5 based on 8 reviews
16th December 2018
إن هذا الفرع به منتجات تالفة بسبب سوء التخزيين واشتكيت في فرع أبو قير ولم يتم تعويضى عن المنتج البايظ اللي اشتريته حتى الآن مع العلم أن الشكوى من شهرين! وسوف أرسل شكوى الى جهاز حماية المستهلك بسبب المنتج المعيوب اللي اشتريته!
14th December 2018
منتجات منتهية الصلاحية ومعيوبة وعدم احترام ومماطلة للعملاء وفلوس كتير على الفاضى ولا تعويض للمشترى عن البضاعة البايظة!
3rd January 2012
باتا معروف جدا لدى الشباب بالكوتشى الابيض المعروف فى كرة القدم كل جيلى كان بيشترى من محالات باتا الكوتشات البيضه والكوتشات الالوان المصنوعه من القماش الجيد شركه باتا بيها جميع المنتجات المصروفه ومازالت فى صناعه الشنط وجميع الاحذيه والجلود المصريه الموجوده والقادرة على اعطاءة الافضل فى تقدم منتجتها، بسعار كويسه جدا ورخيصه جدا لدى الناس انا فاكر كنت بشترى كوتش باتا دة كان 7 جنيه وكان بيقعد معايا كتير جدا وخفيف وكنت بلعب بيه كرة قدم طبعا انا اتمنى ان تكون شركه باتا من اجمل محلات الاحذيه فى مصر وتطورها دائما اكثر فاكثر.
3rd January 2012
باتا من الشركات المصريه اللى بجد ليها تاريخ مشرف الشركه موجوده فى كل محافظه واغلب المراكز كمان انا رحت هناك كذا مره من النضف واجود الحاجات اللى بتقدمها الشركه الاحذيه والكوتشى انا جربتها كذا مره بجد حاجه نضيفه خامه تعيش معاك وكمان الاسعار معروفه مسعره ومش عاليه وكمان الشركه بتبيع كمان منتجات كتير تانى زى الشنط الشركه اصبحت جزء من التراث للبلد انا شايف انى الشركه بس محتاجه لشويه تطويرات من نفسها تجيب منجات اكتر تغير الديكور اللى ليه فتره كبيره من الزمن كمان التنوع بيدى فرصه اكبر للعميل انه يختار يايت دا يحصل فى باتا .
28th December 2011
طبعا مفيش شاب بيحب يلعب كورة وخصوصا تحت البيت او على الاسفلت ومجبش الكوتشى بتاعه من باتا لانه الكوتشى اللى اعتقد انه كان مناسب جدا للعب وسعره طبعا مش عاوز اقول انه كان لا يذكر رخيص جدا حوالى عشرة جنيه وبجد كان كوتشى حمال قاسية كان الواحد بيلعب بيه لحد ما الكوتشى يشتكى ده غير انى كنت بحب الونه واخلى لونه احمر واكتب عليه رقمى المفضل رقم 10. ياه والله كانت ايام حلوة جدا باتا دايما غنية عن التعريف وطبعا مش بس متخصصة فى الكوتشى الابيض لا طبعا متخصصة كمان فى الاحذية والشنط واللى بجد كل منتجاته لا يعلى عليها من حيث الجودة والخامة.
24th December 2011
طبعا شركه التاريخ كله شركه صنعت لنفسها الانجاز وثقه الناس بيها لان باتا بتمثلنا مش بس احذيه رياضيه لكن كل حاجه فى حياتنا فهى تملك مجموعه احذيه على اعلى مستوى وكانت تجربتى بمعظم انواع الاحذيه مع باتا وكانت ناجحه بالفعل وفعلا الراحه تبدأ من القدمين هذا شعارى عندما ارتدى اى حذاء من باتا حذاء متين جدا عاشرنى من اول ما كنت فى ابتدائى لحد الجامعه وعشت معه ذكريات سعيده مش ممكن انساها لانها من اجمل ايام حياتى فعلا باتا كتب اسمه بحروف من دهب وساعد على ذلك امتلاكه لاحدث نوعيه احذيه فى مصر ساعدته على الرقى
15th December 2011
يااه الكوتشي ده معجزة بجد والمحل ده تاريخ بس قول للزمان ارجع يا زمان بجد انا كنت بحب الكوتشي الباتا اوي خصوصا في الكورة لأنه كان خفيف اوي ومريح جدا وبحس اني مش لابس اي حاجة في رجلي وغير الكوتشي الابيض المشهور ده الشركة دي كانت بتنتج ولازالت بتنتج اشكال تانية كتير بس الناس مش فاكرة غير الكوتشي الابيض ده لأنه ليه ذكريات مع ناس كتير اوي وانا عن نفسي كنت بحبه اوي علشان كنت بحب ارسم عليه واكتب عليه رقمي بس خاماته كانت ضعيفة جدا وكان مبيستحملش بس سعره كان مسخرة بجد يعني 11 جنية تقريبا على ما افتكر بس ياريت الشركة دي ترجع تاني زي ما كانت.
8th November 2011
باتا طبعا شركة احذية غنية عن التعريف، من زمان جدا و بابا كان بياخدنا ونجيب من هناك اوقات المدارس والاعياد وكل المناسبات دى، وبجد منتجاتها عمرها ما باظت ابدا يعنى احنا كنا بنجيب جديد عشان نحس بالتغيير بس لكن الاحذية والشنط مكنش بيجرالها حاجة خالص، بس انا ملاحظة فى الوقت الحاضر انها مش ظاهرة اوى ومش عارفة ايه السبب لأنو انتاجها لسة شغال، ممكن مثلا يكون عشان مفيش دعاية، كمان المحل فرع امبابة قديم جدا مش المنتجات لكن شكل المحل نفسو محتاج للتجديد بجد عشان الناس تفتكر وترجع تجيب من هناك تانى وترجع باتا زى زمان لما كان كل الناس كانت بتروح على هناك ولكن بيبئى المكان زحمة موت.
Branches
Send an email to Bata - The Egyptian Co. For Shoes for more information
© 2021 Egypt Yellow Pages Ltd. All Rights Reserved.
