Bird Cage Restaurant

Marium Mohamed

لو بتحب الأكل التايلندى و عاوز تجرب مكان جديد وحلو يبقى لازم تروح بيرد كايدج. المكان ده جميل جدا المكان ده بيتميز انه بيعمل اكل تايلندى و آسيوى بس مش أكل عادى انت هتلاقى الطبق فيه مكونات غريبة جدا عمرك ما كنت هتتوقعها. و كمان أول لما بتدخل وتقعد بيقدموا طبق مجانى مقبلات علشان تفتح نفسك. احنا طلبنا اسكالوب بالكارى الأحمر بصراحة الطبق كان حلو بس كان حراء جدا جدا وجابولنا معاه طبق أرز صغير الأكل عندهم حلو أوى بس هو حراء بزيادة وكمان غالى شوية بس المكان ممتع جدا و يشد الواحد انه يروح تانى و كمان الناس اللى شغالة هناك كرمة جدا لأبعد الحدود.