Add a Business for FREE

Totally Jammed
Crowded
Alright
Great
Route

Al Tahrir Cinema

Century Cinemas

122 El Tahrir St., Dokki, Giza Near To Dokki Metro Station 5.0
DISCOVER SIMILAR BUSINESSES NEAR YOU!
EXPLORE MORE COMPANIES LIKE THIS

User Reviews

Overall Ratings

5 based on 9 reviews

Ratings & Reviews
  • muhammed ahmed 0.0

    11th December 2011

    سينما محترمة جدا وعلى اعلى مستوى وبجد اجمل صوت مجسم بتحس انه طالع من كل حتة وبيخليك تحس انك عايش جوة الفيلم خصوصا لو فيلم ثالثي الابعاد وانا بهنيهم بصراحة على اختيار الافلام لأنه بيكون موفق جدا وبيختاروا افلام محترمة وهادفة وفيها فن بجد مش اي افلام تحقق ايرادات ومكاسب سريعة وخلاص ومن اجمل الحاجات برضه الفشار والكافيتيريا اللي هناك بجد تحفة وعندهم حاجات كتير مميزة وبحبها جدا بس انا شايف ان الصورة مش قد كدة وبقالي كام مرة بروح هناك بحس ان الصورة ضبابية شوية اعتقد لازم يطوروا آلات العرض اللي موجودة هناك ويهتموا شوية بالحمامات ومستوى نظافتها.

  • مصطفي محمود 5.0

    4th December 2011

    طبعا لا استطيع ان اقل او ازيد عن ما كتب عن السينما دي جميلة جدا، المكان فى حد ذاته رائع جدا التعامل محترم حتي طبقة الشباب اللى بيدخل السينما دي تحديدا بيتسم بالادب وعدم مخالفة النظام المحدد هناك اكتر حاجه بتميزهم ان المكان هادي الصوت نقي جدا الكافيه فيه كل حاجه الاسعار بسيطه جدا كمان قائمة الافلام متجدده باستمرار المقاعد مريحة جدا تعتبر سينما التحرير من ارقي السينيمات فى مصر نتمني ان الكل يكون زيها انا دخلتها مره بس وان شاء الله هكرر الزياره لآن فى اماكن تدخلها مره صعب انك ما تدخلهاش تاني.

  • Mohammed Lasheen 0.0

    20th November 2011

    سينما التحرير سينما جميلة ورائعة ليا فيها احلى ايام عشتها. السينما اخر مرة دخلتها كانت في العيد اللي فات فيلم اكس لارج دخلته مع ناس اصدقاءي. السينما فيها قاعة واحدة بس لكنها قاعة جميلة وواسعة. السينما مكانها اكتر من رائع قدام المركز الثقافي الروسي وفوقها شركة قناة السويس للتأمين لكن المشكلة بقى ان السينما زوارها الاكتر والاغلب بيكونو ناس مراهقين كل واحد واخد صديقته او زميلته وداخل بيها السيما بيخليك تفكر الف مرة انك تاخد اسرتك وتدخل السينما دي خوفا من سماع كلمة مش حلوة او انك تشوف ما لا يسرك. بس طبعا ده مش كل الشباب اللي بيروحو كده في ناس قمة في الاخلاق طبعا بتروح هناك.

  • mohamed mahmoud 0.0

    29th October 2011

    السينما دى ليها عندى ذكريات جميله جدا وهى من اوائل السينمات اللى دخلتها وفعلا السينما محترمه جدا ومجهزة بامكانيات كويسه هى دور عرض واحد وقاعه واحده وده بس اللى بيخلى الاقبال عليها مش كتير مفيش انك تقدر تختار من الافلام لا هو فيلم واحد بينزل كل يوم اربع او خميس كل اسبوعين، موقعها جميل جدا على شارع التحرير وطبعا مشكله الباركنج فيها علشان هى على شارع رئيسى ومفيش اماكن انتظار جوه كتيرة بتضطر انك تفضل بره السينما لحد ما العرض يبدأ علشان كده الدنيا بتبقى زحمه، بس عليهم ذوق رائع فى اختيار الموسيقى اللى قبل العرض والاستراحه مش اغانى دوشه وخلاص والكراسى هناك مريحه، لا مكان جميل صراحه.

  • kooooka mohamed 5.0

    25th October 2011

    فعلا يا جماعه بجد سينما التحرير مكان مميز وجميل اوى وفعلا مختلف كمان ويمكن الفيلم فيها ليه طعم تانى بس عارفين ليه لان ربنا عامى عيون بتوع الاستثمار عنها والا كانت اتهدت واتعملت مجمع سينمات وربنا يستر ومحدش ياخد باله منها وتفضل بالجمال ده ادعو معايا لان بجد يا جماعه مش بنحس بالمصيبه الالما تقع يعنى لما يهدوها عنبتدى نقول ليه مهى كانت حلوه ويهدو معاها كل ذكرياتنا وشبابنا وحتى مراهقتنا اعتقد ان كل شاب وفتاه اكيد مرو بالفتره الى انا بتكلم عليها واكيد فى ناس كتير اوى بتقيدنى ويا رب حد يعبرنى ويقولى اذا كنت صح ام خطء.

  • dodo miko 0.0

    25th October 2011

    بصراحة انا بحترم اى حد بيحب سينما التحرير لان تقريبا ليها ذكريات مع الناس كلها وهيا ليها رونق خاص بيها ومميز عن اى سينما تانيه كان ليها طعم مميز فعلا وعلشان كده انا بحب اوى وبقدر اوى الانسان الى مش بينسى الماضى بسهولة لان بدون ماضى لا يوجد حاضر بس يا رب يخلوها زى ماهيه لايخصخصوها ولا يطوروها ربنا يستر.

  • hani abdel monim 0.0

    18th October 2011

    سينما التحرير فعلا قديمه اوى يمكن من الخمسينات كما اعتقد، الله اعلم. بس هيا فعلا جميله اوى واسعارها كويسه ومكانها كويس. بس المشكله انها مفيهاش باركينج خالص فالاحسن تروح مواصلات لان هناك مفيش اماكن انتظار خالص.

  • roby moon 0.0

    18th October 2011

    سينما التحرير ديه تاريخ تقريبا اقدم سينما رحتها وفيها رونق الستينات والخمسينات بس هيا بعيده بالنسبالى علشان كده مش بروح هناك كتير.

  • amira mohamed 0.0

    28th December 2010

    عشان اشوف فيلم يبقى لازم اشوفوا فى سينما التحرير .. عارفة انه فى سينمات كتير بس ده المكان الانسب ليا ..مكان رائع ..العرض فيه شيق ..الخدمة ممتازة .. موقعها مش زحمة ..واسعارها بصراحة معقول ليا ولاى حد .. ولما تحب نحجز او تستفسر عن اى مواعيد بالتليفون ..متلاقيش اى صعوبة والرد بيبقى واضح .. فى حد يحب يروح قبل ميعاد العرض اناااااا .. لانى بحب اروح قبلها مخصوص عشان ا سمع الموسيقى الكلاسك اللى بيشغلوها هناك .. اما شاشة العرض والستار وكل حاجة هناك ديكوراها رائع ومتناسق مع بعضه .. ده غير اماكن الجلوس مريحة ..والناس هناك بتدير المكان كويس جدا .. تمتاز بأمن رائع ورقابة جيدة .. وعشان كل ده انا مبروحش غير سينما التحرير لما احب اشوف فيلم ..

© 2021 Egypt Yellow Pages Ltd. All Rights Reserved.