير ماتمل، قسم الملابس بيضم تشكيله تجنن من الموديلات اللى تناسب جميع الاذواق، وكمان المنتجات الغذائيه موجوده ومتوفره بشكل جميل وطرق عرض المنتجات جميله جدآ، المول متكامل من كل حاجه ومصمم بطريقه مميزه تشعر وانت هناك انك فى مول من دول اوروبا، جميل ان يكون فى مصراستثمار بهذا الشكل، يستحق ان تذهب اليه.

Abdelrahman Hassan

مكان جميل فيه الكثير من المطاعم والمحلات التجارية الضخمة وجميع الماركات العالمية بأسعار جيدة فيه عدد كبير من السينمات مما يتيح عرض كل الأفلام تقريبًا.

Abdelrahman Osman

It is a very good mall. It has nearly all brands in clothing, electronics and everything else. It has more than one food court and it is a really nice place. Just one thing that annoys me is that sometimes on weekends its for couples and families only.

Mohammed MOSTAFA

سيتى ستارز مول اكبر واحلى واجمد مول فى مصر بجد تحفه والمول نفسه بينقسم لجزئين المرحلة الاولى وهي الجزء الامامي من المول والمرحلة التانية ودي فتحوها بعد المرحلة الاولى عشان تكمل مجموعة المحلات والكافيهات هناك. حكايه كلها على اعلى مستوى وفى كمان مساحات فوود كورت كتيرة وفيها كل انواع الاكل الصينى والايطالى والهندى والامريكى ده غير محلات التحف والهدايا والماركات العالميه للساعات والبرفانات والملابس وفى كمان منطقة العاب وملاهى للاولاد واحيانا بتروحلها رحلات للمدارس وفى كمان العاب للكبار زى البلياردو والبولينج وغيرها اما عن هايبر ماركت سبينس فهو من احلى الهايبرز اللى موجوده في مصر وافضلها فى عروض الاسعار

Motaz Bellah Hesham

سيتي ستارز مول احسن مول في مصر بلا منازع بجد مول تحفة ورائع ومصمم تصميم هائل واكثر من دور وواخد توكيل اكبر المحلات العالمية والكافيهات وفيه باركينج هايل و في ارقى مناطق مدينة نصر وبجواره فندق انتركونتيننتال اكبر الفنادق العالمية، صراحة انا على طول بروح سيتي ستارز وبما انى ساكن بعيد عن سيتي ستارز فبروح اقضي اليوم كله هناك سواء اكل او شوبينج الخ.. فعلى طول باكل في تشيليز اللى هناك وبقعد في ساكند كب او كوستا، المول نفسه فيه كل الماركات او معظمها على الاقل اللى ممكن تيجي في بالك، النظافة والمعاملة مفيش احسن من كدة الحاجة الوحيدة اللى مش حلوة هي زحام مدينة نصر.

LovesART LovesART

I must have picked the perfect weekend for my first trip to City Stars, as it was empty. There is a parking garage, but since I arrived early, I found plenty of side street parking in front of mall. The website stated the mall opened at 10am, but apparently they decided not to open until 11am (maybe due to the Eid holiday)...Luckily, I was still able to enter and found all the coffee shops open. The mall is huge! There are 5 floors filled with stores, restaurants and a food court. It actually just felt nice to walk around in air conditioning and get a little exercise. Even after 11am (both Friday and Saturday), I found most stores were still closed. Crowds started to pick up around 3pm on Friday.

Mohamed Diab Diab

اول لما فتح كان اكبر مول في الشرق الاوسط , ماعرفش دلوقتي ترتيبه ايه ؟ بس هو اكيد من اكبرهم , ما ينفعش تقول عليه مول هو كيان كبير اوي علي مول ,فيه ال Intercontinental و ده طبعا من اشهر الفنادق في مصر , غير كده المباني الاداريه اللي بيأجروها للشركات برضه , وعلي فكره كل ده محسوب من مساحه المول , غير كده الفود كورت فيها كميه اختيارات فظيعه هتلاقي الايطالي و الصيني و الامريكي و المصري و كله في حته واحده يعني لو معاك جروب كبير مش هاتتفرقو علي الاكل كل واحد هايجيب اللي عايزه و تقعدوه مع بعض , محلات الاثاث المنزلي و الاكسسوارات برضه متنوعه و هتلاقي اللي انت عايزه ده غير محلات الهدوم , و الركنه بتاعته طبعا سهله اخر حاجه , المشكله انك مش هاتعرف تخلصه في يوم واحد هاتحتاج بتاع شهر تلف فيه , لو لسه ما رحتوش انصحك تروحه

Engy George

انا ممكن اجيب بنتى هى تقيم ستارز سنتر اكتر منى هى بتحب مووت تروح هناك كل اسبوع. عشان تلعب فى (magic galaxy) وتشترى (candy) من هناك وبعد ما تخلص لعب تروح تاكل وبعدين تدخل السينما دة المقرر بتاع كل اسبوع ليها انا كمان بحب اروح هناك عشان اسيبها تلعب مع اولاد خالها واروح انا اعمل ال(shopping) بتاعى براحتى, بحب اشترى لبس وبرفانات من هناك عشان كل البراندز اللى موجودة فى مصر موجودة هناك فى مكان واحد وكل المحلات اللى بحب اشترى منها موجودة مع بعضها, كمان السينما هناك نظيفة جدا وواسعة جدا وكراسيها مريحة جدا.كمان بحب الكافيهات اللى هناك بس المشكلة اللى بتقابلنا علطول ال(parking) لاننا ممكن نقعد بالنص ساعة ندور على مكان نركن فية.

Manar El Kady

يعتبر سيتي ستارز اول مشروع للتنمية المتكامله من نوعه في الشرق الأوسط وإفريقيا وأوروبا لانه مكون من مجموعة ضخمة من المباني اللي بتقدم جميع انواع الخدمات, بيتكون من مجموعة من الفنادق الجامدة جدا ومن سوق تجاري ضخم جدا فيه كمية كبيرة من المحلات والمطاعم والكافيهات كمان بيحتوي على جراج مكون من اكتر من دور ومساحته هايلة جدا وفيه كمان صالة جيم والعاب رياضية حلوة اوي طبعا ده غير الوحدات السكنية بتاعته والشركات والمكاتب الكتيرة هناك بالاضافة الى سبينس هايبر ماركت وهو من افضل الهايبر ماركتس اللى موجودة في مصر بجد منتجاته المتنوعة واسعاره وعروضة مالهومش حل مافيش حاجة مش موجودة عنده وبيعمل عروض كل فترة حلوة اوي سواء على المنتجات الغذائية او الملابس او الاجهزة الالكترونية. اللي بيعجبني فيه ان مساحة المول كبيرة اوي ومافيش محل او براند ماتلاقيهوش هناك بجد جامع بين كل المحلات والبراندات في كل المجالات كمان النظافة هناك على مستوى عالى اوي والمول نفسه بينقسم لجزئين المرحلة الاولى وهي الجزء الامامي من المول والمرحلة التانية ودي فتحوها بعد المرحلة الاولى عشان تكمل مجموعة المحلات والكافيهات هناك, بجد هو مكان ممتاز من جميع النواحي ومناسب لقضاء اليوم بأكمله لانه جامع بين المحلات الكتيرة عشان التسوق وبين مجموعة من اشهر واحلى المطاعم والكافيهات ده غير الجزء المخصص للاطفال عشان لو اي اسرة معاها اطفال تقدر انها تلاعبهم وتخليهم يقضوا وقت لطيف وكمان السينيمات هناك جامدة جدا ونظيفة اوي اوي وبتعرض احدث واغلب الافلام الموجودة ولو عايز تحس بالتميز والرقي جرب السينيما VIP

Medo Medo

i think it is one of the biggest malls in Meddile east and of course the biggest mall in Egypt i think when any forginer in egypt go there he will find one of his country stores in citystars centre. stores in citystars includes many cultures according to its diversty in stores beside there is nothing you won't find in citystars clothing, furniture , lighting and for more enjoyment there is the biggest numbers of cinames in egypt and about food don't worry at all there are more than a food court there includes all of the tastes you want to eat or to try . by the way the parking there is Excellent you never go there and there parking area is closed as it has the biggest wide area for parking. also there is a musement park for kids . also there is one of the biggest supermaket in egypt and this supermarket makes a lot of offers every month you have to go there because you will be proud of such a place in egypt.

Mahmoud Ragab

سيتي ستارز من اجمل واكبر المولات الموجودة في مصر والشرق الاوسط .. وبجد بينافس المولات الكبرى في دول الخليج واوروبا .. وبجد انا كمصري بفتخر ان مصر فيها مكان حلو جدا زي ده ولأن ده سيتي ستارز فالطبيعي انك تلاقي فيه كل حاجة بتدور عليها وطبعا اكتر حاجة هناك هي محلات اللبس والاحذية والتحف وكده .. ده غير مناطق المطاعم الموجودة في اكتر من مكان واللي بتضم عدد من اكبر واشهر المطاعم في مصر والعالم واللي بجد بتقدم اكل حلو قوي واللي بتناسب كل ذوق. ولو عايز تتسوق وتجيب احتياجات البيت كمان فلازم تروح على سبينيز ماركت اللي بيعيش دلوقتي ازهى فتراته عشان كمل 4 سنين وعامل عروض جامدة جدا على كل حاجة تقريبا .. متفوتش الفرصة ومن ضمن الحاجات الحلوة في المول كله ان ليه باركينج بيكفي معظم عربيات الزائرين واللي بيحل بيه مشكلة الركن عشان متضعيش وقت في الركن وتقدر تستمتع بيومك .. ده غير ان المواصلات ليه سهلة الا ان مدينة نصر بطبعها زحمة