DISCOVER SIMILAR BUSINESSES NEAR YOU!
GoCategories
Ratings & Reviews
كارفور من الاماكن اللى انا عن نفسى بعشقها وبحب انى اروح اجيب كل حاجاتى من هناك ودا ان امكن يعنى بكل بساطه لما تلقى مكان بالفخامه دى وكمان المكان يجذبك بشكل جميل كل حاجه نفسك فيها بجميع الماركات والمقاييس هاتلقاها عند كارفور الصراحه انا شايف انى المكان دا الاول فى عالم التسوق فى مصر مشفتش اماكن بالفخامه والجمال ده، خدمه فوق الممتازه واسعار معقوله وان كانت هناك بعض المنتجات الغاليه حبتين انا جبت كذا حاجه من هناك الصراحه فى قمه الروعه وكمان حتى لو كان وقت بيكون زحمه فيه فدا بيرجع لثقه الناس فيه بجد عالم من التسوق محاكى للنظام الاوربى .
كارفور المعادى دة يعتبر من اكتر الاماكن اللى بروحها مع اهلى من ساعة ما فتح لدرجة انى مش فاكرة هو بقالو كام سنة مفتوح. بس هناك فى متعة للتسوق بجد تحس انك عارف مكان كل حاجة فين بس للاسف دلوقتى اتغير وبقة غريب لان بيتم فى تجديدات جامدة وفى منتجات كتير مبقتش موجودة هناك بضطر ادور على البديل لحد ما يرجع كارفور زى الاول بكل الاختيارات من المنتجات اللى عودنا عليها اما بالنسبة للخدمة هناك فالبرغم انه على طول زحمة بس محصلتليش ولا مرة برغم زيارتى لية من سنين واعتبر زبونة دائمة هناك انا وعيلتى ان شوفت مشكلة او موقف شد كان سببه حد من الموظفين بالعكس كان دايما اللى بيحصل ان الزباين هى اللى بتعمل مشاكل واكترها بيكون عشان الزحمة على الكاشير خصوصا لما بينزل عروض جامدة زى مثلا عرض ال 10 و20 جنيه.
من احسن المناطق في الاسكندريه والواحد بيلاقي كل حاجه هناك اي حاجه هو عايزها والصراحه احسن سوبر ماركت وباكل هناك وبلعب والعيله بتلاقي حاجتها هناك والمعامله هناك حلوه والاسعار رخيصه ارخص من بره وهو كارفور لوحده فسحه عشان فيه كل حاجه ده انا حتي بشتري هدومي من هناك والحاجات نضيفه كمان ومش اي كلام وامي بتحب تروح هناك علي طول عشان هو فيه كل حاجه عشان هو اعظم سوبر ماركت في اسكندريه وباكل من كنتاكي هناك علي طول وبتبقي فسحه جميله جدا جدا والجو العائلي هناك جميل والواحد بيكون نفسه يروح هناك كل يوم.
طبعا كارفور يعتبر من احسن المولات اللي بتعامل معهم, فالخدمة عندهم ممتازة واهم شئ عندهم هو الحصول على رضاء العميل سواء كنت صح او غلط, انا جربت كل فروع الكارفور ومستني بفارغ الصبر افتتاح كارفور 6 اكتوبر اللي فدولفين مول (قريب من جهاز مدينة 6 اكتوبر) لانه اقرب لي من كارفور المعادي والفرع التاني كمان, فأنا ان شاء الله اول شخص هشتري من الفرع الجديد, فانا محتاج موبايل جديد. وعلشان تشتري وانت متطمن لازم تشتري اغراضك من مكان موثوق فيه, وطبعا مش هتلاقي احسن من كارفور تشتري منه, لانك مش هتبقى قلقان.
بصراحة كارفور ده من اكبر وافضل سلاسل الماركت فى مصر بصراحة انا اى حاجة بحتاجها بلاقيها هناك من مأكولات او مشروبات او ملابس او اجهزة كهربية او اجهزة منزليه او الكترونيات وانا دايما اى حاجة بحتاجها بروح اجيبها من هناك عشان دايما بلاقى الاسعار رخيصة والخدمة المتميزة والمعاملة الحسنة من الموظفيين للعملاء وهذا بيجذب عدد كبير من الزبائن. وانا عن نفسى دايما بفضل فرع المعادى اللى على الطريق الدائرى لانه اقرب فرع لبيتى. انا حتى لسة مشترى لاب توب وموبايل من هناك وانا بنصح اى حد ما اتعاملش مع كارفور قبل كدة انه يروح ويتعامل معاه لانه هيلاقى الاسعار ارخص من اى مكان تانى وكمان دايما بيعمل خصومات وعروض هائلة.
كارفور بصراحة من غير اى كلام او نقاش يعنى اقوى المولات فى مصر واقوى عروض فى مصر وهو مكان هايل جدا تلاقى فية كل حاجة تتوقعها من اجهزة كهربائية واجهزة منزلية ووسائل ترفية وتسلية وتجهيز عرائس وكل حاجة الواحد يتوقعها يلاقيها هناك بصراحة...بصراحة مكان لا نقاش علية مكان هايل وممتاز جدا وفى عروض رهيبة جدا على شاشات ال سى دى واجهزة الاب توبات وبصراحة شهادة حق ان الواحد يشترى منتج من اسم كارفور يعنى من الاخر الحصول على اعلى جودة وانت متطمن وكمان ميزة صعب انك تلاقيها فى اى هايبر تانى ان كارفور من الاماكن القليلة جدا فى مصر الحاصل على علامة تجارية مميزة على الملابس.
كارفور فعلاً بحس عنده بمتعة التسوق والسبب ورا كده أنى بقدر أشترى من عنده حاجات كثيرة من الأبره للصاروخ زى مابيقولوا يعنى ممكن أجيب من عنده جبن وعصاير وده غير ان كارفور من آن لاخر بيعمل اوفرز رائعة على كل حاجة سواء كانت ماكولات, اجهزة كهربائية, تليفونات محمولة او كمبيوترات ولاب توبس. يعنى ممكن مرة تروح تلاقى مثلا حاجة معينة نازل عليها تخفيض 50% مول روعه وافكاره ممتازه.
كارفور دة فعلا حكاية مكان جامد جدا وفية كل حاجة ممكن تحتاجها من مشتريات للبيت والأجهزة منزلية بكل اشكاها وانواعها وهدوم أطفال وكبار وادوات رياضية لأ وكمان هناك ممكن تلاقى احلى كريمات وشامبوهات للشعر والوجة والجسم بجيبها لمراتى هدايا وتحس أنك ممكن تصرف كل اللى فى جيبك هناك وتستلف كمان وتبقى مبسوط بس بصراحة الحاجة الوحيدة اللى بكون حامل حملها هى الزحمة عند الدفع لأن الناس بتكون كتيرة اوى وجيبة مشتريات الشهر كلة بس غير كدة فعلا خدمة ممتازة وأحترام من العاملين يخلى الواحد ينسى الزحمة
كارفور بداية كلامي عنة ونهاية كلامي عنة انة فعلا اكبر واضخم سوبر ماركت في مصر وكمان اسكندرية فعلا مكان مافيش حاجة مش موجودة هناك من الابرة للصاروخ فعلا كل ماتحتاجة الاسرة ورجال الاعمال من اجهزة ومأكولات وخدمات فعلا كارفور اضخم وافخم محل تجاري وسوق تجاري ممتاز بجد ومكان الجو فية جميل وممتع وعلى طول تقدر تروح مع اصدقاءك او اسرتك تعمل احلي شوبنج وكمان تقعد في الكافيهات اللي جمبة تاكل وتشرب وتتسلي وتتمتع بأحلي جو ومش هنتكلم عن فرع واحد لا كارفور المعادي وكارفور العبور ولا كارفور مصر اسكندرية داندي مول بجد كل فرع احلي من اللي قبلة من جو وخدمات وجودة وذوق والعاملين فية من نظافة ومعلومات عن اي حاجة تلاقيها ومعاملة فوق الرائعة تناسب كل الناس.
كارفور لم أكن اتخيل يوما اننى سأدخل مدينة ضخمه جدا نظيفه جدا فخمه المظهر. عندما كنت أسمع عن كارفور كنت اظن اننى سأذهب الى مكان به محلات ولم أتخيل الحجم العملاق ولم أتخيل أننى يمكننى أن اشترى كل ما أريده من أصغر شئ لأكبر شئ، ولكن بدخولى هذه المدينه العملاقه وجدت اننى احتاج لأكثر من يومين حتى أقف دقيقتين أمام كل محل لأتصفح سريعا ماذا يبيع، كما أننى ذهلت من التكنولوجيا التى تقود المكان، فلم أكن أتخيل يوما أنه فى مصر يمكن أن يكون شئ كهذا. انصح الجميع بزيارة كارفور وبالأخص فرع المعادى، فهو متميز بهدوء المكان الموجود فيه واتساعه.
التسوق فى كارفور من اكتر الاشياء الممتعه اللى بعملهااا ...غير انه خروجه حلوة وممتعه وذالك لعدة مميزات اولااا المكان الواسع والهادئ وانضباط الناس فيه ونظافته الجيدة وتنظيم المحلات والاقسام الداخلية بيه ثانياا وجوود جميع المستلزمات الضرورية الازمة للمنزل العصرى من متجات حيوانية وزراعية ومعلبات واستخدامات شخصية والملابس والاحذية لجميع الاعماار ووجود جميع الاجهزة الكهربية لجميع الماركات بجميع الاسعاار المناسبة رقى معاملة القائمين على كارفور من الامن والخدمات فى تلبية جميع احتجاتك وبيعجبنى قوى كماان وجود صندوق الاقتراحات انى اكتب ملاحظاتى او شكوتى او لو حبيت وجود احد المنتجات وبصراحة استخدمتهااا كذا مرة لتلبية وجود منتج من منتجات تصفيف الشعر وفعلاا فى وقت قصير وجدت المنتج واهم شئ فى كارفور اولاا العروض الجامده اللى بتعملهاا دورياا على مدار السنه على اختلاف المواسم كعروض رمضان والاعياد وبداية المدارس وغيرها من المناسبات والدعاية الى بتعملها من طبع للمنشوراتت وتوزعهااا فى جميع انحاء القاهرة وثانياا التغيرات اللتى تعملها فى ديكورات العروض بيعطى انطباع متجدد للمكان وده بيلفت نظرى ومبحسش بالملل من ذهابى الدائم ليه التسوق والخروج فى كارفور حتى لو مشترتشى حاجه خالص ده فى حد ذاته متعه لاتوصف واستجماام والحصول على معلومات على اهم عروض الاسواق بصراحه انصح كل الناس الى الذهاب الى كارفور والتعرف عليه عن قرب....وبشكر مجموعة ماجد الفطيم على ابتكار مجموعة كارفور فى كل انحاء الدول العربية وغيرههاا
Carrefour is definitely a one-stop shop for groceries, electronics and odds and ends. They also offer the largest selection of fruits and veggies I have found in Cairo. But I will warn you, this store gets very busy and shoppers get very pushy! I personally dislike large crowds, so find it best to shop as soon as the store opens on Friday mornings (either 9am or 10am). Plus, there is always ramp parking available. I have purchased several electronics and an outdoor table umbrella and found the quality just okay. Carrefour also offers its own brand of food and cleaning items at a good price. There are special sale items in a large area in the center back of the store.
كارفور من الاماكن المميزة جدا فى كل شىء ومن الاماكن المفضلة ليا فى الخروجات انا وصحابى، بالذات لو مش محددنين مكان نخرج فيه لان فيه كل حاجة عاوز تاكل هتلاقى اكتر من مطعم وكل مطعم مختلف عن التانى سواء فى الاكل او الاصناف، عاوز تشرب تلاقى تشرب وتلاقى اكتر من حاجة تتشرب، غير لو احنا عدد كبير ممكن نلاقى مكان يلمنا ولو انت فودافون او اتصالات تلاقى خدمة عملاء، عاوز تلعب للأسف لعب للاطفال بس مفيش للكبار غير فيديو جيم وانا مابحبوش ياريت يبقى فى بلى ستيشن. لو أنت عاوز تتفرج على هدوم وتشوف الجديد سواء مثلا أديداس او تمبرلاند عشان انا بحبهم تتفرج، لو انت باختصار عاوز تتسوق وتخرج فى نفس الوقت يبقى كارفور فى قسم التسوق مفيش حاجة تعوزها متلقيهاش، كل حاجة موجودة وياسلام بقىء انك تلاقى مكان تركن فيه ده بقىء من احسن الحاجات اه يطلع عينك عشان تركن فى وقت الزحمة، بس فى الاخر بتلف فى مكان واحد مش تلف فى الشوارع والحوارى. من العيوب ان لو المكان زحمة ممكن تاخد وقت عقبال متلاقى مكان تقعد فيه عند المطاعم
كارفور من الاماكن المتميزة جدا انا بجد من اشد المعجبين بالمكان ده، المكان حلو جدا وبجد تقدر تروح فيه انت وعائلتك وتستمتع وتتفسح وتعمل احلى شوبنج كل ده فى مكان واحد. كارفور بجد مكان تحفة وبيقدم عروض على كل المنتجات لا مثيل لها وبدون منافس له فى العروض اللى بينزلها ديه، منتجاته حلوة اوى وبيقدم عروض على حاجات ماركات وبتبقى غالية جدا فى اى مكان بره، هو بيقدم عرض على منتجين او اكثر مع بعض وبسعر خيالى جدا مش حتلاقيه فى اى مكان وبيناسب جميع الفئات الغنى و المتوسط وكل الاعمار. و غير انك حتلاقى كل احتياجات المنزل العصرى داخل الهايبر نفسه حتخرج حتلاقى محلات فى السنتر نفسه فيها كل االى نفسك فيه وبتراعى كل الاذواق، حتى لو مش ناوى تشترى حاجة خالص برضه حتستمتع بالفسحة فيه جدا وحتغير جو انت وعائلتك او انت واصحابك بأقل التكاليف الممكنة، حتى المواصلات ليه بقت متوفرة وسهل جدا الوصول هناك.
بجد مكان جامد جدا لما تحب تشترى احتياجات البيت. هتلاقى فيه كل حاجة من الابرة الى الصاروخ, هتلاقى فيه كل الاكل بانواعه وهتلاقى كمان فى كارفور مكان مخصص للاجهزة الكهربائية والكمبيوتر ومكان اخر للادوات المنزلية دة غير ركن المجلات والسى دى وشرائط الكاسيت وكمان هتلاقى فيه جزء مخصص للملابس والاحذية سواء كانت حريمى او رجالى وللعب الاطفال والوسائل التعليمية الخاصة بالاطفال, يعنى من الاخر هتلاقى فيه كل حاجة. ده غير ان كارفور من آن الى اخر بيعمل اوفر رائعة على كل حاجة سواء كانت ماكولات, اجهزة كهربائية, تليفونات محمولة او كمبيوترات ولاب توبس. يعنى ممكن مرة تروح تلاقى مثلا حاجة معينة نازل عليها تخفيض 50%. فى كارفور مش هتلاقى مشكله فى الركنه لان معادى سيتى سنتر اللى بداخلة كارفور ليها باركينك كبيير مكون من دورين. اكتر حاجة هناك بديقنى هيه الزحمة لان الناس كلها بتحب تشترى حاجتها من كارفور عشان كده بنصحكو انكم لو عايزين تشترو طلبات للبيت روحو فى اى يوم ماعدا يوم الخميس والجمعة بعد الظهر.
يعتبر كارفور من اكبر سلاسل الهايبر ماركت الموجودة فى مصر تجد فى كارفور كل ما تتخيله من الابرة الى الصاروخ تجد الملابس و لعب الاطفال و تجد جميع المنتجات العالمية. لديه العديد من الفروع فى مصر المعادى سيتى سنتر, المعادى كارفور اكسبريس و الاسكندرية سيتى سنتر. تجد افضل الاسعار وافضل المنتجات فى كارفور. بالاضافة الى العروض التى تجدها يوم الجمعة و السبت. يوجد العديد من الاقسام فتجد مثلا قسم البضائع الاستهلاكية بما يحتويه من مشروبات و منظفات و عطور واطعمة جافة و اطعمة طازجة و منتجات الالبان و اللحوم الطازجة و المخبوزات و الفواكه و الخضروات و قسم الملابس و المفروشات و الجرائد اليومية و الاجهزة المنزلية الكهربائية و الساعات و الهدايا و لعب الاطفال اما القسم المفضل بالنسة لى هو قسم الشيكولاتة اى نعم بخرج بخسائر كبيرة منه بس جميع انواع الشيكولاتة و الحلويات تجدها فى قسم الشيكولاتة. انا بصراحة لا اتخيل مصر من غير كارفور. معلومة بسيطة كارفور تابع لمجموعة الفطيم و كارفور فرنسا.
أجمل حاجة لما تتلاقى مع الناس من كل الأجناس والأشكال والألوان والطبقات، هو ده بالضبط اللى هتلاقيه فى كارفور، الأسواق دائما يتمتع الإنسان فيها بمتعتين متعة التسوق، يشترى الحاجة اللى نفسه فيها ومتعة رؤية الناس. بالإضافة إلى ميزتى التسوق والتمتع بجو الخروج من دائرة المنزل، إلا أنه حطم أسعار تقريبا كل السوبر ماركتس مش هزار. روح زور كارفور كأنك بتتفسح وشوف الأسعار، يكفيك يوم فى الشهر تروح لتخزين إحتياجات المنزل، هتفرق كتير جدا لما يوفرلك فى المنتج وليس شراء الجملة، بمعنى اخر أقصد لما تشترى وحدة منتج واحدة وليس علبة من المنتج هتوفر تقريبا من خمسين إلى خمسة وعشرين قرش شوف باقى المنتجات. وأيضا ليس فقط على منتجات المنزل - شوف أى حاجة - لعب أطفال - ترفيه - أكل - لبس. عدد الزوار ما شاء الله فى اليوم كتير جدا. كان زمان سكان المعادى اللى هما أقرب من أى سكان منطقة أخرى لكارفور - ماكانوش بيروحو رغم إن الطريق كان سهل و يتراح بالسيارة - لأن كان كارفور هو الوحيد إللى فى المنطقة - كانت الدنيا مش عمرانة. دلوقتى كارفور حوله نادى الصيد - مدخل لزهراء المعادى - مودرن أكاديمى - الشركة البافاريا...كارفور هو وسط البلد بالنسبة للطريق الدائرى. أيضا منطقة الأكل اللى غنية بالمطاعم المشهورة - محلات اللبس - نظارات بركة - لابوار - سيلنترو - ...كل ده وأكثر داخل كارفور. بالإضافة إلى عروض يومية للشركات - وصدقونى عروض قوية جدا لكل واحد بيدور على أى شئ.
مش عارف من غير الهايبرات الكبيرة اللى زى كارفور كنا هنعمل ايه مكان كبير جدا فيه من الابرة للصاروخ زى ما بيقولوا احسن حاجة انك تدخل مكان واحد تلاقى فيه كل احتياجاتك تشتريها من مكان واحد وتريح دماغك وهو ده بالظبط اللى بيعمله كارفور بيوفر منتجات وسلع استهلاكية سريعة الدوران ومعمرة كتيرة جدا سواء اكل او اجهزة كهربائية او موبايلات او لعب اطفال او الى اخره ده غير بقى الميزة الكبرى اللى بيقدمها وهى العروض المستمرة على السلع الموجودة بداخله سواء اللى بيعملها وبينشرها فى مجلات خاصة بيه او فى الجرائد اليومية ودى بتبقى عروض لفترات طويلة نسبيا او العروض الوقتية اللى بيعملها وبيعلن عنها فى اذاعته الداخلية ودى غالبا بتبقى لمدة ساعة او حتى نفاذ الكمية لو كانت قليلة لو رحت انت واسرتك هناك كل واحد فيكوا هيلاقى اللى هو عايزه وكمان بيوفر باركينج للعربيات متعدد الطوابق ويمكن العيب الوحيد هو الزحام الشديد خصوصا ايام الجمعة اول الشهر
سلسله محترمه جداا مغطيه تقريبا دلوقتى كل القاهره الكبرى و الاسكندريه بعروضها اللى محصلتش و بضاعتها اللى فيها كل حاجه انت بدور عليها او محتاجها بتلاقيها فى مكان واحد بدل متعقد تدور و تدوخ من نص البلد لمصر الجديده للعتبه فممكن تلاقى اجهزة منزليه و اثاث مصايف و كل احتياجات البيت من اكل و شرب كمان بيعجبنى اوى هناك المخبوزات تحفه و بيعمل تورتات برخص التراب و عروض جمبرى و كابوريا هايله . انا كنت هناك الاسبوع اللى فات و قضيت اليوم كله هناك لانه كمان فى محلات اكل حوليه من كل السلاسل المشهورة و كان العرض حولين المصايف فاشرتيت ثلاجه بحر و معاها كلمن هديه كان نفسى فيه من زمان وكمان بيبع حتى الملابس و القطنيات بجوده عاليه و اسعار حلوة جداا
انا حتكلم عن كارفور العبور لان انا ساكن قريب منه و كل حاجه باشتريها من هناك هو طبعا اكبر مكان للتسوق موجود في العبور و كل حاجه موجوده فيه بدون استثناء و هو مكان كمان جميل للخروج مع العائله لانه فيه كافيهات و مطاعم كتير لكن بالنسبه للمكان نفسه فهو مكان جميل لشراء جميع مستلزمات البيت من ماكولات و مشروبات و احتياجات و هو فعلا انسب وقت للخروج فيه كل ايام الاسبوع ماعدا الخميس و الجمعه لانه بيكون زحمه جدا و افضل حاجه موجوده عنده هي الادوات المنزليه و الكهربائيه بيعمل عليها عروض جامده جدا زي التليفيزيونات الال سي دي و الثلاجات بس مانصحش حد يجيب منه اكل جاهز لان انا جربته مره و ماكانش حلو خالص
من وجهة نظري ان كارفور من اقوى الهايبر ماركت اللي موجود مش في مصر بس ولكن في الشرق الاوسط كله .. ده لأن ليه فروع في دول عربية غير مصر زي الامارات والسعودية مثلا .. وانا بصراحة بستمتع بالتسوق فيه جدا لأني بلاقي كل اللي بحتاجه للبيت ولنفسي ولأسرتي كمان . ده غير انه في حاجات بجد صعب اني الاقيها بره وده كله باسعار مناسبة جدا وعروض قوية مبلاقيهاش في اي حتة تانية. وبيعجبني جدا العروض اللي على الاجهزة الكهربائية والاكترونيات .. بس مبيعجبنيش فيه اللبس والاحذية والزحمة اللي ساعات بلاقيها مبالغة شوية بس ده اكيييد عشان العروض الجامدة قووووي.
هايبر ماركت كويس بس بيكون زحمة عند الدفع و لما تحب تسأل علي حاجة في المعروضات مش لازم تروح لحد الاستعلامات علشان تلاقي حد تسألوه
Send an email to Carrefour Hyper Market for more information
IS THIS YOUR BUSINESS?
By claiming this business you can update your company information on this site.
Km 6,Inside City Centre Alexandria ALEX. CAIRO DESERT RD., ALEXANDRIA Amin Hasouna St., Intersection Of Mostafa Kamel St.,Inside City Light Mall EL SEYOUF, ALEXANDRIA Cairo Ismaileya Desert Rd., Intersection Of Ring Rd.,Inside Town Center EL SALAM CITY, CAIRO Km 38 Misr Ismaileya Desert Rd.,Inside Sky Plaza Mall EL SHEROUK CITY, CAIRO Square 1258F Autostrad Rd.,Inside Sun City Mall, 4th Floor HELIOPOLIS, CAIRO El Nasr Rd., Intersection Of Cairo Suez Rd.,Inside City Centre Almaza HELIOPOLIS, CAIRO , Customer Service MAADI, CAIRO Talaat Mostafa Rd.,Gate 2 Madinty, CAIRO Ring Rd.,Inside Cairo Festival City Mall, 3rd Floor, Unit I6 NEW CAIRO, CAIRO Km 1 Tanta El Mahalla Rd.,Inside Orouba Mall TANTA, EL GHARBEYA El Wahat Rd.,Inside Mall Of Egypt, Level 1, Gate G, Shop 1008 6th OF OCTOBER, GIZA Km 28,Inside Dandy Mega Mall, Ground Floor CAIRO ALEX DESERT RD., GIZA El Corniche St. New Ismaileya, ISMAILEYA Misr Ismaileya Desert Rd., Golf City,Inside Golf City Mall OBOUR CITY, KALIOBEYA 1 Borg El Arab Airport Rd., El Taamir Spine,Inside Orouba Mall, Ground Floor SIDI KREIR, North Coast
كارفور من الاماكن اللى انا عن نفسى بعشقها وبحب انى اروح اجيب كل حاجاتى من هناك ودا ان امكن يعنى بكل بساطه لما تلقى مكان بالفخامه دى وكمان المكان يجذبك بشكل جميل كل حاجه نفسك فيها بجميع الماركات والمقاييس هاتلقاها عند كارفور الصراحه انا شايف انى المكان دا الاول فى عالم التسوق فى مصر مشفتش اماكن بالفخامه والجمال ده، خدمه فوق الممتازه واسعار معقوله وان كانت هناك بعض المنتجات الغاليه حبتين انا جبت كذا حاجه من هناك الصراحه فى قمه الروعه وكمان حتى لو كان وقت بيكون زحمه فيه فدا بيرجع لثقه الناس فيه بجد عالم من التسوق محاكى للنظام الاوربى .
كارفور المعادى دة يعتبر من اكتر الاماكن اللى بروحها مع اهلى من ساعة ما فتح لدرجة انى مش فاكرة هو بقالو كام سنة مفتوح. بس هناك فى متعة للتسوق بجد تحس انك عارف مكان كل حاجة فين بس للاسف دلوقتى اتغير وبقة غريب لان بيتم فى تجديدات جامدة وفى منتجات كتير مبقتش موجودة هناك بضطر ادور على البديل لحد ما يرجع كارفور زى الاول بكل الاختيارات من المنتجات اللى عودنا عليها اما بالنسبة للخدمة هناك فالبرغم انه على طول زحمة بس محصلتليش ولا مرة برغم زيارتى لية من سنين واعتبر زبونة دائمة هناك انا وعيلتى ان شوفت مشكلة او موقف شد كان سببه حد من الموظفين بالعكس كان دايما اللى بيحصل ان الزباين هى اللى بتعمل مشاكل واكترها بيكون عشان الزحمة على الكاشير خصوصا لما بينزل عروض جامدة زى مثلا عرض ال 10 و20 جنيه.
من احسن المناطق في الاسكندريه والواحد بيلاقي كل حاجه هناك اي حاجه هو عايزها والصراحه احسن سوبر ماركت وباكل هناك وبلعب والعيله بتلاقي حاجتها هناك والمعامله هناك حلوه والاسعار رخيصه ارخص من بره وهو كارفور لوحده فسحه عشان فيه كل حاجه ده انا حتي بشتري هدومي من هناك والحاجات نضيفه كمان ومش اي كلام وامي بتحب تروح هناك علي طول عشان هو فيه كل حاجه عشان هو اعظم سوبر ماركت في اسكندريه وباكل من كنتاكي هناك علي طول وبتبقي فسحه جميله جدا جدا والجو العائلي هناك جميل والواحد بيكون نفسه يروح هناك كل يوم.
طبعا كارفور يعتبر من احسن المولات اللي بتعامل معهم, فالخدمة عندهم ممتازة واهم شئ عندهم هو الحصول على رضاء العميل سواء كنت صح او غلط, انا جربت كل فروع الكارفور ومستني بفارغ الصبر افتتاح كارفور 6 اكتوبر اللي فدولفين مول (قريب من جهاز مدينة 6 اكتوبر) لانه اقرب لي من كارفور المعادي والفرع التاني كمان, فأنا ان شاء الله اول شخص هشتري من الفرع الجديد, فانا محتاج موبايل جديد. وعلشان تشتري وانت متطمن لازم تشتري اغراضك من مكان موثوق فيه, وطبعا مش هتلاقي احسن من كارفور تشتري منه, لانك مش هتبقى قلقان.
بصراحة كارفور ده من اكبر وافضل سلاسل الماركت فى مصر بصراحة انا اى حاجة بحتاجها بلاقيها هناك من مأكولات او مشروبات او ملابس او اجهزة كهربية او اجهزة منزليه او الكترونيات وانا دايما اى حاجة بحتاجها بروح اجيبها من هناك عشان دايما بلاقى الاسعار رخيصة والخدمة المتميزة والمعاملة الحسنة من الموظفيين للعملاء وهذا بيجذب عدد كبير من الزبائن. وانا عن نفسى دايما بفضل فرع المعادى اللى على الطريق الدائرى لانه اقرب فرع لبيتى. انا حتى لسة مشترى لاب توب وموبايل من هناك وانا بنصح اى حد ما اتعاملش مع كارفور قبل كدة انه يروح ويتعامل معاه لانه هيلاقى الاسعار ارخص من اى مكان تانى وكمان دايما بيعمل خصومات وعروض هائلة.
كارفور بصراحة من غير اى كلام او نقاش يعنى اقوى المولات فى مصر واقوى عروض فى مصر وهو مكان هايل جدا تلاقى فية كل حاجة تتوقعها من اجهزة كهربائية واجهزة منزلية ووسائل ترفية وتسلية وتجهيز عرائس وكل حاجة الواحد يتوقعها يلاقيها هناك بصراحة...بصراحة مكان لا نقاش علية مكان هايل وممتاز جدا وفى عروض رهيبة جدا على شاشات ال سى دى واجهزة الاب توبات وبصراحة شهادة حق ان الواحد يشترى منتج من اسم كارفور يعنى من الاخر الحصول على اعلى جودة وانت متطمن وكمان ميزة صعب انك تلاقيها فى اى هايبر تانى ان كارفور من الاماكن القليلة جدا فى مصر الحاصل على علامة تجارية مميزة على الملابس.
كارفور فعلاً بحس عنده بمتعة التسوق والسبب ورا كده أنى بقدر أشترى من عنده حاجات كثيرة من الأبره للصاروخ زى مابيقولوا يعنى ممكن أجيب من عنده جبن وعصاير وده غير ان كارفور من آن لاخر بيعمل اوفرز رائعة على كل حاجة سواء كانت ماكولات, اجهزة كهربائية, تليفونات محمولة او كمبيوترات ولاب توبس. يعنى ممكن مرة تروح تلاقى مثلا حاجة معينة نازل عليها تخفيض 50% مول روعه وافكاره ممتازه.
كارفور دة فعلا حكاية مكان جامد جدا وفية كل حاجة ممكن تحتاجها من مشتريات للبيت والأجهزة منزلية بكل اشكاها وانواعها وهدوم أطفال وكبار وادوات رياضية لأ وكمان هناك ممكن تلاقى احلى كريمات وشامبوهات للشعر والوجة والجسم بجيبها لمراتى هدايا وتحس أنك ممكن تصرف كل اللى فى جيبك هناك وتستلف كمان وتبقى مبسوط بس بصراحة الحاجة الوحيدة اللى بكون حامل حملها هى الزحمة عند الدفع لأن الناس بتكون كتيرة اوى وجيبة مشتريات الشهر كلة بس غير كدة فعلا خدمة ممتازة وأحترام من العاملين يخلى الواحد ينسى الزحمة
كارفور بداية كلامي عنة ونهاية كلامي عنة انة فعلا اكبر واضخم سوبر ماركت في مصر وكمان اسكندرية فعلا مكان مافيش حاجة مش موجودة هناك من الابرة للصاروخ فعلا كل ماتحتاجة الاسرة ورجال الاعمال من اجهزة ومأكولات وخدمات فعلا كارفور اضخم وافخم محل تجاري وسوق تجاري ممتاز بجد ومكان الجو فية جميل وممتع وعلى طول تقدر تروح مع اصدقاءك او اسرتك تعمل احلي شوبنج وكمان تقعد في الكافيهات اللي جمبة تاكل وتشرب وتتسلي وتتمتع بأحلي جو ومش هنتكلم عن فرع واحد لا كارفور المعادي وكارفور العبور ولا كارفور مصر اسكندرية داندي مول بجد كل فرع احلي من اللي قبلة من جو وخدمات وجودة وذوق والعاملين فية من نظافة ومعلومات عن اي حاجة تلاقيها ومعاملة فوق الرائعة تناسب كل الناس.
كارفور لم أكن اتخيل يوما اننى سأدخل مدينة ضخمه جدا نظيفه جدا فخمه المظهر. عندما كنت أسمع عن كارفور كنت اظن اننى سأذهب الى مكان به محلات ولم أتخيل الحجم العملاق ولم أتخيل أننى يمكننى أن اشترى كل ما أريده من أصغر شئ لأكبر شئ، ولكن بدخولى هذه المدينه العملاقه وجدت اننى احتاج لأكثر من يومين حتى أقف دقيقتين أمام كل محل لأتصفح سريعا ماذا يبيع، كما أننى ذهلت من التكنولوجيا التى تقود المكان، فلم أكن أتخيل يوما أنه فى مصر يمكن أن يكون شئ كهذا. انصح الجميع بزيارة كارفور وبالأخص فرع المعادى، فهو متميز بهدوء المكان الموجود فيه واتساعه.
التسوق فى كارفور من اكتر الاشياء الممتعه اللى بعملهااا ...غير انه خروجه حلوة وممتعه وذالك لعدة مميزات اولااا المكان الواسع والهادئ وانضباط الناس فيه ونظافته الجيدة وتنظيم المحلات والاقسام الداخلية بيه ثانياا وجوود جميع المستلزمات الضرورية الازمة للمنزل العصرى من متجات حيوانية وزراعية ومعلبات واستخدامات شخصية والملابس والاحذية لجميع الاعماار ووجود جميع الاجهزة الكهربية لجميع الماركات بجميع الاسعاار المناسبة رقى معاملة القائمين على كارفور من الامن والخدمات فى تلبية جميع احتجاتك وبيعجبنى قوى كماان وجود صندوق الاقتراحات انى اكتب ملاحظاتى او شكوتى او لو حبيت وجود احد المنتجات وبصراحة استخدمتهااا كذا مرة لتلبية وجود منتج من منتجات تصفيف الشعر وفعلاا فى وقت قصير وجدت المنتج واهم شئ فى كارفور اولاا العروض الجامده اللى بتعملهاا دورياا على مدار السنه على اختلاف المواسم كعروض رمضان والاعياد وبداية المدارس وغيرها من المناسبات والدعاية الى بتعملها من طبع للمنشوراتت وتوزعهااا فى جميع انحاء القاهرة وثانياا التغيرات اللتى تعملها فى ديكورات العروض بيعطى انطباع متجدد للمكان وده بيلفت نظرى ومبحسش بالملل من ذهابى الدائم ليه التسوق والخروج فى كارفور حتى لو مشترتشى حاجه خالص ده فى حد ذاته متعه لاتوصف واستجماام والحصول على معلومات على اهم عروض الاسواق بصراحه انصح كل الناس الى الذهاب الى كارفور والتعرف عليه عن قرب....وبشكر مجموعة ماجد الفطيم على ابتكار مجموعة كارفور فى كل انحاء الدول العربية وغيرههاا
Carrefour is definitely a one-stop shop for groceries, electronics and odds and ends. They also offer the largest selection of fruits and veggies I have found in Cairo. But I will warn you, this store gets very busy and shoppers get very pushy! I personally dislike large crowds, so find it best to shop as soon as the store opens on Friday mornings (either 9am or 10am). Plus, there is always ramp parking available. I have purchased several electronics and an outdoor table umbrella and found the quality just okay. Carrefour also offers its own brand of food and cleaning items at a good price. There are special sale items in a large area in the center back of the store.
كارفور من الاماكن المميزة جدا فى كل شىء ومن الاماكن المفضلة ليا فى الخروجات انا وصحابى، بالذات لو مش محددنين مكان نخرج فيه لان فيه كل حاجة عاوز تاكل هتلاقى اكتر من مطعم وكل مطعم مختلف عن التانى سواء فى الاكل او الاصناف، عاوز تشرب تلاقى تشرب وتلاقى اكتر من حاجة تتشرب، غير لو احنا عدد كبير ممكن نلاقى مكان يلمنا ولو انت فودافون او اتصالات تلاقى خدمة عملاء، عاوز تلعب للأسف لعب للاطفال بس مفيش للكبار غير فيديو جيم وانا مابحبوش ياريت يبقى فى بلى ستيشن. لو أنت عاوز تتفرج على هدوم وتشوف الجديد سواء مثلا أديداس او تمبرلاند عشان انا بحبهم تتفرج، لو انت باختصار عاوز تتسوق وتخرج فى نفس الوقت يبقى كارفور فى قسم التسوق مفيش حاجة تعوزها متلقيهاش، كل حاجة موجودة وياسلام بقىء انك تلاقى مكان تركن فيه ده بقىء من احسن الحاجات اه يطلع عينك عشان تركن فى وقت الزحمة، بس فى الاخر بتلف فى مكان واحد مش تلف فى الشوارع والحوارى. من العيوب ان لو المكان زحمة ممكن تاخد وقت عقبال متلاقى مكان تقعد فيه عند المطاعم
كارفور من الاماكن المتميزة جدا انا بجد من اشد المعجبين بالمكان ده، المكان حلو جدا وبجد تقدر تروح فيه انت وعائلتك وتستمتع وتتفسح وتعمل احلى شوبنج كل ده فى مكان واحد. كارفور بجد مكان تحفة وبيقدم عروض على كل المنتجات لا مثيل لها وبدون منافس له فى العروض اللى بينزلها ديه، منتجاته حلوة اوى وبيقدم عروض على حاجات ماركات وبتبقى غالية جدا فى اى مكان بره، هو بيقدم عرض على منتجين او اكثر مع بعض وبسعر خيالى جدا مش حتلاقيه فى اى مكان وبيناسب جميع الفئات الغنى و المتوسط وكل الاعمار. و غير انك حتلاقى كل احتياجات المنزل العصرى داخل الهايبر نفسه حتخرج حتلاقى محلات فى السنتر نفسه فيها كل االى نفسك فيه وبتراعى كل الاذواق، حتى لو مش ناوى تشترى حاجة خالص برضه حتستمتع بالفسحة فيه جدا وحتغير جو انت وعائلتك او انت واصحابك بأقل التكاليف الممكنة، حتى المواصلات ليه بقت متوفرة وسهل جدا الوصول هناك.
بجد مكان جامد جدا لما تحب تشترى احتياجات البيت. هتلاقى فيه كل حاجة من الابرة الى الصاروخ, هتلاقى فيه كل الاكل بانواعه وهتلاقى كمان فى كارفور مكان مخصص للاجهزة الكهربائية والكمبيوتر ومكان اخر للادوات المنزلية دة غير ركن المجلات والسى دى وشرائط الكاسيت وكمان هتلاقى فيه جزء مخصص للملابس والاحذية سواء كانت حريمى او رجالى وللعب الاطفال والوسائل التعليمية الخاصة بالاطفال, يعنى من الاخر هتلاقى فيه كل حاجة. ده غير ان كارفور من آن الى اخر بيعمل اوفر رائعة على كل حاجة سواء كانت ماكولات, اجهزة كهربائية, تليفونات محمولة او كمبيوترات ولاب توبس. يعنى ممكن مرة تروح تلاقى مثلا حاجة معينة نازل عليها تخفيض 50%. فى كارفور مش هتلاقى مشكله فى الركنه لان معادى سيتى سنتر اللى بداخلة كارفور ليها باركينك كبيير مكون من دورين. اكتر حاجة هناك بديقنى هيه الزحمة لان الناس كلها بتحب تشترى حاجتها من كارفور عشان كده بنصحكو انكم لو عايزين تشترو طلبات للبيت روحو فى اى يوم ماعدا يوم الخميس والجمعة بعد الظهر.
يعتبر كارفور من اكبر سلاسل الهايبر ماركت الموجودة فى مصر تجد فى كارفور كل ما تتخيله من الابرة الى الصاروخ تجد الملابس و لعب الاطفال و تجد جميع المنتجات العالمية. لديه العديد من الفروع فى مصر المعادى سيتى سنتر, المعادى كارفور اكسبريس و الاسكندرية سيتى سنتر. تجد افضل الاسعار وافضل المنتجات فى كارفور. بالاضافة الى العروض التى تجدها يوم الجمعة و السبت. يوجد العديد من الاقسام فتجد مثلا قسم البضائع الاستهلاكية بما يحتويه من مشروبات و منظفات و عطور واطعمة جافة و اطعمة طازجة و منتجات الالبان و اللحوم الطازجة و المخبوزات و الفواكه و الخضروات و قسم الملابس و المفروشات و الجرائد اليومية و الاجهزة المنزلية الكهربائية و الساعات و الهدايا و لعب الاطفال اما القسم المفضل بالنسة لى هو قسم الشيكولاتة اى نعم بخرج بخسائر كبيرة منه بس جميع انواع الشيكولاتة و الحلويات تجدها فى قسم الشيكولاتة. انا بصراحة لا اتخيل مصر من غير كارفور. معلومة بسيطة كارفور تابع لمجموعة الفطيم و كارفور فرنسا.
أجمل حاجة لما تتلاقى مع الناس من كل الأجناس والأشكال والألوان والطبقات، هو ده بالضبط اللى هتلاقيه فى كارفور، الأسواق دائما يتمتع الإنسان فيها بمتعتين متعة التسوق، يشترى الحاجة اللى نفسه فيها ومتعة رؤية الناس. بالإضافة إلى ميزتى التسوق والتمتع بجو الخروج من دائرة المنزل، إلا أنه حطم أسعار تقريبا كل السوبر ماركتس مش هزار. روح زور كارفور كأنك بتتفسح وشوف الأسعار، يكفيك يوم فى الشهر تروح لتخزين إحتياجات المنزل، هتفرق كتير جدا لما يوفرلك فى المنتج وليس شراء الجملة، بمعنى اخر أقصد لما تشترى وحدة منتج واحدة وليس علبة من المنتج هتوفر تقريبا من خمسين إلى خمسة وعشرين قرش شوف باقى المنتجات. وأيضا ليس فقط على منتجات المنزل - شوف أى حاجة - لعب أطفال - ترفيه - أكل - لبس. عدد الزوار ما شاء الله فى اليوم كتير جدا. كان زمان سكان المعادى اللى هما أقرب من أى سكان منطقة أخرى لكارفور - ماكانوش بيروحو رغم إن الطريق كان سهل و يتراح بالسيارة - لأن كان كارفور هو الوحيد إللى فى المنطقة - كانت الدنيا مش عمرانة. دلوقتى كارفور حوله نادى الصيد - مدخل لزهراء المعادى - مودرن أكاديمى - الشركة البافاريا...كارفور هو وسط البلد بالنسبة للطريق الدائرى. أيضا منطقة الأكل اللى غنية بالمطاعم المشهورة - محلات اللبس - نظارات بركة - لابوار - سيلنترو - ...كل ده وأكثر داخل كارفور. بالإضافة إلى عروض يومية للشركات - وصدقونى عروض قوية جدا لكل واحد بيدور على أى شئ.
مش عارف من غير الهايبرات الكبيرة اللى زى كارفور كنا هنعمل ايه مكان كبير جدا فيه من الابرة للصاروخ زى ما بيقولوا احسن حاجة انك تدخل مكان واحد تلاقى فيه كل احتياجاتك تشتريها من مكان واحد وتريح دماغك وهو ده بالظبط اللى بيعمله كارفور بيوفر منتجات وسلع استهلاكية سريعة الدوران ومعمرة كتيرة جدا سواء اكل او اجهزة كهربائية او موبايلات او لعب اطفال او الى اخره ده غير بقى الميزة الكبرى اللى بيقدمها وهى العروض المستمرة على السلع الموجودة بداخله سواء اللى بيعملها وبينشرها فى مجلات خاصة بيه او فى الجرائد اليومية ودى بتبقى عروض لفترات طويلة نسبيا او العروض الوقتية اللى بيعملها وبيعلن عنها فى اذاعته الداخلية ودى غالبا بتبقى لمدة ساعة او حتى نفاذ الكمية لو كانت قليلة لو رحت انت واسرتك هناك كل واحد فيكوا هيلاقى اللى هو عايزه وكمان بيوفر باركينج للعربيات متعدد الطوابق ويمكن العيب الوحيد هو الزحام الشديد خصوصا ايام الجمعة اول الشهر
سلسله محترمه جداا مغطيه تقريبا دلوقتى كل القاهره الكبرى و الاسكندريه بعروضها اللى محصلتش و بضاعتها اللى فيها كل حاجه انت بدور عليها او محتاجها بتلاقيها فى مكان واحد بدل متعقد تدور و تدوخ من نص البلد لمصر الجديده للعتبه فممكن تلاقى اجهزة منزليه و اثاث مصايف و كل احتياجات البيت من اكل و شرب كمان بيعجبنى اوى هناك المخبوزات تحفه و بيعمل تورتات برخص التراب و عروض جمبرى و كابوريا هايله . انا كنت هناك الاسبوع اللى فات و قضيت اليوم كله هناك لانه كمان فى محلات اكل حوليه من كل السلاسل المشهورة و كان العرض حولين المصايف فاشرتيت ثلاجه بحر و معاها كلمن هديه كان نفسى فيه من زمان وكمان بيبع حتى الملابس و القطنيات بجوده عاليه و اسعار حلوة جداا
انا حتكلم عن كارفور العبور لان انا ساكن قريب منه و كل حاجه باشتريها من هناك هو طبعا اكبر مكان للتسوق موجود في العبور و كل حاجه موجوده فيه بدون استثناء و هو مكان كمان جميل للخروج مع العائله لانه فيه كافيهات و مطاعم كتير لكن بالنسبه للمكان نفسه فهو مكان جميل لشراء جميع مستلزمات البيت من ماكولات و مشروبات و احتياجات و هو فعلا انسب وقت للخروج فيه كل ايام الاسبوع ماعدا الخميس و الجمعه لانه بيكون زحمه جدا و افضل حاجه موجوده عنده هي الادوات المنزليه و الكهربائيه بيعمل عليها عروض جامده جدا زي التليفيزيونات الال سي دي و الثلاجات بس مانصحش حد يجيب منه اكل جاهز لان انا جربته مره و ماكانش حلو خالص
من وجهة نظري ان كارفور من اقوى الهايبر ماركت اللي موجود مش في مصر بس ولكن في الشرق الاوسط كله .. ده لأن ليه فروع في دول عربية غير مصر زي الامارات والسعودية مثلا .. وانا بصراحة بستمتع بالتسوق فيه جدا لأني بلاقي كل اللي بحتاجه للبيت ولنفسي ولأسرتي كمان . ده غير انه في حاجات بجد صعب اني الاقيها بره وده كله باسعار مناسبة جدا وعروض قوية مبلاقيهاش في اي حتة تانية. وبيعجبني جدا العروض اللي على الاجهزة الكهربائية والاكترونيات .. بس مبيعجبنيش فيه اللبس والاحذية والزحمة اللي ساعات بلاقيها مبالغة شوية بس ده اكيييد عشان العروض الجامدة قووووي.
هايبر ماركت كويس بس بيكون زحمة عند الدفع و لما تحب تسأل علي حاجة في المعروضات مش لازم تروح لحد الاستعلامات علشان تلاقي حد تسألوه
IS THIS YOUR BUSINESS?
By claiming this business you can update your company information on this site.