Abou El Sid Restaurant

Mohamed Elhusieny

من ضمن اكثر المطاعم المصرية امتيازا بصراحة واحلى حاجة بيقدمها هى المشويات لانها بتكون على الطريقة المصرية الاصيلة وايضا العديد من الآكلات الشعبية الممتازة والشرقية الهايلة ودة بالاضافة للهدوء الدائم الذي يسيطر على المكان ذو الطابع المصرى المتميز الاصيل وكمان مش المشويات بس هى احلى حاجة هناك لا دة كمان مشهور بالفته والطبق اسمو فته ابو السيد وهى مكونة من أرز مصرى باللحم والجبنة، زبادى، لحم، صلصة طماطم والطبق دة الواحد ياكلو من هنا وممكن مايكلش حاجة بعديه لمدة اسبوع من حلاوتة بصراحة وكمان من الاطباق الممتازة بتاعتهم طبق مكون من فراخ مع الخضروات والكريمه وطعمه هايل.

Wafaa El Sayed

لفت نظرى مطعم أبو السيد فى سيتى ستارز مول, لقد تذكرت اني دعيت في نفس المطعم في الاسكندريه – نفس شكل الديكور ووضع الطاولات. اول شيء يثير الانتباه عند دخول المطعم الجو المصرى جدا من حيث الموسيقى الشرقيه التي تذكرنا بالزمن الجميل والأغانى المشهورة ام كلثوم وعبد الحليم وعبد الوهاب، جو مصرى جميل. الأكلات المصرية كلها.. أكلات تتذوقها وكانك تاكل في منزلك المكان جميل وواسع والأكل طعمه حلو جدا...وجمال المكان يبدأ من سهولة الوصول له، وكذلك سهولة ركن السيارة فى جراج المول. ولاحظت وجود أعداد كبيرة من العائلات مما يوحى بالراحة لخروجى مع العائلة. وكذلك يوجد أعداد كبيرة من الأجانب مما يوحى بجودة المكان والشعور بالأمان. والحقيقة ان كمية الأكل كبيرة ومستوى الأسعار معقولة نسبيا

Hany Fathy

انا لي ترابيزة مخصوص كل ما اروح لازم اقعد ف نفس المكان عشان احس بالخصوصية المطعم شيك جدا وتحس بالجو الشرقى خصوصا لما تاكل على انغام الطرب المصرى الاصيل ثومة والعندليب الاكل طعمه حكاية ولازم لازم تجربوا الشركسية مالهاش حل .الخدمة كمان كويسة جدا بس ساعات الاكل يتأخر شوية والاسعار متفاوتة زى ماقال محمد المقبلات اسعارها غالية شوية بس الصراحة الموضوع يستاهل. ديكور المكان حلو قوى تحس انك ف قصر ملوكى دا حتى ديكور الحمامات شيك جدا وطبعا اكيد نظيفة. وطبعا الناس اللى ليها ف التدخين فى ركن مخصوص للمدخنين بس انا مش متاكد اذا كان فى شيشة ولا لأ ياريت لو حد يعرف يقول.

Mohamed Salah

لما يجيلك أجانب و عايز تأكلهم أكل مصرى يبقى عليك و على أبو السيد.... ملوخية شركسية ممبار أورمة موزة بالفتة..... أنا جعت أساساً و أنا بتكلم... بس عايز أقلكوا يا جماعة على أحلى حاجة عنده مش هتصدقوا.... الكباب و الكفتة بجد أكثر من رائع أحسن من أى كبابجى فى مصر. أسعاره معقولة بس هى المقبلات عنده هى اللى غالية... فماتزودوش قوى فيها و خشوا عالمفيد عالطول (: