Add a Business for FREE

Totally Jammed
Crowded
Alright
Great
Route
DISCOVER SIMILAR BUSINESSES NEAR YOU!
EXPLORE MORE COMPANIES LIKE THIS

User Reviews

Overall Ratings

4.7 based on 7 reviews

Ratings & Reviews
  • Ahmed Khalil 0.0

    4th January 2012

    الاوبرا دى بجد قلب مصر، تحفه معماريه فى منتصف القاهرة طبعا الاوبرا المصريه مسرح كبير جدا بيحدث به حفالات كبيرة ويزورا جميع المثقفين والممثلين وجميع فئات الشعب المصرى، الاوبرا المصريه بجوار كوبرى قصر النيل وانت واقف على الكوبرى بتلاقى حاجه منورة وتحفه معماريه ويوجد محطه فى المترو سميت على اسم الاوبرا لانها بجوار متحف الاوبرا وبجورها حديقه تحفه ورائعه ومنظر رائع لجميع الزوار من محتلف انحاء العالم طبعا انا مدخلتش الاوبرا بس اتمنى ان ادخلها وارى جمالها من جوة، انا طول عمرى بشوفها من بره بس اكيد جوة اجمل بكتير .

  • Mohamed Elhusieny 4.0

    1st January 2012

    مكان اكثر من ممتاز ومكان اكتر من هايل ومكان اكتر من رائع، بصراحة وصف لا ينتهى علية لانه بصراحة مكان يمتع المتواجد فية لانك فعلا بترتقى بفكرك وانتا فية وبتستمع لاى حفلة من الحفلات الموسيقية الموجودة والتى تقام بداخله. فقط جرب ان تحظى بفرصة حضور حفلة من حفلات الاوبرا المصرية سواء كانت غنائية او اناشيد او اشعار فأنك حتما هاتحس بشعور ليس لة مثيل من البهجة والاستمتاع وبصراحة انا مجرب التجربة دى واستمتعت جدا بس المشكلة اللى فية ان تذكرة الاوبرا غالية شوية بس بصراحة حفلاتها ممتازة جدا ومش اى حد يعمل فقرة فى دار الاوبرا المصرية لانها بتنتقى الفنانين والشعراء والمنشدين بصراحة.

  • muhammed ahmed 0.0

    12th December 2011

    دار الاوبرا المصرية غنية عن التعريف وطبعا كلنا عارفين مدى عراقة هذا المكان والاسهامات التى يقدمها فى مجال الثقافة المصرية عموما وليس الموسيقى فقط، ودار الاوبرا يا جماعة اللى ميعرفهاش عبارة عن سبع مسارح كبيرة وعدد من القاعات الصغيرة اللى متسميه بأسماء الفنانين العظماء زى سيد درويش وام كلثوم ومحمد عبد الوهاب ودار الاوبرا بتنظم سنويا مئات الحفلات اللى بيحضرها فنانين من جميع انحاء العالم وايضا فنانين متميزين جدا من داخل مصر ومن الوطن العربى كله ودار الاوبرا مش مكان استمتاع بالموسيقى فقط ولكنها مدرسة بتخرج الاف الفنانين.

  • Mohamed Rezq 5.0

    10th December 2011

    اجمل مكان ممكن تروحه وتشبع فيه من الثقافه والفن والذوق العالي ومن اكتر الاماكن المميزه هناك دار الابداع الثقافي اللي بيتعرض فيها اجمل العروض المسرحيه لمعهد الفنون المسرحيه واللي بيستقطب عدد كبير جدا من المتفرجين لانهم بيقدمو العرض مجانا للجمهور واعتقد لو عملو التذاكر بفلوس برضه المسرح هيتملي لانه فعلا بيبقى عرض مميز وفي مكان روعه المكان عموما مكان عالمي والمسرح اللي فيه خيالي وطبعا الحفله اللي بيحييها محمد منير كل سنه هي العلامه المميزه في الاوبرا واللي بيكون فيها مالايقل عن 30 الف متفرج مهما كان سعر التذكره وبجد فعلا مكان ممتع جدا وهو بذاته مزار سياحي ويتزين بتماثيل عمالقة الفن محمد عبد الوهاب وام كلثوم.

  • mohamed mahmoud 0.0

    12th November 2011

    المكان ده مكان رائع بكل محتواه مكان عالي الفكر جدا ميفهموش الا المثقفين المكان ده من اعظم الاماكن الثقافية في مصر ليه تاريخ مشرف اوي طبعا للندوات والحفلات الجبارة اللي بيعملها المكان كبير جدا فيه مسرح كبير جدا مبني علي طراز عتيق وكمان كل مكان فيه مميز جدا تحس انك الوحيد اللي بتتفرج علي اللي بيتعرض ده غير ان فيه قاعات لعقد المقابلات ده غير كمان ان فيه قاعات لأستقبال الضيوف واحلي حاجة فعلا المنظر اللي بيطل عليه المبني علي النيل جو رائع ومنظر رائع مفيش بعد كدة وكمان القعدة في الجنينة جميلة اوي بالذات في الصيف هتلاقي الجو يشجعك انك تاقعد لأكبر وقت.

  • Andree Therien 0.0

    11th July 2010

    I love going to the Opera House, although I'm sure it does not have the grandeur of its burned down predecessor the Opera House complex is most imposing. I check the English language news paper to see what's playing, when, as soon as I arrive in Cairo. So far I've seen the Cairo Opera House Company perform Aida (very good), a concert of ancient Arabic music (fabulous) and a Broadway, very, very, off Broadway I should think (meh). The acoustics are good, the view from every seat excellent and the lounge spacious. The only problem is to get out of the parking lot when the performance is over, try to park as close to the exit as possible.

  • Dina Thakeb 5.0

    10th July 2010

    هى احدى معالم مصر الشهيرة والمميزة. بها اكثر من مبنى منها الاوبرا ومتحف الاوبرا ومعرض الفنون والمكتبة الموسيقية. عند دخولك لدار الاوبرا المصرية تجد حدائق مليئة بالاشجار والنخل والزهور كما ترى اعمد الانارة ليلا تبرز جمال المبانى. حضرت حفلة رائعة وممتعة جدا بدار الاوبرا المصرية "لعمر خيرت" وقبل دخولى للحفلة قمت بجولة سريعة بها. يوجد 7 مسارح بدار الاوبرا المصرية وهم المسرح الكبير والمسرح الصغير والمسرح المكشوف ومسرح سيد درويش والمسرح الرومانى ومسرح الجمهورية ومعهد الموسيقى العربية. كما يوجد متحف الاوبرا بالدور الاول ويحتوى على جناحين الاول خاص بالوثائق التاريخية والثانى خاص بكاتالوجات لبعض الاعمال والعروض الهامة. كما يوجد ايضا بدار الاوبرا مكتبة رائعة تسمى "المكتبة الموسيقية" وتحتوى على اربع قاعات وهم قاعة الاطلاع وقاعة الفيديو وقاعة الاستماع وقاعة الموسيقى العربية.

Send an email to Cairo Opera House for more information

© 2021 Egypt Yellow Pages Ltd. All Rights Reserved.