Baha Restaurant

Marium Mohamed

صحيح ان فيه اكل معين زى الكوارع والممبار والفشة والكرشة والحاجات ديه صعب الواحد ياكلها بره البيت علشان النظافة الا أن بحه مكان الواحد ممكن يروحوه وهوه متطمن علشان النظافة عندهم عالية جدا بجد. وكمان اكلهم حلو اوى وطعم وعمرك ما هتدوق زيه فى حياتك فى اى مصمت تانى او محل. بحه كمان موجود فى مكان جميل اوى وهوه السيدة زينب اللى الواحد بيحب يروحها علشان يتفسح ويحس بالالفة والشعبية بجد منطقة حلوة اوى. صحيح اكلهم حلو بس بيدهنن بسرعه اوى يعنى لازم تأكله فى ساعتها وكمان لحمة الراس تحفة بابا بيحبها جدا جدا هيه واللسان والناس هناك كويسه اوى وهتحس انك فى بيتك.

Mohamed Osman

انتو كاتبين شارع بورسعيد بس اعتقد ان انتو قصدكوا بحة بتاع الناصرية اشهر محل بتاع لحمة راس وفواكه لحوم فى مصر كلها فواكه لحوم يعنى فشة وكلاوى ولسان وقلب ومش حوضح اكتر من كده المحل مشهور جدا جدا الخدمة مش حلوة والقعدة على قدها اوى بس هو ده جو المكان انا بقولك عشان ماتتصدمش بس الاكل بصراحة حلو لو انت ليك فى الحاجات دى نسيت اقولكم الشوربة حلوة اوى ودسمة اوى ولازم تبدأ بيها والممبار بتاعه جميل ويارب اكون افدتكم بس تروحوا لبحة بتاع الناصرية اوعوا تغلطوا او حد يضحك عليكم ويوديكم محل تانى.

Mostafa Abd ElRahman

اكلهم جامد طحن و فى البداية اول ماتقعد يقدمون الشوربة و معها السلطات الخضرا والطحينة. وتشرب الشوربة من هنا وتحس بطاقة غير عادية و تحس انك سخن حتى لو كانت درجة الحرارة تحت الصفر، شوربة ممتازة و ممكن تطلب شوربة زى مانت عاوز برحتك طبعا مع الليمون اوعى مؤلكش، و بعد كدة اطلب اللى انت عايزة. و من احلى الاكل اللى دائما بطلبه الكوكتيل و هو طبق مليان كوارع وقلوب وفشة وكرشة وقلب ومخ وممبار الذى يطلقون علية سجق، و اي طبق باى سعر انت عايزة ويشبع و لذيذ جدا. و العاملين عاديين جدا كانهم اصدقائك من زمااان و اولاد بلد والقعدة فى الشارع الجو كانك فى الحسين فى رمضان لان المحل جواه الطباخين. و الحمام عبارة عن صابونة و حوض اما بعد الاكل الموجود شاى وحاجة ساقعة. و انا واصدقائى دائمين التردد علية. وقد رايت مرة سمير غانم و معظم افراد فرقتة المسرحية و ظل يضحك مع العاملين فى تواضع و قد مضى على الكثير من الورق للمعجبين.

Abdelrahman Gamel

ما اعتقدش ان فيه حد ما يعرفش بحة ده حتى بييجى اسمه ف الافلام انا باروح هناك كتير جدا لان عندى واحد صاحبى ساكن جنبه وكل ما اروح له ناكل هناك. بصوا الاكل بتاع المسمط عموما بيبقى حلو بس عند بحة ليه طعم تانى خصوصا الجو بتاع السيدة زينب بالليل بس هو عيبه ان الاكل بتاعه بيبقى الدهون فيه زايدة شويه ولو الدنيا برد بيبرد بسرعة قوى لكن غير كده الدنيا هناك زى الفل والخدمة هناك ميه ميه احسن حاجة عنده المشكل والفتة والكوارع جامدة لو رحت هناك اطلب التلات حاجات دول ومش هتدفع كتير وبعد ما تخلص لازم تقعد على قهوة ف الناصرية تشرب كوباية شاى تقيلة علشان تحبس غير كده مش هتعرف تنام بالليل لان الاكلة دى تقيلة قوى .