Add a Business for FREE

Totally Jammed
Crowded
Alright
Great
Route

Abou Shakra

3.8

82 El Merghany St., koleyet El Banat, Heliopolis, Cairo In Front Of Seif Pharmacies

Keywords: Restaurant , Res... +3
Categories: B. B. Q. +3

User Reviews

Overall Ratings

3.7 based on 80 reviews

Ratings & Reviews
  • mohammed essam eldin mahmoud 0.0

    6ab3an abu shakra da a7san ma7al mashwyat fe masr ana garabto fe 7awaly 4 froo3 kan awel wa7ed kalt fee kan fate7 fe arkadia mall elly hwa 3ala elkorneesh da we kan 6a3mo fazee3 we garabt elfar3 elly fe masr elgdeeda we elfar3 elly fe elmohandseen we a5eran we da kan mn fatra 2oryba gedn elfar3 elly fe west elbalad hwa 6ab3an aklohom gamed gedn we elas3ar 3alya shwya bas el3`aly tamano feeh hya bas elmoshkla elly fe elfar3 bta3 west elbalad en elmakan za7ma ya3ny ana faker en e7na fdlna nos sa3a bndawar 3ala makan nrken.

  • hany afify 3.0

    ابو شقرة من المطاعم المشهورة اوى فى مصر ولها اسمها فى عالم المشويات والكباب والكفتة . وعلى الرغم من ارتفاع اسعار الاوردرات بتاعته الا ان له زباين كتير ده غير ان له فروع كتير فى القاهرة وكل فروعه بتتميز بشياكة المكان . ده غير ان الاكلات اللى بيقدمها طعمها روعة هى مشكلته بس ان انا لما بطلب الاوردر بتاعى بيتأخروا شوية لغاية لما يجيبوه ده غير ان سعر الماكولات غالية اوى . وعندهم برضه خدمة التوصيل للمنازل ودى خدمة كويسة بس برضه بحالات ساعات اطلب الاوردر ييجى بسرعة وساعات بيتاخروا اوى ياريت بس يشوفوا حل لموضوع الوقت ده عشان هو بجد مطعم كويس.

  • abdulaziz alaa 0.0

    بصراحة هو مطعم كويس و أكله حلو جدا بس الخدمة فية عادية جدا و اسعارة عالية شوية بالنسبة للخدمة أنا رأى أحسن حاجة تاخد سندوتشاته تيك أوى لإن بجد أكله حلو و بيشبع

  • mohamed elshazly 5.0

    a7ssan mat3em by3mel sandwytshat kol 7agh mafesh 7ad may3rfosh tany 7agh kol e3lanatoh bytosel ly kol el nas we 3ando kol el sanwatshat be kol el at3meh zay la7mah we asmak we fra5 we salatat we el delivery bta3o byroo7 fy kol 7teh fy masr dah belnesbah lel delivery ama lma btroo7 takol fy el mat3em leeh froo3 fy kol 7teeh fy masr fy kol el mo7afzat el masrya we as3aroh 7loa we r5ees awy y3ny momken kol el nas troo7 takol feeh we el akl bta3oo madmon y3ny la7ma b2ry men 5eer baldna masr 7agh te7bha we enta btakol

  • abd el rahman mohamed 0.0

    طبعا ليه تاريخ معروف ابو شقره مكان مشهور جدا بس انا مرحتهوش زمان انا لسه ريحاه من قريب بيقولوا ان الاكل والخدمه زمان كانوا احسن من دلوقتى بكتير بس لانى روحت مع اصحابي وكنا اول مره نروحه حسينا ان الخدمه والاكل كويسين اوى بس السعر شويتين عالى مع ان الاكل ممتع ولما روحنا مره تانيه بس كانت فى مكان تانى حسينا فعلا فى فرق الخدمه دى حاجه طبعا تعيبه والمفروض انها تتصلح ويكون الاداء فى جميع الفروع واحد حتى لا يميز واحد او حد يقول انه اصلا كله مش كويس بس بجد حبيته انا اوى وان شاء الله اروحه تانى انا وخطيبي بقى ويكون كل اقتراحات التعديل اثرت وحصل تغيير بجد

  • omar farag 0.0

    abo sah2ra mn aktr el mat3eem 2ly a7b akol fiha ay akl mashwy ma3 en as3aroo 3'alia shwia bs ana b7bo gedan 3chan hoa mn el mata3eem el motmeza gedan wi kman bfadl el kbab wi el kofta mn 3ando gedan wi b3cha2 far3 el mohndessen wi el mar3'ny wi far3 el 2asr el 3eny 3chan dol ba3tbrhom asr3 fro3 le abo sha2ra wi kman el staff bt3hom kwiseen gedaan wi lotaaf awi wi b7treem el nas 2ly btakol 3an abo sha2ra 3chan mfich 7ad bekol mn 3ando 3'er 2ly befahm fi el akl ma3 ta7eaty 2ly mch beklo 3ando bs i like abo sha2ra :) thnx

  • ahmed abdeldayem 0.0

    ابو شقره يعنى جميع المشويات اللى بتحب تاكل تلاقيها فى مطعم واحد من كفته وكباب وشيش طاووق وبيكاتا بالمشروم وغيره من المشويات والاكلات المصرية الجميلة وطبعا مطعم ابو شقرة غنى عن التعريف وبقاله زمن موجود ودخلتله كذا فرع بس اكتر فرع بروح اكل عنده هو فرعه فى المهندسين المكان بجد تحفة ونظيف جدا والخدمة من جميع العاملين فيه ممتازة. بصراحة الاسعار عنده غاليه شوية واعتقد انه لو قللها ممكن يبقى الاقبال عليه يبقى فظيع وده اللى اعتقد جعل المطعم دلوقتى ما بقاش زى زمان وجعل الاقبال عليه يقل بس برضه مطاعم ابو شقرة لسه محافظة على اسمها.

  • Mohamed Esmail 5.0

    سلسلة مطاعم ابو شقرة من المطاعم المتميزة جدا في مصر واللي انا شخصيا بموت في اكلها مطعم رائع جدا جدا جدا بيقدم جميع اصناف المأكولات البحرية وكل اللي انتا عايزو اسماك وكل حاجه لكن اسعارو بقت في العالي جدا جدا هوا كان حلو اوي قبل كده لكن المشكلة انو زي ماتقولو كده جاتلو حاجه من الغرور فبقي حاسس ان مفيش حد بيقدم حاجه زيو فعشان كده اكلو غلي اوي وصعب انك تاكل هناك والخدمة بقت تقل نوعا ما لكن المكان نظيف وجودة الطعام ممتازة ولديه خدمة دليفري حلوة وسريع حبه في الدليفري لكن اعداد الطعام معاه بياخد وقت شوية لكن لو عزومة هتدفع اللي وراك واللي قدامك وهتكلفك كتير اوي انتا ممكن تجربو لكن مره عشان الاسعار

  • Aya Aya 0.0

    أبو شقرة من المطاعم الكويسة جيدا والأكلات هناك على أعلى مستوى بس انا شايفة ان اسعاره عالية أوي بشكل مبالغ فيه و محتاج انه يقللها شويه وخصوصا بعد انتشار المطاعم الأخرى اللى عندها القدرة انها تقدم نفس جودة الأكلات و عشان كده الأقبال قل جدا علىه و مبقاش زى زمان فبسبب اسعاره العالية الناس بقى صعب عليها أوي انها تاكل هناك كتير وللأسف اصبح معظم زواره بنسبه عالية جدا هم العرب .. فأرجو منهم مراجعة أسعارهم مرة أخري .. بس طبعا محدش يقدر ينكر ان اكلهم حلو جيدا و خاصة المشويات رائعة فعلا والحلويات تجنن والخدمة على أعلى مستوى..

  • Ahmed Emad 0.0

    ابو شقرة مطعم شهير جدا فى مصر و هوا بيتميز بالمشويات هوا بالفعل احسن مطعم مشويات فى مصر و يتميز ابو شقرة ان اكله نظيف جدا جدا و كمان القعدة هناك ممتازة لانه بيختار اماكن فروعه بطريقة ممتازة و بتكون مواقعها متميزة للغاية و كمان طعم الاكل ممتاز للغاية و هوا فعلا الطعم الاصلى للمشويات مش هتدوق اكل بطعامة الاكل عند ابو شقرة و اللى هتحبه كمان هناك ان الستاف ودودين جدا و بيتعاملو معاك باحترام شديد جدا المشكلة الوحيدة فيه ان اسعاره غالية شوية بالنسبة لباقى المطاعم الاخرى و لكن بالرغم من كده بالنسبة لطعمه الممتاز ف السعر يعتبر الى حدا ما مناسب.

  • محمد عصام 0.0

    طبعا ابو شقره غنى عن التعريف انى اتكلم عنه طبعا احلى مشويات فى مصر كلها وبيحاول باى طريقه يسعد الناس الى بتجيله من كل مكان انا عن نفسى لما بدخله بحس ان الفرحه مش سيعانى لانى فعلا لهو مذاق وامتيازات خاصه دونا عن كل المطاعم الى فى مصر وزاد زياده الناس عنده بسبب تطويره وتجديده لان فعلا الناس بتحب الجديد وفروعه اللى فى كل حتى مديه شكل وطابع خاص ليه وبالذات الفرع اللى فى المعادى فعلا على اعلى مستوى وخدمه التوصيل للمنازل فعلا ممتازه جدا وفعلا كتب ابو شقره اسمه بحروف من دهب فى مجال الكباب والكفته بجد

  • essmat elwasly 4.0

    مطعم ابو شقرة من احسن المطاعم فى المشويات وخصوصا الكباب والكفتة وهو له تاريخ عريق من الخمسينات ودائما انا والعائلة اطلب منه فى المنزل وانا اسكن فى شبرا لكن الجدير بالذكر انه بيوصل الطلب فى 40دقيقة فقط وطبعا الحمام عندة لامثيل له فهو من المميزين اللذين يقوموا بحشو الحمام بالارز والصنوبر والزبيب جدير بالذكر ان مرة قلت اوفر ثمن توصيل الطلب واذهب انا الى الفرع اللى فى القصر العينى واحضر منه ثلاث حمامات وبطاطس ووسلطات ونزلت من شبرا واخذت تاكسى وذهبت واحضرت الطلب وكان ذلك يوم الخميس اللى طبعا وراءة يوم جمعة وكان الطريق زحمة جدا كانت الساعة الثانية ظهرا واخذت تاكسى اخذ منى عشرون جنيها لان الطريق واقف جدا والتاكسى بعداد من الابيض ورجعت بخمسة عشر جنيها للاسف لقيت ان الطلب فى البيت اوفر من الذهاب للمحل بس لما اكلت الحمام انا وماما نسيت المصاريف. ياريت كل القراء يجربوا الحمام اللى عند ابو شقرة اللى محشو ارز بالصنوبر.

  • Riad Mohamed 0.0

    يعتبر مطعم ابو شقرة من اعرق المطاعم، وله سمعة طيبة عند كل الناس، سواء بمذاق الاكل الرائع، المكان الذي يفتح النفس للاكل، حسن الضيافة، اسعار ليست بالباهظة جدا، يعني لو سألت اي شخص عن مطعم بهذه المواصفات اكيد، سوف يأتي بذهنه على طول مطعم ابو شقرة، لانه من افضل المطاعم المتاحة حاليا بهذه المواصفات, لا انكر انه توجد مطاعم منافسة لابو شقرة وتحاول ان تحتل نفس مركز ابو شقرة بقلوب الناس وبقلوب زبائن ابو شقرة, ولكن هذا المطعم سوف يظل دائما بلستة افضل المطاعم, من حيث جودة الاكل او المعاملة الطيبة.

  • hytham hamada 5.0

    من اقوى المطاعم التى تقدم مشويات على الاطلاق، ذو مذاق خاص بجد اللى ياكل عنده مره لازم يدمنه لانه فظيع بجد ليه اكتر من فرع وكل فروعو واخده نفس الاستايل من الداخل من الخارج هو اه غالى شويه لكن للامانه هو يستاهل كفايه عنده طعم الموزه الرهيب ولا الفته بجد هو كل اكله جامد جدا واحلى حاجه ان اللى انت بتاكلو فى اى فرع هو نفس الطعم فى اى فرع تانى مفيش اى اختلاف الواحد احيانا بيحس انه نفس الشيف بيجى ورايا فى اى فرع من مطاعمهم انا بجد حابب انصح اى اتنين متجوزين يروحو فى يوم يتغدو هناك صدقنى مراتك بعد كده هتخرب بيتك لانها هتقولك غدينى عند ابو شقره كل يوم.

  • muhammed ahmed 3.0

    ابو شقرة ده محل المشويات الاول في مصر بلا منازع ويكفي انه مكان للبشوات وللوزراء والفنانين والمشاهير ومن برة بتحس قد ايه المكان ده جميل والاصالة باينه في ادق تفاصيلة ولما تدخل جوه بتلمس الطف معاملة من الستاف اللي شغالين هناك واللي على درجة عالية جدا من الذوق والاحترام وغير كده طعم الاكل هناك تحفة خصوصا المشويات بحس انهم بيحضروها بطرق سحرية علشان تطلع بالجمال ده بس بعيب عليهم في كذا نقطة اوهم ان القعدة مش مريحة وياريت يغيروها علشان الواحد يحس انهم مرتاح اكتر ثانيا جو المطعم مكتوم شوية ياريت يهتموا اكتر بالتهوية واخيرا الاسعار مولعة نار ياريت يخفضوها شوية.

  • muhammed ahmed 3.0

    ابو شقرة ده حكاية في عالم المشويات وده مش محل عادي ده استاذ ورائد كل محلات المشويات اللي في مصر ومحل يمتاز بالاصالة في كل شيء سواء الشكل الخارجي للمحل او للأكلات وطريقة تحضيرها او تقديمها او حتى بالنسبة للزي اللي الناس اللي هناك بيلبسوه بجد محل تحفة وانا عن نفسي مقدرش اقعد فترة طويلة من غير ما ازوره واستمتع باحلى طعم مشويات بحبه في مصر ومن اجمل الحاجات اللي هناك ان مستوى الخدمة راقي جدا وحاجة خمس نجوم فعلا بس اسعاره بحس انها مبالغ فيها الي حد ما وبحس برضه ان في بطئ شوية في الخدمة بس ده لا ينفي جودتها وتميزها.

  • zeinab elkomy 0.0

    أجمد مشويات من مطعم أبو شقرة وخصوصا الكفتة تحفة جدا فرع المعادي الجديدة وفرع المنيل خطير وبيقدم خدمات علي اكمل وجه.

  • basma mostafa 0.0

    المطعم جميل جدا ومريح انا دايما باكل في فرع مصر الجديده وفعلا اما تقول عايز تاكل في حته نضيفه تقول ابو شقرة.

  • marmar halem 0.0

    ابو شقرة دة احسن مطعم ممكن يكون على مستوى القاهرة فى المشويات فعلا عندة مشويات جملية جدا بجد بيعمل الكفتة بطريقة غير المطاعم التانية كفتة فعلا جميلة ومكان الحمام ليه خلطة معينة فعلا مش ممكن حد يكون بيعمل زيها والكباب تحفة جدا وكمان مش بس الاكل لكن كمان مستوى الخدمة هناك رائع ناس هناك محترمين جدا وبيعاملوا الناس بكل ادب وكمان النظافة هناك رائعة اوى وفعلا اختيار ابو شقرة للاماكن الخاصة بالمطاعم اختيار صائب جدا لانة فعلا مميز وسهل الوصول الية وكمان بقدر اركن السيارة بكل سهولة ودى حاجة صعبة اوى بالنسبة لى مطاعم اخر بجد شكرا لصاحب مطاعم ابو شقرا.

  • Mohamed Rezq 4.0

    طول عمرنا لما نقول مشويات يبقى جنبها ابو شقره على طول لان المشويات من عند حد غير ابو شقره ملهاش طعم خصوصا لما تجرب ابو شقره وتقعد في المطعم بديكوراته الجميله والعصريه المواكبه للموقع المميز اللي دايما بيختاروه بعنايه فائقه .. ولكن دايما هناك شيء بيخلي الناس تنجذب اكثر لاي مكان تروحه تتغدى فيه اللي هو السعر يعني لو الاسعار نزلت شويه هيبقى في اقبال منقطع النظير بالرغم ان الاقبال مش وحش عليهم بس السعر برضه ليه عامل مهم في زيادة العملاء وطبعا الوصول للطبقه المتوسطه في الاسعار مش هيخليه مطعم شعبي او درجه تانيه لانه ابو شقرة بطعمه الجميل دايما في المركز الاول في عالم المشويات.

  • ahmed mohamed 0.0

    It is my most favorite restaurant ever. I totally referring it to any person want to eat and don't want to feel hungry after eating.

  • ghada khoraga 4.0

    ابو شقرة واسع ونضيف والخدمة كويس بس طبعا الاسعار عالية شوية. اعداد الطعام فعلا بياخد وقت بس في مجمله مش هتندم.

  • ramy salim 4.0

    أبو شقرة طبعا ومن غير مبالغة ده مكان ليه أسمه وغني عن التعريف كان في فرع كويس جدااا في حلوان بس للأسف قفل من فترة لانه مكنش بيقدم خدمة جيدة للناس اللي بتاكل هناك بس الاكل لا يعلى عليه جامد جداً في فروع تانية زي فرع مدينة نصر والمهندسين دول الخدمة كويسة شوية. بس العيب الوحيد هناك هو الأسعار عالية جداً وبالذات الوجبات الكبيرة يعني الديك الرومي عامل أكتر من 400 جنيه بس السندوتشات أسعارها معقولة إلى حد ما. أكتر حاجة بتعجبني فيه هو الموقع بتاعه وده بيختلف عن أماكن تانية زي مؤمن وكنتاكي أنك ممكن تطلب الأوردر بتاعك أون لاين من السايت وبيجيلك في وقت قصير وكمان كل الأسعار موجودة على الموقع.

  • garat alamar 0.0

    ابو شقره من اجمل مطاعم المشويات مشوياته لها مذاق خاص طول عمرها واللي بيجربه مره لازم يفضل يروحله علي طول,,,صحيح هو سعره في ازدياد مستمر وخدمته بدات تتاثر شويه لكن انا بحبه وبحب مشوياته اللحمه والكباب والحمام مالهمش حل حلويييين جدا وطبعا ماننساش نظافه المكان والدليفري الحلو السريع وجوده المشويات عنده عاليه قووووي بالرغم ان المنافسين الجيدين بقوا كتير الا انه في المقدمه دايما و اعتقد ان فرع المعادي من احسن فروعه او يمكن لاني متعود عليه لكن اعتقد ان مستواه في كل الفروع مابيتغيرش لانه لازم يحافظ علي اسمه وسمعته ....

  • nancy ahmed 0.0

    ابوشقرة حلو مش بطال بس زمان كان احسن من كدة بكتير وكمان بحس ان الاكل بيكون قليل انا كلت فية كتير وكمان مرة كنت مسافرة اسكندرية وحمايا عزمنى فية وكان بيشكر فية اوى وقالنا انة اكل فية قبل كدة واكلة عجبة اوى المهم بقى روحنا وطلبنا بقى على اساس ان الاكل حلو وبعدين نزلنا السلطة والشوربة والعيش كانو حلوين وبعدين نزلنا الكباب والكفتة بصراحة الكباب كان بيشد معجبنيش لكن الكفتة كانت هايلة جدا وفى الاخر دفعنا مبلغ كبير على الاكل الى بحكيلكوا علية من ساعيتها حسيت انة مش بقى زى الاول كان زمان احسن من كدة

  • koky habiby 0.0

    انا عن نفسي ليه تجربه مع ابو شقره بس فرع الاسكندريه مع فخامه المكان بس الاكل كان مستواه سئ مع العلم ان ابو شقره المهندسين مستواه في الاكل هايل.

  • mark kamel 4.0

    ابو شقره ومين ميعرفش ابو شقره من المطاعم اللي فعلآ تستمتع بكل شئ عندما تذهب اليها المطعم دا فخم وشيك جدآ كل حاجه فيه جميله من اول الأكل واللي فعلآ بينفرد ابو شقره بمذاق متميز فريد من طعمه حيث الوجبات المتنوعه ولا الساندوتشات اللي فعلآ من عند ابو شقره ليها مذاق خاص وكمان الأسعار مش عاليه جدآ ولا حاجه لكن في مستوي الجميع من الجميل انك تلقي مطعم متميز زي ابو شقره وكمان مفيش هناك خدمه بطيئه زي اللي بيحصل في اغلب المطاعم علشان كده هاتستمتع جدآ لو نزلت ابو شقره مش بس كده ولكن من الجميل كمان انك تلقي الناس هناك جميله ومرحه.

  • mayar elazhary 0.0

    abo sha2ra tb3n bi2dm akl mashwy gamed, w akl masry kaman. w ana sh5sien b7b eletnen. e7na 3ndna fr3 f alexandria 3al b7r 3la tol, y3ny tb2a mostmt3 b elakl w elview kaman, 3ashan t3rf takol bnfs. abo sh2ara bi2dm game3 anwa3 elmshawy ely kol elnas mt3wden 3leha, zy el 7amam w elkofta w elkabab ...etc elas3ar msh ghalia mokarantn b gawdet elakl w t3mo w elkmiat kaman. ana 2raiby lma bigolna alexandria biro7o 3la abo sha2ra ma5sos 3ashan yaklo 3ndo l2n elfr3 ely 3ndna a7la mn ely f cairo.

  • mostafa aly 0.0

    مطعم رائع جدا جدا جدا بيقدم جميع اصناف المأكولات البحرية وكل اللي انت عايزو اسماك وكل حاجه لكن اسعارو بقت في العالي جدا جدا هوا كان حلو اوي قبل كده لكن المشكلة انو زي ماتقولو كده جاتلو حاجه من الغرور فبقى حاسس ان مفيش حد بيقدم حاجه زيو فعشان كده اكلو غلي اوي وصعب انك تاكل هناك والخدمة بقت تقل نوعا ما لكن المكان نظيف وجودة الطعام ممتازة اوي خدمة دليفري حلوة وسريع حبه في الدليفري لكن اعداد الطعام معاه بياخد وقت شوية لكن لو عزومة هتدفع اللي وراك واللي قدامك وهتكلفك كتير اوي انتا ممكن تجربو لكن مره عشان الاسعار.

  • Rania Said 5.0

    انا والحمد لله دخلت اكثر من فرع لمحلات ابو شقره بس كان بالنسبالى من احسن الفروع فرع المهندسين, انا فى حياتى ماكلتش حمام مشوى او محشى زى حمام ابو شقره وهو عامة مشهور بمشوياته كمان ورق العنب عنده حلو والاكل جميل والاسعار يمكن موش بتكون عاليه جدا عن الخدمه والمذاق زى ما بيكون فيه اماكن تانيه بس للاسف ماكلتش عنده اى نوع نم انواع المشويات زى الكفته والكباب والشيش طاووك دايما باكل يا حمام يا فراخ مشويه وان شاء الله المره اللى جايه ناويه اجرب اطلب طبق مشويات لأنى سمعت انه طعمه لذيذ جدا كما انه المشويات عامه خفيفه على المعده.

  • بسطاوى سيد 0.0

    ابو شقره مطعم ماشاء الله متميز اديلو 5 نجوم وانشاء الله يبقى الاحسن فى مصر وهطول فى المشاركه احب اقول ان الناس هناك محترمه ماشاء الله وخدمه جميلة واعداد طعام من الدرجه الاوله ...بصراحه جدير بثقه الناس.

  • nona hassan 0.0

    من اجمل المطاعم اللى كلت فيها كباب وكفتة مكان جامد اوووى وتحفة والاكل رائع هو السعر عالى شوية بس بصراحة الاكل حلو وعندو جميع انواع المشويات واكلات جامدة والمكان حلو اوي وشيك اوى والخدمة من قبل العاملين كويسة جدا والمطعم نظيف جدا هى الاسعار عالية بس مش خسارة فى المكان ولا الخدمة والا الطعم وما اجمل المأكولات الشرقية الجميلة والماكولات المصرية الحلوة ويوجد ايضا خدمة توصيل الطلبات للمنازل وبسرعة لكى تستمتع بالاكل وجمال طعمه وتوجد خدمات كثيرة اخرى فى مطعم ابو شقرة وشكرا على هذة الخدمات ودائما فى تقدم.

  • مصطفي محمود 5.0

    انا تقريبا زرت كل فروع ابو شقره ولكن فى نظري افضل فرع هو فرع المعادي المطعم تحفه وشكلو جميل جدا , كمان خدمتو افضل من باقي الفروع بس للاسف فى مشكلة بسيطه فى الفرع ده تحديدا الدليفري بطئ جدا لكن الفرع نفسو سريع فى تقديم الخدمة واسعارو كويسه نوعا ما هو يحتاج تخفيض الاسعار بعض الشئ , بالنسبة للآكل هناك بصراحه متوسطة الجوده فى مطاعم خدمتها افضل ولكن هو ليس بالسئ جدا , بتمنى انهم يلاحظو الملاحظات الى طرحتها ويحاولو يحسنو منها ده هيديهم ثقه افضل عند الزبون وكمان بتمنى انهم يرجعو ذي زمان لان المطاعم دي زمان كانت جميلة جدا .

  • JASSY MINA 5.0

    مطعم ابو شقرة من احلي واجود المطاعم الموجودة في القاهرة وله فروع اخري كثيرة من مصر الجديدة والمهندسين والهرم انا اتعزمت اكثر من مرة في ابو شقرة المهندسين والهرم انا بجد مش قادرة اوصف مذاق الطعم الاصيل في المشويات والمحشيات والمكان ديكوراتة جميلة بجد والجو ممتع لا ملل وانت موجود هناك ولا الخدمة بجد اقدر اقول عليها سبع نجوم وبجد تاكل وتشبع وانت مطمن علي الجودة والنظافة اقول اية علي اصناف الاكل من الحمام والدجاج ولا الكفتة والموزة والفتة والمحشيات والحلويات والمشروبات ولا الاسماك ولا السندوتشات فعلا كل فرع من فروعة لية جو وقعدة ممتعة واحلي ديكورات مواقع استراتيجية ابو شقرة يا جماعة بجد ادي العيش لخبازة بجد الشيفات متخصصة واكيد مقسمين المطابخ مصري شرقي صيني ايطالي روسي ياباني لبناني بجد اقول اية فعلا عاوز تغير جو وتتفسح وتاكل وتحلي وتتمتع باحلي مكان ابو شقرة وبس فعلا روح ابو شقرة وبجد ادعي لاصحابة دة مطعم لية تاريخ بقالة كام سنة علي القمة ولية اسمة في حد دلوقتي ميعرفش ابو شقرة.

  • Alaa Omar 0.0

    انا مش عارف لية مش بحب اكل فى المطعم دة، يمكن انا حاسس انة علشان غالى مش راضى اجربه بس عموما هاحاول اجربه.

  • Ahmed Khalil 0.0

    ابو شقرة ليه معايا قصه غريبه انا كنت زمان بخرج انا واصدقائى وبركب من رمسيس مترو المرغنى وننزل مصر الجديده فى يوم دخلت مطعم ابو شقرة وطلبنا كفته الصراحه كانت طعمها لذيذ جدا وممتع للغايه بتاع الصفرة نزل جميع السلطات وألذ حاجه الصراحه صلطه الطحينه وبعد ما اكلنا انا واصدقائى قمت انا عشان ادفع الحساب الصراحه كانت الفاتورة عاليه جدا يعنى مكنش معايا تمنها كله رحت قاعدت اضحك واستلفت من واحد صحبى الباقى واخدت منه فلوس تانيه اشتريت نصف كفته لأبن اختى معايا عشان كان عاوز يخرج معايا وانا رفضت وعلى فكرة المطعم ده فى توصيل الطعام للمنازل.

  • nadear hassan 0.0

    Nice restaurant, wish to go there every once in a while and I need to know the new menu any time soon.

  • ashraf ahmed 5.0

    بيقدم اكلات تحفة لبنانى فوق الوصف وخصوصا المشويات انصح اى حد يروح هناك وانا وزمايلى متعودين كل فترة نروح ناكل هناك هاتقولى الأسعار بتاعته عالية هاقولك الغالى تمنه فيه لما تاكل فى مكان يستحق فلوسك وتتمزج من الاكل احسن ما تدفع اقل ومش تلاقى اللى تاكله وهو دلوقتى بمرو ستين سنة على انشاءه عامل عروض جامدة كل بس انت عنده حساء الكاري الدجاج بالكريمة ولو مش طلبت اوردر تانى يبقى انا اللى هاحسبك عليه ياسيدى وكمان السلطة روعة وخصوصا التبولة اللبنانى مع شوية تحابيش من الشيف هناك فعلا تاكل صوابعك وراها ابوشقرة.

  • soliman nour 0.0

    عندما تذكر الأكلات الدسمة والمشويات يذكر ابو شقره هو واحد من اهم المطاعم الشهيرة بمنطقة المهندسين والدقى وشارع القصر العينى وتعد مشويات ابو شقره من اهم الوجبات التى يفضلها المصريون ويفضلها العرب والاجانب فى زياراتهم لمصر وتجتذب العديد والعديد من الشخصيات والمشاهير ونجوم الفن والمجتمع ولذلك افتتحت لها فروع باشهر العواصم العربية والاوربيه لروادها من العرب والمصريين وتعد وجبة الكباب والكفتة على الطريقة المصرية من اهم الوجبات التى برع فيها ابوشقرة بالاضافة الى الحمام المحشى والمشوى والطرب وغيره من الوجبات المصرية الخالصة .

  • mohamed mahmoud 0.0

    من المطاعم اللى ليها رونقها فى عالم المأكولات المشوية بمختلف انواعها يمكن عندنا التحدى فى فيصل كبير جدا لوجود الفقير والمنوفى وابو شقره كمان فى منطقه واحده وده يخلى المنافسه صعبه بس ابو شقرة معروف بجوده اكله وليه ناسه الى بيترددو عليه من ان لاخر وبصراحه انا رحته كذا مره وخاصتنا فرع الميرغنى الى هو اصلا يعتبر افضل فروعه وصرح صراحه فى الطيور وحتى الاستف بالملابس ببتاعتهم بتحس انك فى مود تانى خالص تحب تقعد فيه طول عمرك وكفاية اكله والريحه المحببه والشهيه الى بتشمها هناك واسعاره فى الاكل حلوة اوى ومناسبه ومكان تروحه انت وعيلتك او انت وصحابك فى احلى عزومه هاتاكل فيها اكل فى حياتك.

  • xXx xXx 0.0

    ابوشقرة اسم كبير ورغم انى زعلان منه لان اخر مره اتعاملت بطريقة مش ظريفة خالص ولكن فى شهادة الحق احلى طرب ممكن تاكله فى حياتك عند ابوشقرة والحمام حاجة تجنن.

  • akmal ashraf 0.0

    طبعا ابو شقرة غنى عن التعريف لانة اقدم محل مشويات و بجد المحل ده لما بروحة بحس بالاسم الى اتبنى بجد وبحس انه مش من فراغ ده نتيجة الجوده العالية والنظام الموجود وكمان الواحد بيكون مطمن وهو بياكل من المحل ده وفى ظل اللى بنسمعة عن الغش واللحوم الاخري فلازم الواحد مايكونشى مطمن لاي محل الا لو كان لية سمعة كبيرة وطبعا مش هتكلم عن الكباب والكفتة والطرب و الريش الرائعين الى انا مش باكل احلى منهم فى اي مكان تانى وطبعا الادارة الناجحة الى حافظت على هذا المستوي من النجاح والتقدم السنين السابقة و الاسعار الافضل الى الان والى مزيد من النجاح والتوفيق.

  • sameh askar 0.0

    بصراح من أفضل المطاعم التي تقدم الكثير من أنواع الأكلات وانا بصفة خاصة وفي ظل الظروف التي اعيشها نظرا لكوني خارج مصرنا الحبيبة أقوم دائما بزيارة هذه المطاعم هنا في الرياض عاصمة المملكة العربية السعودية لنتذوق طعم ورائحة اكلنا الحبيب اكل مصرنا الغالية علينا وأدعو كل من يتطلع إلى ذلك وخاصة من أهالي بلدنا الحبيبة مصر ومن يرغب في تذوق طعم المأكولات المصرية الجميلة بان يقوم بزيارة هذه المطاعم، كما أن الخدمات المقدمة فيها على مستوى عالي جدا ونتطلع دائما أن نجتمع سويا مع الأصدقاء والأحباب في هذه المطاعم وادعو لهم بالتوفيق والتقدم والأزدهار والمحافظة على هذا المستوى.

  • radwa khairy 0.0

    ابو شقره ,, فرع المعادي ,, المكان ديكوراته جميله ,, والجو فيه جميل ,, البطاطس بتاعته جميـــــله ,, بس المشويات بشكل عام مش بتفرق كتير

  • fady abd elahad 0.0

    abo sh2ra mat3am gamid gdan mn a7san el mata3m el fiha l7oom we b7b el kofta bt3to gidann we diman bakol 3ando kol yom gom3a ana we so7abi el f masr el gdida we a7san 7aga fih ano ndiiif awii takol meno we enta mtma2iin 3l 25iir we el 5dma fih kwisa awii we el akl bigi 3ala tool msh bit25ar we bigi so5n we gamil...bsara7a a7la m7al akl kbab we kofta we kol 7aga

  • Mostafa Taha 0.0

    ابو شقرة من احسن مطاعم المشويات الى ممكن تاكل فيها وانت مطمن على الجودة والطعم وكمان النظافة, بيتميز ابو شقرة عن اى مطعم مشويات تانى انة بيراعى الطعم قبل اى حاجة كمان الجودة العالية بصراحة بتكون مرتاح جدا وانت بتاكل هناك سواء كنت مع عائلتك او اصحابك بصراحة المكان هناك ممتاز جدا انا بحب اكتر لما باروح هناك اركز اكتر على الكباب لان بصراحة كدة الكباب بتاعو عالى اوى عن الكفتة وكمان الكباب بتاعو عالى اوى عن اى كباب تانى يعنى مثلا فى مطاعم تانية احسن فى الكفتة زى صبحى مثلا هو بس انا حاسس ان فى مبالغة شوية فى الاسعار ودة اكبر عيوب المكان

  • mark kamel 4.0

    ابو شقره يعنى التميز فى كل شئ لو بتفكر تروح مكان متميز وتغير عن التقليدى انصحك تروح ابو شقره الاسماك عنده تجنن بيعملها بطريقه مالهاش حل وكمان بيضيف كده تتبيله غريبه يخليك مستمتع جدآ بالاكل الطعم لا يعلى عليه فى جميع الاكلات المكان بيتميز بالهدوء يعنى لو حابب تروح مكان مفهوش ازعاج المكان ده مناسب جدآ ليك الخدمه هناك جميله هتستمع بكل حاجه والاجمل من كده الديكور الديكور هناك زى الاعلان عنه بيفاجئ حواسك مصمم بطريقه جميله جدآ وكمان الالوان هاديه مش مزعجه بس المشكله فى الاسعار لان الاسعار غاليه هناك حبيتين ياريت يعيدوا النظر فى الموضوع تانى.

  • mohamed fares 4.0

    ابو شقره من اقدم واجمد المطاعم والكفته عنده طعمها هايل وخصوصا فرع المعادي اللي جنب مؤمن انا شايف ان ده احسن فرع وتقريبا من اكبر المطاعم اللي في المعادي

  • mirola aiman 0.0

    انا بمووووووت فيه بحبه جدا تقريبا كل خروجاتي عنده اموووووووة لازم تروحوا.

  • man moon 5.0

    السلام عليكم طبعا يا جماعه ابو شقره مكان كويس اوى وقديم وفعلا احنا مهما اختلفنا عن ابو شقره بس برضو كلنا هنتفق ان ابو شقره مكان كبير ولكن فعلا احنا عايزين الشباب اللى راح مكان جديد يقلنا اكيد هيكسب فينا ثواب لو لقينا مكان حلو نخرج فيه بكره مثلا.

© 2018 Egypt Yellow Pages Ltd. All Rights Reserved.