Al Amoudi Restaurant

Abdelrahman Gamel

مطعم يمنى جامد بيعمل شوية اكل من الاخر كانت اول مرة اعرفه فى رمضان اللى فات كنت هافطر انا واصحابى فى اليوم ده بره البيت واختار كتير منهم اننا ناكل من العمودى وطلبنا ساعتها فراخ مندى وارز وطواجن وبجد الاكل كان تحفة ومش علشان كنا صايمين لا الاكل فعلا طعمه حلو قوى والاجمد بقى ان اسعاره رخيصة جدا وانت ممكن تروح تاكل هناك فى المحل وهو بيبقى فارش ترابيزات قدام المحل والمكان هناك حلو وممكن تاخد الاكل معاك وممكن تطلب ديليفرى بس بيتاخر شوية وعلى فكرة هو قريب فى اكله من حضرموت والشيف اللى بيعمل الاكل هناك يمنى برضه لو عايز تروح تاكل هناك ما تترددش الاكل هيعجبك قوى وهترجع له تانى كتير وعلى فكره هو كمان بيعمل موزة رهيبة جدا وطعمها هايل والسر فى طعامة الاكل فى التوابل العربية اللى بيحطوها فى الاكل بتديله طعم مميز قوى .