اضف شركتك مجانا

مزدحم جداً
مزدحم
معقول
رائع
الطريق
329 ش بورسعيد, السيدة زينب, القاهرة امام قهوة ليالى الحلمية 4.5
اكتشف الأعمال المشابهة بالقرب منك!
تعرف على شركات أخرى مشابهة!

تعليقات الزائرين

التقييمات العامة

4.5 based on 8 reviews

التقييمات والتعليقات
  • muhammed ahmed 0.0

    11th December 2011

    ياسلام على بحة بتاع النصرية اللي بيقدم احلى لحمة راس واحلى فواكة لحوم في مصر بجد المكان ده مش طبيعي وطعم الاكل فيه تحفة حتى امي مكنتش بحب الحاجات دي حتى لما بتتحضر في البيت بس لما روحت هناك وجربته حبيت طعم السجق والكبدة والساندويتش المشكل الروعة ويكفي ان الفنانين والناس المشاهير بيجوله من كل مكان في مصر وده ان دل على شيء انما يدل على الثقة وعلى الاحترام اللي في المطعم ده وبرغم انه في منطقة شعبية اللي هي منطقة السيدة زينب الا انه قمة في النضافة ومن اول ما تيجي بعربيتك الجارسون او احد العاملين هيقف معاك ويساعدك تلاقي ركنة بعد كده هيلاقيلك ترابيزة ويشوف طلباتك بمنتهى الذوق وانا عن نفسي بحب بحة جدا ودائم التردد عليه.

  • marium mohamed 5.0

    25th November 2011

    صحيح ان فيه اكل معين زى الكوارع والممبار والفشة والكرشة والحاجات ديه صعب الواحد ياكلها بره البيت علشان النظافة الا أن بحه مكان الواحد ممكن يروحوه وهوه متطمن علشان النظافة عندهم عالية جدا بجد. وكمان اكلهم حلو اوى وطعم وعمرك ما هتدوق زيه فى حياتك فى اى مصمت تانى او محل. بحه كمان موجود فى مكان جميل اوى وهوه السيدة زينب اللى الواحد بيحب يروحها علشان يتفسح ويحس بالالفة والشعبية بجد منطقة حلوة اوى. صحيح اكلهم حلو بس بيدهنن بسرعه اوى يعنى لازم تأكله فى ساعتها وكمان لحمة الراس تحفة بابا بيحبها جدا جدا هيه واللسان والناس هناك كويسه اوى وهتحس انك فى بيتك.

  • Mohammed Lasheen 0.0

    24th November 2011

    اول ما شفت ان بحة ليه صفحة في دليلي فضلت اضحك جدا جدا. الاسم فعلا غريب شوية لكن الاغرب والاطعم على السواء هو الاكل اللي بيقدمو بحة. قبل ما اروح بحة كنت شفت فيلم عادل امام في التجربة الدنماريكة لما قال نطلب اكل من عند بحة بتاع النصرية. من شهرين قلت لازم اجرب بحه ده انا وصحابي بالعربية عند بحة وكان عامل ترابيزات بره المحل لان المحل اصلا صغير لكنه مشكلة في اكله. طلبنا يومها كبده وشوربة بقى بيعملوا شوية شوربة ملهاش حل. في اليوم ده اكلت كوارع وممبار وانا اصلا عمري ما اكلتهم في بيتنا بس دا اثبت لي ان الطريقة اللي بيتعمل بيها الاكل هي اللي بتخليك تاكله او لا.

  • mohamed osman 4.0

    13th November 2011

    انتو كاتبين شارع بورسعيد بس اعتقد ان انتو قصدكوا بحة بتاع الناصرية اشهر محل بتاع لحمة راس وفواكه لحوم فى مصر كلها فواكه لحوم يعنى فشة وكلاوى ولسان وقلب ومش حوضح اكتر من كده المحل مشهور جدا جدا الخدمة مش حلوة والقعدة على قدها اوى بس هو ده جو المكان انا بقولك عشان ماتتصدمش بس الاكل بصراحة حلو لو انت ليك فى الحاجات دى نسيت اقولكم الشوربة حلوة اوى ودسمة اوى ولازم تبدأ بيها والممبار بتاعه جميل ويارب اكون افدتكم بس تروحوا لبحة بتاع الناصرية اوعوا تغلطوا او حد يضحك عليكم ويوديكم محل تانى.

  • mohamed mahmoud 0.0

    7th November 2011

    منافس قوى جدا للممنوفى والفقير واى محل شغال فى المجال ده وبصراحه هو مطعم حلو اوى واحلى حاجه فيه بساطته المحل بسيط جدا والناس الى شغالين فيه على قد حالهم ومحترمين اوى وعارفين شغلهم كويس جدا وبتلاقى منهم احلى وافضل اكل تاكله من الكوارع والمخ وياسلام لو بقى طلبت طبق حلويات هايبقى فى السليم والممبار الى هما مشهورين بيه اوى والشوربة بتاعتهم جبارة بس انا مش بقدر على الاكل ده علشان بيبقى دسم اوى بس مع ذلك طعم اوى وبيعيشك فى عالم تانى نفسى بس المكان يكبر او يبقى ليه فروع تانيه الخدمة فيه معقولة وعاوزها تبقى احسن زى اكلهم كده بالظبط.

  • eman sapry 0.0

    31st October 2011

    المكان ده يمكن اجمد مكان في مصر كلها بيقدم لحمة راس وسمين وكده اكلاتو جامدة جدا والتعليقات تثبت كلامي، رغم ذلك كمان اسوأ شيء ان في مطعم جمبو كدة مش عارف يشتغل من بحة فعلشان كده هيحاولوا يقولولك تعالي كل عندنا احنا وكده بطريقة تضايق جدا بس اوعي تتحرج وتقولهم ماشي اخلع منهم باي طريقة، المحل كبير جدا ومتقسم علي تلت محلات كل واحد ليه اختصاصاتو، الخدمة هناك مش حلوة اوي رغم شهرتو وطعامة الاكل هناك وكده، والجودة بتاعت النضافة مش اوي والديكور برضو كمان مش اوي لكن بصراحة الناس هناك عارفين هما بيعملو ايه في الاكل والاسعار مناسبة جدا.

  • Mostafa Abd ElRahman 5.0

    3rd July 2010

    اكلهم جامد طحن و فى البداية اول ماتقعد يقدمون الشوربة و معها السلطات الخضرا والطحينة. وتشرب الشوربة من هنا وتحس بطاقة غير عادية و تحس انك سخن حتى لو كانت درجة الحرارة تحت الصفر، شوربة ممتازة و ممكن تطلب شوربة زى مانت عاوز برحتك طبعا مع الليمون اوعى مؤلكش، و بعد كدة اطلب اللى انت عايزة. و من احلى الاكل اللى دائما بطلبه الكوكتيل و هو طبق مليان كوارع وقلوب وفشة وكرشة وقلب ومخ وممبار الذى يطلقون علية سجق، و اي طبق باى سعر انت عايزة ويشبع و لذيذ جدا. و العاملين عاديين جدا كانهم اصدقائك من زمااان و اولاد بلد والقعدة فى الشارع الجو كانك فى الحسين فى رمضان لان المحل جواه الطباخين. و الحمام عبارة عن صابونة و حوض اما بعد الاكل الموجود شاى وحاجة ساقعة. و انا واصدقائى دائمين التردد علية. وقد رايت مرة سمير غانم و معظم افراد فرقتة المسرحية و ظل يضحك مع العاملين فى تواضع و قد مضى على الكثير من الورق للمعجبين.

  • abdelrahman gamel 4.0

    29th June 2010

    ما اعتقدش ان فيه حد ما يعرفش بحة ده حتى بييجى اسمه ف الافلام انا باروح هناك كتير جدا لان عندى واحد صاحبى ساكن جنبه وكل ما اروح له ناكل هناك. بصوا الاكل بتاع المسمط عموما بيبقى حلو بس عند بحة ليه طعم تانى خصوصا الجو بتاع السيدة زينب بالليل بس هو عيبه ان الاكل بتاعه بيبقى الدهون فيه زايدة شويه ولو الدنيا برد بيبرد بسرعة قوى لكن غير كده الدنيا هناك زى الفل والخدمة هناك ميه ميه احسن حاجة عنده المشكل والفتة والكوارع جامدة لو رحت هناك اطلب التلات حاجات دول ومش هتدفع كتير وبعد ما تخلص لازم تقعد على قهوة ف الناصرية تشرب كوباية شاى تقيلة علشان تحبس غير كده مش هتعرف تنام بالليل لان الاكلة دى تقيلة قوى .

جميع الحقوق محفوظة © 2021 يلوبيدجز مصر المحدودة