النادى الاهلى

Mark Kamel

النادى الاهلى نادى القرن العظيم النادى اللى حقق اكبر البطولات على الصعيد المحلى والصعيد الافريقى اللى اخد المركز التالت عل العالم فى الانديه ودا شرف عظيم ليه ولكل اهلاوى ومصرى انى يكون فيه نادى زى النادى الاهلى كدا فى مصر لدرجه انه ليه مشجعين فى اغلب الدول مش بس مصر بس الحاجه الجميله فى النادى الاداره اللى بجد مظبطه كل حاجه يعنى ماديات وتعاقدات سنويه فى قمه الاختيار الصحيح انا شايف انى النادى الاهلى فى مصر هايفضل عظيم للنهايه الاعبين عندهم انتماء غير عادى للفريق وكمان الجمهور بيزلزل الاستاد فعلآ نادى عريق عظيم .

Mahmoud El Hemaly

النادى الاهلى فرع الجزيرة هو فى الاساس الفرع الاقدم للنادى الاهلى اى عرينه الذى نشأ فيه وفيه يحصل جميع اللاعبين على التدريبات اللازمة للاستعداد لمباريات الدورى وغيرها من المباريات تقام عليه عادة المباريات الودية التى تجمع فريق النادى الاهلى وغيره من الفرق المنافسة.

محمود ناجى نصرالدين محمد

النادى الاهلى ده من اعظم وافضل واعرق النوادى فى مصر وافريقيا والشرق الاوسط. بصراحة هو نادى القرن كما اطلقوا عليه غير طبعا كورة القدم هو بيقدم الكثير من الرياضات والالعاب الاخرى. انا لى اصدقاء كتير اعضاء فى النادى الاهلى وكنت بروح معاهم النادى بصراحة النادى جامد جدا ما فيش زيه. وكمان هو مش متميز فى كرة القدم بس ده كمان بيحصل على بطولات كثيرة فى الطايرة واليد والاسكواش والجمباز وفى كل الرياضات وعلى مستوى العالم. النادى الاول فى مصر هو النادى الاهلى ومن الاكيد ان مافيش حد فى مصر ما يعرفش النادى الاهلى. وكمان مشجعين الاهلى ماليين مصر كلها.

Mohamed Rezq

الاهلي فوق الجميع .. شعار دائما ما يردده عشاق الفانله الحمراء وهو بحق شعار له قيمة عند كل الاهلاويه بحيث تكون مصلحة النادي فوق كل اعتبار رياضي اخر وده طبعا اللي بيخلي الاهلى طول عمره فريق بطولات ولا يمكن ان يفوت عام بدون بطولات عليه في كل الالعاب الفرديه والجماعيه وده سبب فخرنا بيه كنادي بنشجعه. بالنسبه للمكان الموجود فيه النادي هو طبعا مكان جميل ورائع في الزمالك الجميله دي واطلالة على النيل ومجاورته للبرج و دار الاوبرا المصريه بالرغم من ان النادي كان زمان واسع وكبير ومساحه رائعه الا انه حاليا ومع زيادة عدد الاعضاء بشكل كبير افتتح فرع تاني في مدينة نصر وجاري العمل على فرع ثالث في مدينه 6 اكتوبر ويارب الاستاد يكون قريب برضه.

Mohamed Ragab

النادى الاهلى اكبر نادى فى مصر وافريقيا ويكفينا ان نادينا الكبير مشرفنا دايما فى البطولات القاريه والعالميه. الاهلى مالهوش منافس فى مصر وانا مستغرب جدا من الناس اللى بيقولوا مباراه الاهلى والزمالك مباراه قمه هيا بالنسبه للزمالكاويه مباراه قمه طبعا بس احنا كاهلاويه بنعتبرها مباراه عاديه جداا زيها زى انبى والجيش والجونه واخيرا الاتحاد.

Mohamed Abdel Rashid

يعتبر اول نادى للمصريين و هو اكبر اندية الشرق الاوسط وافريقيا، حصل على العديد من البطولات تبلغ حوالى 108 بطولة، ما بين الدورى المصرى والكأس المصرى و كأس السوبر المصرى، والبطولات العربية ابطال الدورى و ابطال الكاس وكأس النخبة العربية، و البطولات الافريقية ابطال الدورى والكأس والسوبر الافريقى، و بطولة الكاس الافرواسيوية. و من اهم الانجازات المهمة الحصول على كأس العالم للاندية فى اليابان عام 2007. الرئيس الحالى هو حسن حمدى و اكثرهم شهرة الكابتن صالح سليم ومختار التتش. يوجد العديد من الالعاب مثل كرة القدم واليد والطائرة والسلة وكرة الماء. و الالعاب الفردية مثل تنس الطاولة والكاراتيه والاسكواش والعاب القوى والتنس والجمباز والسباحة. و يصدر عن النادى الاهلى مجلة خاصة به و قناة رياضية. و اشهر لاعبى الكرة فى الاهلى صالح سليم والجوهرى والخطيب، والنجوم الحاليين ابو تريكة وبركات ومن اشهر المدربين مانويل جوزيه. و انا اهلاوى على طول، الاهلى طول عمره فوق دائما وفى اى مكان دائما فريق كبير فريق عظيم، النادى الاهلى مفيش زيه.

Mostafa Abd ElRahman

النادى الاهلى غنى عن التعريف والخدمة ممتازة للاعضاء، واتشرف ان اكون عضوا فية. يوجد فى النادى الاهلى احسن المطاعم مثل بون ابيتى و لابوار و تيروستى. حاجة فخمة وخصوصا كافتيريا حمام السباحة تحفة.

Abdelrahman Gamel

طبعا مش محتاج اكلمكو على النادى الاهلى لانى اهلاوى بحب دايما اقول كل اللى فى نفسى عنو بصراحة نادى جامد جدا بكل اللى فيه والملاعب بصراحة قوية. الحقيقة انا لعبت بس فى ملعب كان مفتوح جديد لكرة القدم .. النجيلة بتعتو صناعية بس جامدة اوى ممتازة هوا ملعب خماسى وهوا بجانب الملعب الكبير بس بصراحة ملعب جامد جدا الحقيقة. والكافيتريات هنا جميلة اوى. احلى حاجة كمان ان انت لما بتروح هناك بتلاقى فية كل لعيبة النادى الاهلى. بصراحة هوا نادى جامد بس مش علشان انا اهلاوى لا بجد اصلو كمان فى مكان جامد جدا طبعا غنى عن التعريف. بحب اروح هناك كتير الصراحة طبعا هوا اكبر نادى رياضى فى مصر نظرا للبطولات والانجازات اللى محققاها ابناء هذا النادى والاسم العريق وطبعا لانو من اقدم النوادى الموجودة فى مصر.