Childhood Oasis Nursery

H Mmk

فعلا انا حصل معايا كدة من شهر تقريبا فى نفس الحضانة و اتخدعت او لبست العمة زى ما انت بتقول و لبستها جدا علشان المديرة كمان قالتلى ان فى زيادة فى المصروفات فى شهر 9 بالنسبة لبنتى (3) سنين و قلت بالمرة بالنسبة لإبنى (6)سنين ادخله يراجع ويتقوى ويفتكر قبل ما يدخل المدرسة و طبعا قالتلى ان الحساب كدة حيختلف وان كل مادة حيبقى ضعيف فيها تتحسب ب 100 جنيه يعنى لو 3 يبقى 300 (طبعا ولا ثانوية عامة ) قلت ماشى طبعا علشان العمة كانت على عينيا مش راسى بس وقلت مش خسارة طالما ابنى يستفيد و بدأنا و عدى اول شهر مع بعض الأحداث الصغيرة مثل تهديدى بإيقاف العملية التعليمية بالنسبة لبنتى لأنها لم تحفظ الفاتحة والصمد والكثير من الكلمات الإنجليزية خلال 9 أيام وكأن بنتى دى مسجل وقالتلى بنتى كذا مرة ان الميس كانت بتضربها على رأسها بس انا قلتلها الميس كانت بتهزر معاك و المهم عدى الشهر الأول واعتقدت ان على ان ادفع الشهر لإبنتى فقط اعتقادا منى ان ال300 حنيه بتوع ابنى دول كورس على بعضه لمدة الشهرين قبل المدارس ولم اتخيل ان يكون هذا شهريا ولكنها ابتسمت وقالتلى (ازاى يا دكتورة وهو فيه حاجة كدة ) المهم قلتلها انا حأكتفى ب 2 بس عربى و انجليزى علشان هو كويس فى الحساب طبعا حسن الادارة بانت على طول وجابت الميس و سألتها اخباره ايه قالتها الميس (اللى بجد جزاها الله كل خير والله بش بهزار و ربنا يكرمها فى اولادها) خلصنا كتير و1/2 منهج اولى ابتدائى فالست المديرة قالت خلاص اوكى 200 جنيه للمادتين ولن يأخذ حساب علما يا جماعة انى فى الشهر الاول لاحظت ان حصص العربى لابنى كانت قليلة جدا جدا بالمقارنة بالحساب والانجليزى يعنى هو وصل الى حرف ال (ث) بكلماته خلال شهر كامل و فى الانجليزى الى حرف ال تى و اليو و باقى الحصص كانت نشاط وحساب يعنى تقدر تقول انى دفعت ال100 جنيه بتاعة العربى دى فى 4 حروف وكلماتهم هاها هاها يعنى الحرف واقف على ب 25 جنيه و هكذا فى الشهر التالى توقعت ان يتم تقسيمه بالتساوى بين المادتين بصرف النظر عن الجدول و باقى الطلبة لانى ادفع لها بالمادة كما طلبت هى و ليس توتال شهرى و لكنى فوجئت بابنى يوم الخميس الماضى يشكو الى ان جميع الطلبة اخذوا حساب وهو لا والميس قالتله علشان مامى ما دفعتشى وهى اللى قالت كدة و انت اقعد على الديسك بتاعك وما تعملشى حاجة , طبعا لما ابنى حكالى انفعلت وقلت اكلم المديرة يوم الأحد لان السبت اجازة و فعلا كلمتها الصبح وكنت فى المستشفى اللى انا بشتغل فيها وهى مش فى العجمى علشان كدة ما كنتش عارفة اجيلها او اكلمها وجها لوجه انتوا عارفين طبعا وزارة الصحة والظوارئ اللى فيها اليومين دول, المهم كلمت الحضانة الصبح والدادة قالتلى ان المديرة مشغولة كلميها الساعة 1 ظ يعنى فى ميعاد خروج الاطفال وفعلا عملت كدة وبدات اتناقش معاها فقالتلى استنى وجابتلى الميس اللى اتكلمت معايا وانا اتكلمت معاها فى هدوء واحترام استوعبت وجهة نظرى وقالتلى ان حصص العربى حتزيد بس يوم الخميس فى الجدول حساب قلتلها طيب ممكن حتى تبقى تعمل اى تمارين عربى لابنى علشان ما يتأثرشى فردت ممكن بعد استئذان المديرة التى ما ان اخذت السماعة حتى ارتفع صوتها وصرخت حرام عليكى دة ظلم, فيه جدول يا مدام و لو عايزة تخلى ابنك يسيب الحضانة براحتك ولازم تيجلى هنا وانا ماعنديش كلام فى تليفونات ....واغلقت السماعة هكذا دون اى ادب اواحترام فاتصلت مرة اخرى و قلت لمن اجاب التليفون لا توجد مشكلة طالما المديرة تهددنى بابنى لا يوجد مشكلة لا يهمنى ان يترك الحضانة ...و طبعا اتعصبت الست المديرة لما سمعتنى بأفول كدة واتعفرتت وقالتلى هو واخته يسيبوا الحضانة وتانى قفلت التليفون واتصلت انا هنا بوالدى لأنه بجوار الحضانة ليذهب لاطفالى صراحة خفت تعمل فيهم حاجة لانى قلت الست دى اتجننت, المهم بابا راح لقاها محضرة ورقهم هما ال2 و باقى الفلوس وبتقوله انها مش حينفع تتعامل معايا تانى (كأنى بالضبط عملت فيها اللى ما يتعملشى و بابا حتى قالى ان الميسات سلموا على اولادى بكل حب وحنان ماعدا طبعا الست المديرة). انا عارفة انى طولت اوى بس قولولى اشتكيها ولا اطنش ولا أنا اللى غلطت فى حاجة انا فعلا مش عارفة!!!!!