European Outlet

Mohamed Osman

المنفذ بينقسم الى قسمين، قسم للرجالى والاطفالى وده فى المحل الرئيسى وفيه فى الضهر قسم تانى للرجال بس الاوتلت والتخفيضات، المحل فيه بدل وبناطيل جنس وجبردين وقمصان وجواكت وكرافاتات، نسيت اقول لكم ملابس الاطفال هناك تحفة وكمان هما عاملين جنب المحل ملاهى صغيرة عشان تخلى ولادك يستمتعوا وانت بتشترى حاجتك، دا غير ان فى القسم بتاع الاطفال فى الدور التانى عاملناهم كورنر يلعبوا ويرسموا ويلونوا مجانا، اسعار البدل بتبدا من 250 ولحد مانت عايز، قسم الاوتلت اللى فى الضهر بيكون فيه حاجات عليها خصم جامد جدا، والقسم الرئيسى للرجال مليان حاجات شيك اوى وماركات متنوعة ترضى كل الاذواق، رحت هناك انا واخوات مراتى وجبنا حاجات كتير قوى، المحل فيه حاجات حلوة تخليك تضطر تشتريها على طول، المحل موديلاته متنوعة مابين الكاجوال والكلاسيك، بس فيه عيبين فى المحل،انه بعيد بالنسبة لسكان القاهرة، وانه مافيهوش قسم للسيدات لان لو فيه قسم للسيدات ممكن ماتحتاجش تروح بره، نسيت اقول لكم ان المنفذ فيه جزء بيبيع احذية رجالى متنوعة فى الاشكال والاسعار بتبدا من 125 ولحد300 جنيه.