Labranda Club Makadi

Mark Kamel

المكان فعلآ ممتاز بكل المقاييس سوف تنبهر مما تراه، تشعر وكأنك فى دول اوروبا على مستوى الخدمه الجميل والاقامه المتميزه التى تجعلك فى قمه السعاده والانبساط وكمان منتجع كلوب ازور من المنتجعات اللى بتهتم بفخامه الاكل على اعلى مستوى ممكن، فهناك شيفات يقومون بطهى مجموعه متميزه فريده من نوعها من الاكلات وخاصه المأكولات البحريه التى تعتبر من الاكلات الرئيسيه هناك، مناظر طبيعيه تفوق الخيال روعه بجد تجعلك تنبهر من جمالها منتجع كلوب ازور مجهز ومتكامل جدآ بجميع وسائل الرفاهيه، الشعب المرجانيه هناك تحفه مالهاش حل والموقع نفسه جميل والتصميم مالهوش حل هذا المنتجع يستحق التجربه.

Manar El Kady

احلى ايام قضيتها في حياتي كانت هناك, انا روحت قضيت هناك كام يوم انا وجوزي وبجد استمتعنا جدا جدا جدا بالايام دي لان المكان بجد اكتر من رائع , فعلا هايل. اولا الفندق فخم جدا وشيك ونظيف وهادي اوي, ده غير الغرف بتاعته اللى كلها بتبص على البسين وعلى البحر. وكمان فيه اكتر من مطعم لتناول وجبات الفطار والغداء والعشاء، هتلاقي مطعم ايطالي خاص بالبيتزا والمعجنات ومطعم اسماك فقط وده عاملينه على شكل مركب في وسط البحر وبيقدم احلى اصناف السي فوود, وفيه مطعمين كمان بيقدموا اصناف مختلفة من الاكل, واحد فيهم على البحر مباشرة وده اكتر مطعم انا حبيته لان قعدته لطيفة جدا. بعد تناول الفطار تقدر انك تبتدي يومك بقضاء الوقت امام البحر ونزول البحر الرائع والاستمتاع بالميه الصافية والشمس الجميلة او تنزل البسين، وعلى البحر بتلاقي اكتر من حاجة ممكن تعملها فممكن انك تركب البانانا بووت او المراكب الشراعية او تركب البدّال , كمان تقدر تعمل رحلة غوص ودي بصراحة اكتر حاجة استمتعت بيها لانك بتشوف عالم البحر ومملكة الكائنات البحرية من اسماك ملونة وشعاب مرجانية بالوانها الخلابة, بعد كده ممكن انك تاخد وجبة سناك لحد معاد وجبة الغداء. وعلى الغداء بتكون في تشكيلة كبيرة من المأكولات والمشويات والسلاطات تقدر انك تختار اللي يناسبك. بالليل بتكون فيه قعدة لطيفة على البسين وبيشغلوا اغاني هادية وجميلة، وممكن انك تروح المسرح لانهم بيكونوا عاملين عروض وفقرات غنائية واستعراضية ممتازة. وكمان ممكن تاخد وجبة العشاء في اي مطعم انت تختاره, طبعا من حقك تاخد المشروبات اللي انت عايزها في اي وقت وباي كمية لان النظام هناك all inclusive. بصراحة انا استمتعت بكل وقتي هناك لان المكان بجد ممتاز.