Abou Heidar

محمود ناجى نصرالدين محمد

بصراحة محل ابو حيدر اللى فى مصر الجديدة ده جامد اخر حاجة انا كل ما بنزل مصر الجديدة لازم اكل من عنده. بيعمل ساندوتشات شاورمة جامدة جدا وكمان عصير المانجو بتاعه جامد جدا وفريش ولا تقاوم. وكمان اسعاره مش غاليه اوى. وابو حيدر ده الناس كلها بتحبه ودايما بيبقى زحمة قوى. والخدمة هناك متميزة جدا والمعاملة بين الموظفيين والزبائن كويسة جدا. والمحل بيجذب الكثير من الزبائن الجدد. انا اصحابى كلهم بيحبوا ياكلوا من عنده. ويا سلام بقة الشاورمة لما تبقى بالعيش السورى. وانا بنصح اى حد بيحب ياكل شورمة ويشرب عصير المانجو الفريش وما كانش اكل قبل كدة من عند ابو حيدر انه لازم يروح ياكل من عنده وهيتبسط بجد.

Mohamed Osman

ابو حيدر أشهر مكان للشاورمة وعصير المانجة فى روكسى ومصر الجديدة، اى حد نازل روكسى يجيب حاجات من هناك لازم اثناء اللف يعدى يا اما يكون جاعان فياكل شاورمة تحفة اوعطشان فيشرب مانجة تحفتين، لو جربته اكيد عارفه لو ماجربتهوش لازم تجربه.

Manar El Kady

ابو حيدر واخد سمعة جامدة اوي بسبب ساندوتش الشاورمة بتاعه وعصير المانجه والحقيقة انهم فعلا جامدين جدا طعم الشاورمة بتاعته مميزة جدا ومش زي اي شاورمة ممكن تاكلها في اي مكان تحس انها ليها طعم تاني وبرضو عصير المانجه بتاعه جامد جدا وتشربه في اي وقت في السنة تلاقيه حلو جدا بس المشكله انه غلا اسعاره بشكل مبالغ فيه وفي نفس الوقت قلل الكمية يعني لو حبيت تجيب ساندوتش شاورمة عادي او متوسط هيخلص معاك على قضمتين تلاته وهتلاقي نفسك دفعت فلوس زيادة عن اللي انت اخدته ومش هتحس انك شبعت وبرضو عصير المانجه عنده غالي والمكان زحمة جدا