مطعم وكافيه برومانا اللبنانى

Mark Kamel

ياجماعه الاكل اللبنانى مالهوش حل وخاصه لمل تاكله من احد المطاعم الجميله المتخصصه فى الاكل دا وياسلام على مطعم برومانا يعنى المذاق المختلف الشيق هاتلقى اللى نفسك فيه مش بس كده يعنى لو انت نفسك تجرب الاكل اللبنانى الجميل كل اللى عليك تروح برومانا أنا جربته كانت تجربه شيقه وممتازه يعنى هاتلقى مكان نضيف وشيك جدآ وكمان خدمه فوق الممتازه بجد هايجعبك الجو جدآ هناك وكمان المطعم فى ركن مختلف عن الكافيه اللى بيتميز بالشياكه والمشروبات الجميله وخاصه المشروبات السخنه هاتلقى مجموعه مميزه جدآ الاسعار بس هيا اللى عليها المشكله الاسعار عاليه حبتين محتاجه اعاده تقدير.

Marium Mohamed

مطعم حلو بيقدم الاكل اللبنانى. المطعم اول لما تدخله هيعجبك الديكور بتاعه لأنه شيك وجميل. و اما المطعم يقدم الأكل اللبنانى الديكور كمان هتحس فيه انه شرقى اكتر من اى حاجة تانية. المكان نفسه مقسم ل3 اجزاء مطعم وكافيه وتراس وانت اللى بتحدد انت عايز القعدة بتاعتك شكلها ايه. المكان نضيف جدا وممتع وكمان اكلهم كان حلو اوى خاصة الفتوش والشاورمة بس هتحس ان المكان كافيه اكتر منه مطعم كمان القعدة فى الكافيه كانت احسن حاجة احسن من التراس والمطعم. الناس اللى شغاله هناك لطيفة اوى وكمان لو مش عارف حاجة بيسعدوك والخدمة بتاعتهم سريعة جدا والناس بروفيشنل جدا لو رحت هتنبسط.

Kooooka Mohamed

المكان ده المنيو بتاعته حلوه اوى يعنى فعلا تخليك تحتار تاخد ايه ولا ايه يعنى انا مثلا لسه فى حوالى 5 حاجات عايزه اجربها مع انى بروح علطول تقريبا كل اسبوع يوم الجمعه لاننا بنبقى فى اكتوبر وانا لازم اروح المكان ده انا وقرايبى وفعلا بنحبو اوى

Motaz Bellah Hesham

مطعم برومانا مطعم شيك جدا ومبني على الطريقة الشرقية او اللبنانية بمعنى اصح ،، والاكل اللبناني جوه تقريبا مفيش مطعم في مصر بيعمله زي برومانا واكتر حاجة بحب اكولها هناك هي الطرطور والفتوش ،، ستايل المكان شيك جدا وعلى الطريقة اللبنانية ،، مستوى النظافة والخدمة عالى جدا ،، الستاف اللى هناك محترم جدا والاوردر مش بيتاخر اكتر من ربع ساعة تقريبا ،، المكان اللى فيه المطعم هادي جدا والهوا هناك تحفة وعلى طول بلاقي ركنة للعربية ،، ده غير ان الطعم متقسم 3 اقسام وهي كافيه ومطعم و تراس وده بيتحلك تختار بحرية زي م تحب ،، وانا بعتبر برومانا هو الافضل في مجال الاكلات اللبنانية في مصر