مارينا سدر

Mark Kamel

مش عارف اقول ايه غير ان التجديد جميل والتطوير محتاجينه لأنه عنصر اساسي فى حياتنا، جميل اننا نكتشف اللى محتاج تعديل وتطوير ونقوم بكل عزيمه نقوم نصلح ونبنى لنصبح غدآ افضل ومتميزين، مارينا سدر مش عارف ليه بحس ان في عدم اهتمام شويه وان كان على الجانب التانى اقدر اقول ان المكان بيحاول يغير من نفسه الى الاجمل والاروع، انا شايف ان المكان فى مارينا سدر محتاج اداره جميله ذات فكر عالى وراقى وبإمكانيات ماديه متاحه تستطيع ان تجعل هذا المكان من الاماكن الحيويه وتنال اعجاب الكثير من زواره لازم نتعب ونبذل مجهود حتى فى النهايه نحصد نجاح مارينا سدر، انا شايف ان المستقبل القريب متميز.

Manar El Kady

انا روحت في عطلة شم النسيم لقرية مارينا سدر وبصراحة المكان ماعجبنيش نهائيا لانه فعلا سيئ للغاية ولازم يكون فيه تطوير وتحسين لانه غير صالح للاقامة اساسا. اولا المكان كبير وبه حمامات سباحة وملعب اطفال وكمان مطعم ولكنه مهجور بمعنى الكلمة، فحمامات السباحة سيئة وغير صالحة للنزول واعتقد انه لم يتم عمل صيانة لها منذ فترة كبيرة كما إنها غير نظيفة وملعب الاطفال ايضا سيئ وكل الالعاب به تالفة ومتكسرة والمطعم يقدم ماكولات سيئة المذاق. ولا توجد خدمة اساسا بهذا المكان والغرف كذلك سيئة جدا جدا ولا ترقى لمستوى الاقامه بها حتى ليوم واحد. فبرجاء الاهتمام بهذا المكان او تغييره نهائيا لان الادارة به في غاية السوء.