Alaa El Din Restaurants

محمود ناجى نصرالدين محمد

بجد وبصراحة محل كبابجى ومشويات علاء الدين ده من اجمل واحسن محلات ومشويات فى القاهرة . بجد بيعمل المشويات لا تعلا عليها انا سعات كتير بجيب من عنده. انا اكتر اكل بحب اكله من عنده هو الكفته والفراخ المشوية . وكمان بيعمل اصناف كتير ومتنوعة من المشويات. اما بقى لما نيجى نتكلم عن الاسعار فهو رخيص جدا بالنسبة لباقى المحلات اللى بتعمل فى نفس المجال. ولما نيجى نتكلم بقى عن النظافة فالمحل نظيف جدا وطبعا ديه اهم حاجة فى اى مكان بيقدم ماكولات ومشروبات . وكمان الخدمة متميزة جدا جدا . انا بجد بنصح اى حد بيحب المشويات وما كنش اكل من عند محل كبابجى ومشويات علاء الدين انه لازم يروح و يجرب ياكل من عنده وبجد مش هيندم .

Motaz Bellah Hesham

علاء الدين من المحلات الكويسة اوى اللى تقدم مشويات على الفحم وباربي كيو، رائع رائع بمعنى الكلمة، المطعم من جوة مش زي مستوى الاكل صراحة لانه ضيق شوية والاكل الى حد ما بيتأخر، للاسف مفيش غير فرع واحد بس هو فرع مصر الجديدة فبالتالى بيبقى زحمة الى حد ما، بالنسبة للمكان نفسه اللى بيوجد فيه المطعم فهو مكان كويس وشيك وبرة الحمد لله بلاقي ركنة للعربية، المكان نظيف جدا وستايل المطعم لذيذ اوى، وانا شايف ان علاء الدين من افضل محلات الكباب والكفتة والمشويات بشكل عام في مصر وبنصح كل الناس انها تجربه.