سيراميكا كليوباترا جروب

محمد خميس

مجموعة معارض سيراميكا كليوباترا متكاملة الاداء موزعة على نطاق واسع جدا فى مصر بها ارقى السيراميك المصرى الذى يفتخر به المصريون اروع وأجمل تشكيلة من السيراميك الممتاز من اطقم حمامات وسيراميك ارضيات وحوائط وبأسعار منافسة جدا وبإستمرار هناك عروض مميزة على الاسعار وعنى شخصيا كان هناك عرض لفرش البيت بالكامل من سيراميكا كليوباترا فقمت بتغيير الارضيات بالكامل والمطبخ والحمام بالوان واشكال مبتكرة جدا لم اكن اتخيل انه يوجد مثل هذه الاشكال فى السيراميك الوان مريحة للعين وموديلات فرعونية يفخر بها المصرى امام العالم كله

Mohamed Esmail

سيراميكا كليوباترا رمز الاناقة والحداثة والجمال تصميماتها فوق الخيال من وجهة نظري انا شايف ان سيراميكا كليوباترا هي افضل شركة سيراميك في مصر والوطن العربي لمما تتميز بيها من تصميمات تواكب جميع العصور انا واحد من الناس اللي بجهز شقتي دلوقتي بسيراميكا كليوباترا اينعم هي مكلفة بعض الشئ بس دائما وابدا الغالي تمنه فيه وحاجة تعيش معاك العمر كله اوقات بينزل عليها تخفيضات لكن للاسف بسبب ظروف شغلي مش بلحقها بس ايا كانت تمنها كتير او قليل فيكفي ان بيتي بجهزه بسيراميكا كليوباترا بس اتمني انهم يخفضوا الاسعار شوية علشان فيه ناس كتيرة معندهاش المقدرة انها تشتري من سيراميكا كليوباترا

Ehab Wassily

من فترة صغيرة كنت غيرت لون بياض غرفة نومي وكان تحت اشرافى مع الصنايعية واليومين دول طلب مني والدي وبسبب وجود مشاكل في الصرف في الحمام ووجود تسريب على سقف الشقة اللي تحت شقتنا إن إحنا نغير السيراميك للأرضية وبالمرة نغير الحوائط لكل من الحمام والمطبخ يعنى عمرة صحي. نزلت ودخلت محل توكيل سيراميك كليوباترا وهناك وجدت تشكيلة رائعة من أطقم الحمام وسيراميك الأرضيات والحوائط والأهم طريقة العرض اللي بتخليك تقدر تتخيل تناسق الطقم مع الأرضية مع الحوائط من خلال وجود ماكيتات مختلفة وتشكيلة كبيرة غير طبعا اختلاف الأسعار. المهم بمساعدة مندوب المبيعات وخبرتة اختارنا طقم كامل بمستلزماتة للحمام والمطبخ واخذنا شوية بلاطات بورسلين لزوم عمل فاصل كديكور.

Mohamed Rezq

حمام او مطبخ او اي جزء من ارضيات الشقه او حيطانها مفيش غير اسم واحد بتفكر فيه عشان تشتريه وتحطه في بيتك وهو سيراميكا كليوباتر لانه تولد ثقه بين هذا الاسم والجمهور المصري عامه بل والعربي وبعض دول اوروبا وده طبعا فخر لكل مصري انه يكون لدينا منتج بهذه الروعه ومعرض كليوباترا في شارع البطل احمد عبد العزيز خير شاهد على رقي هذا الصرح الكبير بشكله الجميل والفخم واطلالته الرائعه على شارع من اهم شوارع القاهره الكبري، بس المشكله انك لازم تتقل جيبك وانت رايح تنقى وتختار اي حاجه من هناك لان الاسعار تعتبر اغلى اسعار في مصر بس طبعا الغالي تمنه فيه واتمنى انهم يثبتوا الاسعار فتره كده عشان الشباب اللي طالع جديد وشكرا.

Mark Kamel

سيراميكا كيلوباترا من السيراميك اللى انا بثق فيه لدرجه جامده السيراميك جميل بشكل لايصدق من حيث الشكل والخامه والنقوش والتواجد فسيراميك كليوباترا استطاع ان يجذب اليه الكثير من العملاء مما احبوا هذا النوع الخاص من السيراميك ولقد ابهر الجميع بمجموعه النقوش والالوان التى فعلآ تستحق الثقه فهناك فى معارض سيراميك كليوباترا ستجد العديد والعديد من الاذواق والالوان والنقوش الفريده من نوعها صممت بطريقه خاصه بطريقه مبدعه لتلبى كل انواع المستهلكين وكمان المعارض جميله لسيراميكا كليواباترا والخدمه جميله والاسعار كويسه مش غاليه مما يجعل سيراميك كيلوباترا اجود انواع السيراميك.

Abdelrahman Gamel

فخر الصناعة المصرية بدون منازع اجود انواع السيراميك والبورسلين واضخم وافضل مصنع للسيراميك فى الشرق الاوسط وكفاية انه من الصناعات القليلة اللى بتصدر للخارج ومنتجاتها مطلوبة جدا بره انا لما جيت اعمل شقتى مارضيتش اجيب اى نوع تانى غير كليوباترا وعلى فكره فرق السعر بينه وبين الانواع التانية مش كبير قوى بالدرجة اللى الناس بتصورها فى مقابل جودة المنتج اللى بتحصل عليه وبصراحة انت بتركب السيراميك وبتنساه بعد كده وكمان اطقم الحمامات عندهم حلوة قوى وهما عندهم اكبر تشكيلة من الموديلات وعندهم تصميمات كتيرة جدا وكلها حلوة قوى وجودتها عالية جدا بصراحة انا شفت المصنع بتاعهم فى العاشر وانبهرت بالصرح والكيان العملاق ده على فكرة مشغلين ناس كتير جدا وبيعملوا لهم تدريبات فنية كتيرة علشان مستواهم يبقى كويس ويحافظوا على جودة منتجاتهم .