Al Waseet

Mark Kamel

االوسيط من الجرايد المحليه اللى حققت نجاح على المستوى الاقليمى مالهوش حل انا عن نفسي بحب الجريده دى خالص كفكره فهى من الافكار اللى فى قمه الروعه اللى بتخدم المستهلك وبتوصله دليل النتج لحد باب البيت ومن الجانب الاخر بتخدم المنتج اللى بيلقى سهوله فى توصيل منتجاته وخدماته للمستهلك الجريده بتتوزع فى كل المحافظات والمراكز بشكل جميل وحجمها صغير كدا بجد بتنفع قوى فى اى لحظه ممكن تلقى وظيفه منتج شقه اى حاجه تتخيلها هاتلقاها فى الوسيط المحررين والمصممين للجريده انا شايفهم ناس فى قمه الكفائه المهنيه الجريده فى نجاح متزايد كل يوم .

Mohamed Rezq

انا كنت اعرف جريدة الوسيط من اكتر من 10 سنين وانا في الاردن وكان ليها سيط واسع وانتشار كبير في المملكه ولما جيت مصر دخلت الجريده لعالم التسويق في مصر وفي فتره وجيزه اصبح لديها توزيع في معظم مناطق الجمهوريه وكمان الناس بدأت تتهافت عليها للاعلان بشكل كبير لدرجه دفعت الشركه انها تعمل اصدار تاني عشان يبقى ليها اصدارين في الاسبوع وكمان اصدار باللغه الانجليزيه والشركه فعلا ليها دور كبير في تحريك وتسويق المنتجات والعقارات وكمان ليها فضل كبير في توظيف عدد كبير من الناس. انا رحت الشركه في المهندسين وفعلا كانو عاملين زي خلية النحل عشان العدد يطلع في معاده عشان خايفين على مصالح الناس فعلا.

Mohamed Abdel Rashid

جريدة الوسيط الاعلانية هى جريدة اسبوعية متخصصة فى الاعلانات سواء مجانا او بتكلفة مالية. و تضم الجريدة موقع الكترونى بالإضافة الى مركز اتصالات خاص بها لخدمة العملاء، و يوجد قناة خاصة بها للاعلانات. اما نوعية الاعلان فهى تنقسم الى اعلان مجانى واعلان مدفوع الاجر. و الاعلانات تنقسم الى اشياء معروضة للبيع سواء ان كانت جديدة او مستعملة او اعلانات مطلوب هو عبارة عن نوع من الاعلان البعض يطلب بعض الاشياء مثل و ظيفة او عملات نادرة. الجريدة تطبع حوالى 700 الف نسخة اسبوعيا و تصدر يوم الجمعة. بالاضافة الى انها لها فروع فى 13 دولة عربية و 36 مدينة عربية اى انك تضمن وصول اعلانك الى السوق الخارجى ايضا. اما اقسام الجريدة فهى متنوعة مثل العقارات تجد بها الشقق والفيلات تمليك وايجار حديث وقديم وقسم الوظائف. بعض الافراد يعرضون مؤهلاتهم وخبرتهم فى الجريد بحثا عن وظيفة. قسم المحركات عن السيارات و اسعارها والمستعمل والحديث، التمليك و الايجار، والاجهزة المنزلبة والكهربائية واجهزة التكنولوجيا والتليفونات المحمولة. وجميع الهوايات تجد البعض يبحث عن المقتنيات والاشياء القديمة.