مصر للطيران

Ahmed Saber

مكتب مصر للطيران ده مكتب مميز جدا ورائع جدا وفى قمه الروعه وفيه خدمات مميزه ومن خلاله بنقدر نحصل على تذاكر لجميع انحاء العالم وفيه خدمات كويسه جدا والناس فيه كلهم ذات اخلاق عاليه جدا وحاجه فوق الوصف بصراحه خدمه ممتازه وبالنسبه لحجز المجموعات فيه على اعلى مستوى وانا اعرف واحد شغال هناك بيخدمنى بصراحه خدمات كتيره جدا لما بطلب منه حاجه وده ان دل فأنه بيدل على وجه الشركه وجمالها فى اسلوب الناس اللى فيها انا شايف ان المكتب ده رائع جدا ومميزاته جميله اوى وكتير بيحتاج تذاكر ومن خلاله بنقدر نروح فى اى مكان

ولاء رشدى

مصر للطيران من كبرى الشركات فى العالم وهى شركة وطنية تمتلكها الحكومة المصرية الوطنية وبتستخدم مطار القاهرة الدولى. وبتعتبر من كبرى الشركات فى المجال ده فهى الشركة التانية فى العالم بعد شركة خطوط جنوب افريقيا وده لأنها بتتعامل مع اكثر من 80 وجهة حول العالم كلة من أفريقيا و أوروبا و أسيا و استراليا و غيرها. و أكتر مايميزها هى الخدمات اللى بتقدمها اثناء السفر من تقديم وجبات للركاب و توفير الرعاية الطبية للمرضى ده غير خدمات خاصة بالأطفال الرضع وحديثى الولادة اللى بيوفرولهم سراير اطفال فى مقدمة الكبينة و بيقدمولهم وجبات خاصة. ده غير الخدمات الطبية التانية و خدمات الشحن الجوى وغيرها واللى اهم من ده ان أسعار التذاكر معقولة وغير مبالغ فيها.

محمد خميس

هى الشركة الوطنية المصرية للملاحة الجوية واعرق شركات الطيران فى الشرق الاوسط كله وهى من اجود من يقدم خدمات الملاحة فى المنطقة العربية وتتميز برخص اسعار تذاكرها وامان رحلاتها وتوافر وتنوع رحلاتها الى معظم دول العالم ويفضل والدى السفر عبر خطوطها لاداء فريضة العمرة وينتظم العمل بها دائما فلا يحدث اى مشاكل فى مواعيد رحلاتها كما انها تقوم ببيع بعض رحلاتها بنظام الشارتر والتى تتيح للمجموعات ان يلتقوا معا فى رحلات العمل او العمرة او الحج مما يضفى حميمية جميلة فى السفر من والى القاهرة كما وتنتشر رحلاتها الداخلية مما يوفر اوقاتا كبيرة تضيع فى السفر الداخلى عبر وسائل المواصلات الاخرى

Mark Kamel

شركه مصر للطيران شركه مصريه ونفتخر بها بجد الشركه دى من الشركات العظيمه فى مصر انا عن نفسي شايف انها شركه تستحق كل تقدير واحترام بكل موظفيها وادارتها الشركه بتقدم مميزات مالهاش حل سواء كانت فى الاسعار اللى بجد مميزه عن اى شركه طيران تانيه وكمان مستوى الرفاهيه والراحه اللى بتقدمها للركاب على متن طائرتها مالهاش حل انا عمى شغال فى الشركه وبيحكيلى بجد الشركه روعه ومميزه جدآ كمان انا استخدمت الموقع الاليكترونى للشركه اكثر من مره بجد مميز جدآ وكفايه انك تقدر تعرف كل حاجه وانت قاعد فى البيت وكماان تحجز رحلاتك بسهوله.

Ahmed Farid

الشركه الرائده والاولى في مجال الطيران وانا والله العظيم جربت شركه تانيه كانو بيقولو عنها التوب في الطيران ومفيش زيها وكذا وكذا ولقيت ان مفيش فرق بينها وبين مصر للطيران بل كان الفرق في الاسعار فقط لا غير ومعامله جيده جدا من المضيفات واستقبال وترحيب كبير جدا للمصريين والعرب حتى وانا بحجز التذكره بتلاقي احسن وافضل معامله واقل تكلفه بيحاولو يدوها ليك وفكرتني بايام لما كنت بحجز من مكاتبها في السعوديه كانت بتبقا الموظفين بيحاولو يرضوك باي طريقه شكرا بجد مصر للطيران والاسطول الممتاز من الطيارات ويارب دايما اسافر مع مصر للطيران

Mohamed Esmail

انا شغال موظف طيران في شركة اسمها فريندز للسياحة في مساكن شيراتون وبتعامل كتير مع مصر للطيران بحكم شغلي لكن مش كل الفروع اللي بحب اتعامل معاها يعني علي سبيل المثال مصر للطيران فرع عدلي طلعت حرب من الفروع اللي بحترمها جدا لانها بصراحة بتنجزلي في وقتي ومريحاني كتير اوي علشان كده بقول مش كتير عليها المشوار من مساكن شيراتون لوسط البلد واتذكر موقف في تذاكر لامريكا فرع الكربة للاسف مقدرش يقدملي المساعدة اللي كنت طالبها فلجأت لفرع طلعت حرب وفعلا انجزلي كل شئ طلبته وده كان اول تعامل ليا معاه ومن يومها وانا كل شغلي الخاص بمصر للطيران بحب اخلصه في فرع طلعت حرب

Ali Ahmed

الشركه الاولى فى عالم الطيران فى مصر والعالم العربي وتميز بعدد الرحلات اللى يفوق اى شركه طيران اخرى ولديها اسطول رائع من الطائرات البوينج وال777 وايرباص وكتير من الطائرات التى تتميز بها مصر للطيران ولديها كباتن طيارين من امهر الطيارين فى العالم والمشهود لهم بحسن القياده ولديها مقدره عاليه على تنظيم الرحلات وتنسيق الترانزيت من والى جميع دول العالم بدقه وبدون تتداخل فى المواعيد واهم رحله يعتبرها البعض فى نظرهم الرحله المباشره من القاهره الى نيويورك ومن القاهره الى بانكوك هذه الرحله التى توفر نصف الوقت تقريبا فى الترانزيت، وكلنا نفخر بها كشركه مصريه.

Mohamed Rezq

من اعرق واكبر شركات الطيران في مصر بل في العالم العربي ولا نبالغ لو قلنا في العالم اجمع بل انها احسن من شركات تانيه كتير تحمل اسماء دول عظمى من حيث الرفاهيه والخدمه المميزه اللي بتتقدم للراكب بحيث انه لو جرب شركه تانيه يحس بالفرق من خلال الضيافه على الطائره ومن خلال الراحه والامان والقياده الرائعه من الكباتن الطيارين اللي تحس معاهم بالامان ويثق فيهم العالم اجمع ومن حيث اسعار التذاكر لا يمكن ان تصنف ضمن الشركات المبالغه في اسعارها بل من الشركات المتوسطه في الاسعار وطبعا الاهم انهم بيوفروا للراكب وزن اكبر من شركات كتير ونحن نفخر بهذه الشركه في مصر.