مطعم ابو رامى

Mark Kamel

ابو رامى من الساندوتشات اللى فعلا جميله بشكل تحفه، بس اللى عايز اقوله ان كمان النجاح بيخلى فيه ثقه متبادله من العملاء، بمعنى ان لما يكون حد بيبيع ساندوتشات على الضيق او على عربيه صغيره وبعدين يفتح محل ويبقى ليه شهره بالمقدار ده فعلآ انجاز كبير يستحق الثقه والتقدير، الساندوتشات هناك مشطشطه ومولعه وليها طعم متميز يخليك زى ما بيقولوا تاكل صوابعك وراهم، لان المحل خبره ومن فتره كبيره وليه تعامل مع الزباين، ادى الى انه فهم اللى بيطلبه الزبون واللى بيرضيه علشان كده تلاقى زحمه كتير، لان اللى بيحبوا النوع ده من الساندوتشات كتار قوى، ياريت يعمل فروع تانى ويكبر من نفسه.

Manar El Kady

ساندوتشات ابو رامي حلوة فعلا وخصوصا اول ما بدأ لما كان عنده كشك صغير بيقدم فيه الساندوتشات قبل ما يفتح المطعم, صحيح لما فتح المطعم اصبح بيقدم اصناف اكتر بس برضو الساندوتشات اللي بيعملها بره في الكشك الصغير بتاعه ليها مذاق خاص سواء الساندوتشات الحادقة او الحلوة وكمان اطباق السلطة اللي بيقدمها جنب الساندوتشات جميلة وطعمها حلو جدا وبجد كل الاكل عنده حلو , انا عن نفسي بحب كل الساندوتشات الحادقة عنده خصوصا السجق والكبدة مالهومش حل وبحب كمان ساندوتش القشطة بالمربى بتاعه جامد جداااااا, واسعاره خيالية فعلا رخيصة اوي اوي, يعني بجد تاكل وتنبسط ومش هتدفع كتير

Ahmed ElGohary Elgohary

ابو رامي يعني ساندوتش السجق و الكبدة انا فعلا مأكلتش في اي مكان ساندوتشات سجق و كبدة زي الي عند ابو رامي بس انا مجربتش جوه المطعم انا علاطول باخد ساندوتشات من الكشك الي بره بس اكيد هجرب الاكل جوه واضح انك بتشكر فيه