Add a Business for FREE

Totally Jammed
Crowded
Alright
Great
Route
DISCOVER SIMILAR BUSINESSES NEAR YOU!
EXPLORE MORE COMPANIES LIKE THIS

User Reviews

Overall Ratings

4.3 based on 7 reviews

Ratings & Reviews
  • Ahmed Khalil 0.0

    28th November 2011

    احلى ايس كريم ممكن تاكله عند قويدر وسطالبلد والبسبوسه بتاعته اللى بالمكسارات مشكله وجامد ا جدا على فكرة بعد الثورة كان مكتوب على المحل ان عليه حراسه قضائيه بس برضو المحل كان فاتح وكان بيبع الايس كريم انا على طول فى طلعت حرب وباكل ايس كريم من قويدر سعرة حلو والمنجه تحس انها طبيعيه بجد ولذيذة اوى وطبعا مكانه كويس جدا وكل الحلويا والجتوة ممتعه وعنده اصناف جميله مش بتلاقيها عند محالات حلويات اخرى والناس اللى بتبيع زوق ومحترمه جدا عنده ضغط جامد انا قبل كدة اشتريت منه والبون ضاع بس ادانى برضو الطلب بجد ناس محترمه

  • Ahmed Ibrahim 0.0

    22nd November 2011

    عبد الرحيم قويدر فرع عباس العقاد بيعجبني فيه جدا جدا شوية حاجات اول حاجة منهم: نظافة المحل تاني حاجة: بتعجبتني عندهم البسبوسة جدا جدا بالذات الكنفاة بالقشة رحت عندهم في رمضان اللي فات وجبت البسبوسة بالقشطة دي وجبت لصديقي اللي كان معايا بسبوسة بالبندق كانت سعرها في حدود 8 جنيه. احلى حاجة بقى عندهم الايس كريم اللي ما في مرة اروح غير والاقي عليه زحمة كتيرة جدا جدا بالذات على الايس كريم الزبادي. لو دقتها مرة مش هتبطلها ابدا كمان انا مش بس بروح الفرع ده كمان بروح الفرع بتاع وسط البلد اللي قدام سينما مترو.

  • eman sapry 0.0

    2nd November 2011

    من الاماكن المحبوبة والمشهورة جدا في القاهرة يعني وكده المكان بيقدم تشكيلة حلويات رائعة وجميلة جدا والاسم ليه شنة ورنة في المكان هناك والكل يعتبر يعرفو ومفيش حد بيروح زيارة كده والا كده ويفكر يجيب حلويات والا حاجه الا اما يفكر يروح للراجل ده علشان المحل هناك اسعارو غالية شوية بس في مقابل كبير كمان، الخدمة الرائعة اللي هناك والحلويات النضيفة برضو والنضافة العامة بتاعت المحل المكان بصراحة ممكن يبقي ادمان ليك علشان حلوياتو لذيذة جدا الخدمة سريعة جدا والطريقة بتاعت العرض برضو جميلة والناس اللي شغالين هناك محترمين جدا.

  • mark kamel 5.0

    28th October 2011

    عبد الرحيم قويدر من المحلات اللى بتبيع حلويات بشكل جميل، الطعم عندهم متميز وكمان الاسعار كويسه خالص وكمان ان يكون في خدمه توصيل الطلبات للمنازل دة بيضيف للمحل ميزه اخرى يمكن مش متوفره عند كتير من محلات الحلويات، الايس كريم عنده طعمه جميل والشيكولاتات بجميع انواعها موجوده وبأسعار جميله، اللى حابب اضيفه بس ان المحل مش معروف كتير بمعنى ان محل بيقدم منتجات جميله زى كده المفروض انه يكون التسويق والاعلان فيه كويس، المكان هناك جميل والطلبات بتيجى بسرعه وكل حاجه نظيفه يعنى تاكل وانت متطمن، بس خلى بالك من سنانك ومتكترش عبد الرحمن قويدر يستحق انك تشترى من عنده واكيد مش هتندم.

  • Motaz Bellah Hesham 4.0

    27th October 2011

    عبد الرحيم قويدر من اميز محلات الحلويات الشرقية في مصر، وحاجته كلها حلوة وطازة جدا، ليه اكتر من فرع وافضلهم فرع مدينة نصر بالنسبه لى، بالنسبة للحلويات فالكنافة هناك رهيبة والبسبوسة والايس كريم والكريم كراميل وام على تحفة بجد، بالنسبة لشياكة المحل فهو فخم جدا جدا وديكور لذيذ والاستاف اللى بيشرف على المحل في قمة الامتياز وناس محترمة جدا، والمحل برده على طول نظيف جدا، الاسعار تحفة ومعقولة اوى، بالنسبة للشهرة فهو يعتبر من اكبر محلات الحلويات واشهرها في مصر، وانا بعتبره من احسن المحلات اللى موجودة في مصر و بدعو كل الناس انها تجربه.

  • hisham hazem fahmy 0.0

    15th January 2011

    بصراحه ما شاء الله علية انا بحس انو احسن واجمل وارقى محل حلويات فى مصر، الحلويات الشرقية فيه عالمية وعلى طول تحس الحاجة بتاعتة مش اديمة و الحلويات الغربية بردو تحفة تهبل ونظام وطريقة التقديم ممتازة جدا شيك. الناس جوة بيتفاعلوا مع الواحد و بيساعدوه وفى خدمة الواحد عكس محلات كتير تانية. انا بصراحة بحب طرت الايس كريم بالكراميل تحفة بالذات في الصيف وانا بطبعى بحب رموش الست بيعملها حلوة و خفيفة جدا و منها أنواع كتير جدا وبرضو الكنافة الملفوفة او الكنافة البرمة متميز بها برضو تهبل فى رمضان الكحك الجميل.

  • Manar El Kady 4.0

    28th June 2010

    قويدر من افضل واقدم محلات الحلويات الشرقية والغربية والايس كريم بتاعه حلو اوي وكمان الحلويات اللي بيعملها في شهر رمضان تجنن زي القطايف بالقشطة ممتازة وكمان البسبوسة والكنافة هناك حلوين جدا بس اكتر حاجة بتميزه في رأيي هو الايس كريم بجد حلو فعلا , بس قويدر دلوقتي مابقاش زي زمان يعني شهرته قلت وكمان الاقبال قل عليه وده مش لعيب فيه جايز بس يكون السبب عشان محلات الحلويات اللي بتقدم نفس المنتجات كترت اوي وبقت منتشرة ومتعددة فالاختيارات اصبحت كتيرة ومتعددة, بس برضو اسم قويدر هيفضل علامة مميزة في المجال ده

Send an email to Abdel Rahim Koueider for more information

© 2020 Egypt Yellow Pages Ltd. All Rights Reserved.